|
مادة مضافة للخطة بدون مااأدري !
السلام عليكم
وانا اشيك على الخطة أشوف كم باقي لي .. أتفاجأ بوجود مادة بمسمى ( مبادئ علم الإجتماع ) طبعا هذي بالمستوى الأول .. للي يذكرون وإذا اني ماني ناسي إن الجامعة قبل كذا ترم قالت اللي أخذ مادة ( مبادئ الإدارة ) طبعا بالمستوى الاول برضوا فهو معفى أو لا يأخذ مادة ( الاجتماع ) حيث أنها طلعت بعد مادة ( الادارة ) وبعد ماعدوها الطلاب جات الجامعة وطرحتها للخطة لكن أفادت في وقتها أنها للطلاب اللي مااأخذوا ( الإدارة ) وتعتبر تعويض واستبدال عنها . الزبدة والملخص هل أنا ناسي أو اني ملخبط .. هل الخطاء من الجامعة ماشالتها من الخطة عندي ولازم أكلمهم ولا أنا غلطان ؟؟ لأن الموضوع قبل كذا ترم وناسي والله التفاصيل . اللي عنده خبر بالموضوع يفزع لي يااخوان لاهنتم .. ودي أسجل مواد بس هالسالفة حاست مخي وابتلشت اسجلها ولا اخليها ؟! |
رد: مادة مضافة للخطة بدون مااأدري !
اقتباس:
يفيدونك الاخوان ان شاء الله،،بالنسبة لي وقت ماشفت سؤالك رجعت الى السجل الاكاديمي تبعي ولقيت اني مأخذ مبادئ الادارة في المستوى الاول ومأخذ مبادئ علم الاجتماع في المستوى الثاني وأجتزتهم في حينها ولله الحمد والمنة،، لم أسمع بتفاصيل تبديل المواد اللي ذكرت،،بس نصيحتي عزيزي المربع بأن تمر بلفة سريعة الان ع مستوى 1و 2 كلية الاداب للفصل الدراسي الاول 1438\2017،،وتشوف موادهم هل هم مازالوا يدرسون المقررين اللي أنت ذكرت ام لا،،،فأذا كان الجواب نعم مازالوا مستمرين في دراستهم فاالله يعينك تدرس اللي باقي عليك.. |
رد: مادة مضافة للخطة بدون مااأدري !
|
رد: مادة مضافة للخطة بدون مااأدري !
وعليكم السلام ورحمة الله وبركاته
لآ مقررات مختلفه وكلها عليك وجب آخذها والله يعينك على علمائها |
رد: مادة مضافة للخطة بدون مااأدري !
الله يعينك
المادة إجبارية من مواد الاعداد العام لكلية الاداب رغم انها غثيثه شوي ، لكنها سهلة ان شاءالله. المادة الي خلت بعض الناس يتراجعوا عن تخصص علم الاجتماع هههههه |
رد: مادة مضافة للخطة بدون مااأدري !
اقتباس:
ولكن مع تلخيص العضيد الله يذكره بالخير خذيت فل مارك ولله الحمد |
رد: مادة مضافة للخطة بدون مااأدري !
3 مرفق
عليكم السلام ورحمة الله وبركاته ..
اخي المربع انت غلطان ولم تصدر الجامعة بيان بهذا الخصوص اي الاكتفاء بإحد المادتين وكلاهما مواد الزامية الاعفاء كان في تخصص ادارة الاعمال وموضح في جدول الاترام المطروح في خطة الجامعة ولم يكون الاعفاء في موادك المذكورة وانما مواد اخرى لإدارة الاعمال. مثل مبادئ الرياضيات وغيرها كما هو مرفق |
رد: مادة مضافة للخطة بدون مااأدري !
لا حول ولا قوة الا بالله وش هالعلم الجديد وانا اقول خلاص ماعاد باقي الا مواد سابع وثامن ونفتك طالعة لي هالمادة مدري من وين
طيب وش رايكم ياجماعة الخير احطها هي ولا ترجمة تتابعية بحكم خبرتكم وش المقدور عليها بين هاالاثنين ومايبيلها وقت كثير .. لاني ناوي اضغط الخطة هالترم ولا ودي اضغط اكثر من كذا نصايحكم بحكم خبرتكم يالاجاويد وين الاسهل بين الاثنين . والله يعطيكم الف عافية جميع على الرد والافادة لا خلا ولا عدم |
رد: مادة مضافة للخطة بدون مااأدري !
اقتباس:
اولاً تنهي المواد الاولى وتتخلص منها ثانياً بما انك مضغوط ، فهي اسهل من الترجمة التتابعية |
رد: مادة مضافة للخطة بدون مااأدري !
أنصحك بمبادئ علم الاجتماع المقرر سهل جدا مع الدكتور أحمد الجمعان
إذا ماتغير للحين في كل محاضرة يحدد عالم تقريباأنا تو أخذتها قبل ترم تقريبا كنت مأجلتها من خوفي من العلماء لأني ما أحب الحفظ لكن حمدت ربي إني أخذتها عنده لأن مايحب يتعمق كثير في التفاصيل والعلماءوكل محاضرة يركز على المهم وفي المباشرات يلخص المنهج كامل |
| All times are GMT +3. الوقت الآن حسب توقيت السعودية: 05:26 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام