ملتقى طلاب وطالبات جامعة الملك فيصل,جامعة الدمام

اذا تبي التعليم

1 - تختبر اختبار المعلمين العام

2 - وتختبر اختبار المعلمين التخصص

تخصصك انجليزي علم اجتماع لغة عربيه الخ الخ سجل في اختبار المعلمين للتخصص حقك واختبره

هذا الاختبارين مو مهم عندك دبلوم تربوي والا ماعندك عادي تقدر تختبرهم كل سنه

3 - واخر شرط تقدم على احدى الجامعات السعوديه الى فيها دبلوم تربوي وتقبل خريج انتساب لمدة سنه وتدرسها وتاخذ الدبلوم التربوي

وبكذا خلصت الشروط اذا تبي تكون مدرس

بعني بختصار اذا تبي تكون مدرس في مدرسه حكوميه لازم تكمل الـــ 3 شروط هذي

وارجع وأعيد مو شرط تخلص الدبلوم وبعدين تختبر كفايات المعلمين عادي تختبره قبل ماتخلص الدبلوم التربوي او بعده

او حتى قبل ماتخلص الجامعة وتاخذ بقر وتيوس عادي تقدر تختبر كفايات المعلمين

=========================

اذا تبي وظيفة حكومية اداري

تختبر اختبار تقييم 1

وبس هذا الشرط الوحيد

وهذا الشرط للرجال فقط << وهذا الى سمعته ... ان النساء مالهم اختبار تقييم للوظائف الاداريه على طول يرفعون شهادتهم وبس خلاص ...

===========================

طبعاًَ أول ماتستلم الوثيقه ترفعها في موقع جداره على طول عشان تحسب لك النقاط الخ الخ

ومتى ما اختبرت اي اختبار راح يرفع اتوماتك في جداره

الاختبارات الى ترفع اتوماتك هي اختبارات قياس فقط

اما باقي الشهادات دبلوم تربوي او شهادات خبره او اي شهادة اخرى لازم انت ترفعها بنفسك

ومتى ماخلصت الدبلوم التربوي بعدين ارفع الشهادة التربويه في جداره

-----------------------------------------

الى يبي يكمل دبلوم تربوي في احدى الجامعات او يكمل ماجستير او ابتعاث

لازم يختبر في قياس اختبار اسمه

قدرات الجامعيين

=========================

الخدمة المدنية في كل سنه تنزل وظايف حكوميه في جداره

انت كل الى عليك تدخل باليوزر حقك وراح الخدمة المدنية ( جدارة ) يرفعون لك الوظايف الى تناسب شهادتك ورشحوك لها

اسم الوظيفه
ومرتبتها
وفي اي منطقه وفي اي مبنى

انت كل الى عليك تختار الوظايف الى ترغب فيها بالترتيب

ونقاطك وتسأهيل رب العألمين وتوفيقه تطلع لك وظيفه

وأنتهينا ...

بالنسبة لأهل الشرقيه أو أي احد من خارج الشرقيه ونأوي يكمل دراسات عليا

جامعة الدمام راح تفتح التسجيل يوم الاثنين 1438/5/16هــ لي دبلوم تربوي لمدة سنه

وهذا التسجيل مو بس للدبلوم التربوي هذا للماجستير ودكتوراه الخ الخ

من شروط جامعة الدمام لازم انك مختبر قياس قدرات الجامعيين

اختبار قياس قدرات الجامعيين فاتح التسجيل على المحوسب وتقدرون تختبرونه في اي وقت

وكل يوم فاتح الاختبار ونتيجته المحوسب تطلع في أسبوع واحد

بالنسبة للي يبي يدرس دبلوم تربوي في فيصل

ماتقدر فيصل ماتقبل خريج انتساب للدراسات العليا

شوفلك واسطة

بالتوفيق ...