طلب المساعدة
 

السلام عليكم ورحمه الله وبركاتة
انا الان المستوى الرابع تخصص تاريخ وسمعت ان اغلب المواد اختبارها مقالي وانا ابي انزل المواد ولاكن ماني عارف وش المواد السهله او المواد اللي اختبارها موضوعي ارجو من الجميع اللي عنده معلومات يعلمني

رد: طلب المساعدة
 

والله بالنسبة لي مستوى رابع كان فيه صعوبه شوي والإختبارات كانت موضوعية وقتها

وإنت لا مفر راح تاخذها

اما المستوى الخامس كان من أفضل المستويات وأسهلها

وربي يعينك وتتسهل أمورك

وأي خدمة أنا حاضر باللي أقدر عليه

رد: طلب المساعدة
 

موضوع المقالي والموضوعي يعتمد على عدد الدفعة
حسب ماقيل لنا، في حال كان العدد اكثر من 100 كان الإختبار موضوعي وإن كان العدد اقل فهو مقالي

فإذا كنتم بمستوى ثالث اختباراتكم موضوعية فإحتمال لأن عددكم كبير وأنا ماأتوقع هالشيء

وبصراحة عن نفسي، افضل درجات جبتها في إختبار المقالي لأن الدكتور هو اللي يصحح ويراعي الفهم المجمل للطالب ويقيم الدرجة على هالأساس لكن التعب في المذاكرة

في مستوى رابع، تقريبآ من اصعب المواد كانت الدولة الأموية وكان اختبارها لخبطة رغم أنه كان موضوعي (أنا عندي عقدة من اسئلة دكتور مهند الدعجة)
وتاريخ الدولة البيزنطية المحتوى دسم لكن الإختبار كان جميل
حضارات الشرق الأدنى ايضآ كان فيها حفظ كثير وكذلك علم التاريخ

هذا اللي اذكر الآن والمستوى الرابع كان بالفعل فيه صعوبة عشان كذا لابد تبدأ مذاكرة من بدري وهذا هو الحل الأسلم
وأنصحك ترجع للمواضيع القديمة في ارشيف المواضيع لمستوى رابع عشان تعرف اكثر وتستفيد منها الآن ووقت الإختبار

رد: طلب المساعدة
 

المستوى الرابع نسيت امتحاناته ولا اذكر منها شئ بس لو كان اختبارك مقالي توكل على الله وذاكر وصدقني راح تتعود على المقالي انا بالنسبة لي مايفرق نوع الامتحان لاني في النهاية راح اذاكر المادة ان كانت مقالي او موضوعي والله يوفق الجميع

رد: طلب المساعدة
 

سجل موادك ولا تفكر مقالي ولا موضوعي لان الموضوع يعتمد على عدد الطلاب وهذا الشئ مستحيل راح تعرفه الا وقت الاختبار فسسجل موادك وتوكل على الله اا انا المقالي اصبح عندي ممتع بس لازم تكون على الاقل مذاكر لو 50% من المحتويات على شان تعبئ الورقة ولا تخلي شي فاااضي

رد: طلب المساعدة
 

ماشاء الله على التاريخيين ماقصروا في الرد.

توكل على الله وسجل المواد وذاكر من بدري ( على الأقل تقرأ المنهج مرتين قبل فترة الاختبارات ) تقرأه قراءة سريعة، ووقت الاختبار لما تبدأ تذاكر راح تشوف إن المنهج سهل جداً لأنك مطلع عليه سابقاً

الله يوفقك ويوفقك الجميع

رد: طلب المساعدة
 

الله يعطيكم الف عافيه على الردود الحلوه