|
قصيده لشاعر مجهول
قصيده لشاعر مجهول وهو الحبيب الذي عرف حبيبته من مشيتها في مكان عام ومع ذلك لم تعرفه ..!! ويقول فيها : شفتها يا ناس صدفه بعد ما غابت سنين *** عند قسم المختبـر وسط مشفى الجامعـه جيتها ثم قلت ممكن في سؤالي تسمحين *** ناظـرت فينـي بدهشه نظره متواضعـه قالت انته تـحسبني من بنات صايعين *** تـحسبني في زماني عن طريقي ضايعـه قلت انا ماراح اطـول كلبوها كلمتين *** وابعـدت عني شويه ثم جتنـي راجعـه قالت اسال واضح انك من رجال طيبين *** بس هرجك يالسنـافي كان وشهو دافعـه قلت انا حبيت وحده يـوم كنا صغيرين *** ومن ثمان سنيـن راحت للمواصل قاطعـه عقبهـا ماذقـت نـوم يهتنيـه النايمين *** ساهر في طول ليلي لين شـمسي طالعـه اذكر انه فيه حبه فـوق ثغـره من يمين *** واذكر انه لاجـرينا كـن شعـره تابعـه واذكر انـه عاشـق الورد والياسمين *** وصار قلبي بالـورود اللي عشقهـا زارعـه طابعا اسمه بقلبي فيه (؟؟؟) وفيه (؟؟؟) *** وفيه (؟؟؟) وفيه (؟؟؟) وسط قلبي طابعه قاطعتنـي بقولها سبحـان رب العالمين *** كـررتـها مـره .. ومرتين .. ورابعه قلت وشفيك وشبـلاك يابنيه ترجفين *** ليش عينك يابنيـه من كلامـي دامعـه قالت الموقف وقلبـي والمحبـه والحنين *** كيف اشوفك بعد ماكنـت عنك قانعـه قلت انا بسألك ان كانك انتـي تذكرين *** عن مواثيـق ثـمنها من حياتـي دافعـه قالت ظروف الزمان ماتطيـع العاشقين *** بيعونـي غصب حبك لو هو ماني بايعـه انا في دنياي حالي كنهـا حال السجين *** حتـى لو فكـوا سراحه فيه شي ٍ مانعـه زوجوني غصب واحد وحرموني حاجتين *** السعاده فـي زمانـي والحيـاه الرائعـه والحين انا ام لثلاثه ريـم وياسمين *** والولد اسمه على اسمك والمشاعـر جايعـه ...!! منقول |
رد: قصيده لشاعر مجهول
جميله جدا القصيده
شكرا لك على هذا النقل الرائع :119: |
رد: قصيده لشاعر مجهول
اقتباس:
الجميل مرورك سيدتي الفاضله :119: |
رد: قصيده لشاعر مجهول
مرررررررره حلوووووووووووه
الله يعطيك العافيه |
رد: قصيده لشاعر مجهول
يعطيك العافيه ع القصيده
روووووووووعه:d5: |
رد: قصيده لشاعر مجهول
شكرا
قصيدة اعجبتني |
رد: قصيده لشاعر مجهول
اقتباس:
|
رد: قصيده لشاعر مجهول
مؤلـــــــــــــم
سلمت يمينك :119::119: |
| All times are GMT +3. الوقت الآن حسب توقيت السعودية: 03:05 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام