ملتقى طلاب وطالبات جامعة الملك فيصل,جامعة الدمام

- - ساعدوني اسألتي بسيطه (https://vb.ckfu.org/showthread.php?t=765116)

ساعدوني اسألتي بسيطه

لو سمحتو عندي كم سؤال ابغى اجابات عليها ...

1.لما ادخل على المحاضرات المسجله اضغط على تنزيل المحاضره وبعدين اضغط على مشاهده واشوفها طريقتي كذا صح؟
2.اذا شفت المحاضره وانتهيت ادخل على منتيات الحوار واكتب ماستفدته من المحاضره ؟
3.طيب هذي هيه المشاركه ؟ وهل كل محاضره يكون فيها مشاركه كذا ؟ طيب الواجبات فيه واجبات ولا مافيه ولو فيه وين تكون ؟
4.اشتري ملخصات للمواد من المكاتب وايش اقول يعني كيف اطلبها؟
ايش اسوي وكيف اذاكر من وين والكتب اشتريها ولا كيف

الله يسعدكم تخرجوني من مأزق اذا ساعدتوني ,والله في حاجتكم ماعرف شي

رد: ساعدوني اسألتي بسيطه

دخلي الموضوع بتوقيعي واذا فيه شي مبهم ارجعي اساليني وبخدمتك اجاوبك
بالاول اطلعي عليه عزيزتي
وانا بالخدمة لاتحاتي

رد: ساعدوني اسألتي بسيطه

المحاضرات تكفي اي طريق المشاهدة او تنزيل المحاضرة اما المناقشات يكون فيه سؤال مطروح من الدكتور وانتي تجاوبين مع كل محاضرة يكون فيه سؤال للنقاش يعني 14 محاضرة و14 سؤال للنقاش +الواجبات تنزل كل فترة ومجموعها 3 واجبات +المحاضرات المباشرة تنزل في اخر الترم مع بعض كاملة هذي كلها تاخذين عليها 30 درجة اذا كملتيها اخر الترم ... بالتوفيق

رد: ساعدوني اسألتي بسيطه

اقتباس:

1.لما ادخل على المحاضرات المسجله اضغط على تنزيل المحاضره وبعدين اضغط على مشاهده واشوفها طريقتي كذا صح؟

انتي مخيره تبين تنزلينها بدون ماتشوفينها او تشوفينها بدون ماتنزلينها وحده منهم تكفي وانا انصحك على طول بالتحميل لان ماياخذ وقت ..

اقتباس:

2.اذا شفت المحاضره وانتهيت ادخل على منتيات الحوار واكتب ماستفدته من المحاضره ؟

منتديات الحوار يعتبر سؤال وانتي تحطين جوابك والاجوبه بالعاده تحصلينها بقسمك مثبته ..

اقتباس:

3.طيب هذي هيه المشاركه ؟ وهل كل محاضره يكون فيها مشاركه كذا ؟ طيب الواجبات فيه واجبات ولا مافيه ولو فيه وين تكون ؟

ايه المشاركه تسمى مناقشه والمجمل تكون 14 مناقشه و14 محاضره مع الاولى التمهيديه والواجبات تنزل بعدين مو الحين وكل ماده له 3 واجبات فقط وقبل نهاية الترم تنزل 3 محاضرات مباشره البعض يقول عليها درجات وبعضهم لا ..

اقتباس:

4.اشتري ملخصات للمواد من المكاتب وايش اقول يعني كيف اطلبها؟

قولي ابي ملازم جامعة الملك فيصل عن بعد مستوى كذا تخصص كذا ..

اقتباس:

ايش اسوي وكيف اذاكر من وين والكتب اشتريها ولا كيف

كيف تذاكرين عاد هذي مانقدر نعلمك عليها كل واحد وله طقوسه :16.jpg: بس الاكيد قبل كلشي راجعي قسمك راح ينزلون الاشياء المهمه اللي ذكرها الدكتور وركزي على اسئلة الاترام السابقه وبالتوفيق يارب ..