ملتقى طلاب وطالبات جامعة الملك فيصل,جامعة الدمام

- المستوى الأول - كلية الأداب (https://vb.ckfu.org/forumdisplay.php?f=311)

- - تكفون ياعزوتي يااهل الشرقيه (https://vb.ckfu.org/showthread.php?t=76417)

تكفون ياعزوتي يااهل الشرقيه

السلام عليكم

والله الظاهر اني مثل مايقولون رحت في الرجلين

العلم ياجماعه اني منتسب مطور اداب لغه انجليزيه انا وزميلي وتكفل بالموضوع الله يجزاه

خير وعطاني الرقم الجامعي ونزل المواد وبعدها انسحب من الدراسه وانا انشغلت وتفاجئت ان الاختبارات الاسبوع الجاي

وانا والله ماشتريت كتب ولا تابعت ولا محاضره ولاادري وش اسوي هل الملخصات تكفي

ولااعرف شي في موقع الجامعه

من يساعدني ويدبرني ماراح انسى جميله علي

رد: تكفون ياعزوتي يااهل الشرقيه

حياك اخوي ..

ولايهمك كلنا راح نساعدك ..

اول شي الاختبارات راح تبدء يوم الخميس بـ اذان الله ..

وهذا الجدول ..

الخميس / العقيده والمذاهب المعاصره ..

السبت / لغه انجليزيه - فقه السيره

الثلاثاء / التذوق الادبي

الاربعاء / علم اجتماع

السبت / التحرير العربي

وهنا تحصل الجدول مرتب وفيه اوقات الاختبار ..

http://www.kfu.edu.sa/ar/Deans/elear...am_tables.aspx

--

وبـ النسبه لـ الكتب .. كتاب الانجليزي اسمه north star والكتاب محدد لنا اشياء نذاكر منها مو كل الكتاب معانا ..
وبـ النسبه لـ علم الاجتماع اسمه مباديء علم الاجتماع لـ الكتور ابراهين طلعت ..

وبـ النسبه لـ العقيده والمذاهب الاسلاميه الدكتور ماقصر ونزل لنا ملزمه نذاكر منها
وتحصلها هنا .. و + على الملزنه مطالبين بـ حفظ جزء عم ..

http://sub3.rofof.com/05eglrq11/Al-3...mیh.html

اما باقي المواد ماعليك الا تفتح البلاك بورد وتفتح على كل ماده وتفتح المحتوى المقرر وتذاكر منه ..

---

ولا تحاتي انشاءالله راح يمديك بس انت ابدء ذاكر واي سؤال انا تحت امرك ..

الله يوفقك يارب

رد: تكفون ياعزوتي يااهل الشرقيه

الله يجزاتس الجنه

لازم نحفظ جزء عم كامل والاختبار تسميع ولا على الورقه

بالنسبه للمواد هل فيه مكتبه تبيع ملخصات ولا شي

والاختبار موجود كله فتره مسائيه هل صحيح ولا انا غلطان

ولا وتواخذيني ياختي على كثر الا سئله والله اني محتار في الوقت الضيق

رد: تكفون ياعزوتي يااهل الشرقيه

اقتباس:

المشاركة الأصلية كتبت بواسطة راشد الهاجري (المشاركة 1061127)

الله يجزاتس الجنه

اجميعن يارب ..

لازم نحفظ جزء عم كامل والاختبار تسميع ولا على الورقه

ايه اخوي لازم نحفظ جزء عم كامل وراح يكون على طريقه مثلا الدكتور يكتب لك آيه ويقول كمل الايه , ومو لازم تكون الايه من بدايه السوره ممكن يجيب آيه من الوسط ويقول كمل ..

بالنسبه للمواد هل فيه مكتبه تبيع ملخصات ولا شي

ايه على ماسمعت ان فيه مكتبه اسمها الفجر تبيع الملخصات .. بس نصيحتي الاعضاء ماقصرو منزلين ملخصات لجميع المواد خذ فره على المنتدى وراح تشوف الملخصات احسن من انك تشتري ..

والاختبار موجود كله فتره مسائيه هل صحيح ولا انا غلطان

ايه الاختبار راح يكون مســأئي ..

ولا وتواخذيني ياختي على كثر الا سئله والله اني محتار في الوقت الضيق

خذ راحتك ياخوي واي اسئله ثانيه ماراح اقصر معاك .. والله يوفقك

حبيت اقولك بعد ان الاختبار كله راح يكون موضوعي يعني اختر الاجاابه الصحيحه ..

ماعاد جزء عم اللي راح يكون مع اختبار العقيده راح يكون اكمل الاتي ..

تحياتي