ملتقى طلاب وطالبات جامعة الملك فيصل,جامعة الدمام - لملم جراحك ياقلبي صاحبك ماهو ضروري

- ملتقى الفنون الأدبية (https://vb.ckfu.org/forumdisplay.php?f=150)

- - لملم جراحك ياقلبي صاحبك ماهو ضروري (https://vb.ckfu.org/showthread.php?t=76139)

لملم جراحك ياقلبي صاحبك ماهو ضروري

[align=center]
مسائكم عذوبه آآحساس وشعر

مصافحه جديده آتمنى آن ترتقي لذائقتكم

آعترفت بكل اراده عن خطاي وعن غروري
واعتذرت بكل حماقه عن خطاه وعن غروره

هو تكبّر هو نساني هو جهل اجمل شعوري
هو نكرني هو جحدني ..حطّم القلب وشعوره

لجل حبه كنت اسطر هالمشاعر في سطوري
لجل حبه كنت اعشق ظلمه لا جا بيوم جوره

كنت انا اشوفه لدربي لا انسدل هالليل نوري
ودارت الدنيا علينا وصار كل هالحب صوره

ليه اعبر له بحورن دام ما همه عبوري
ليه اشقى في حياته ليه اغرق في بحوره

كنت احلم كل مامر طيفهم من جنب سوري
وارسل احلامي مع ليلن ظلمني يم سوره

كنت ارسم لحظة اللقيا على موعد حضوري
ولجل عينه كنت اذرف خالص الدمع بحضوره

والله انه من قساته موّت بكفي زهوري
وادري انه في كفوفه شايل لغيري زهوره

ليه يحاول يزرع الاشواك في لحظة مروري
وليه كل ماشاف طيفي انحنى لحظة مروره

لا ياقلبي ليه تنزف؟ بكره تتصلح اموري
ما توقف دنيتي دام انتهى بالحب دوره

لملم جراحك ياقلبي صاحبك ماهو ضروري
دام ما عدني ياقلبي بالمحبه له ضروره

تكفى صد عنه ياقلبي لجل ترضي بي غروري
تكفى ياقلبي بصدك حطم احساسه وشعوره

\

!!

[/align]