ابي طريقة الخطوات لتقديم تصنيف اخصائي اجتماعي بالتفصيل الممل
 

السلام عليكم والرحمه

يااخواني انا اخذت خطاب تدريب من هيئة التخصصات الصحيه وبقدم على مستشفى حكومي مجاني

وش الاجراءات الاخرى
ياليت احد يشرح لنا بالتفصيل الممل

رد: ابي طريقة الخطوات لتقديم تصنيف اخصائي اجتماعي بالتفصيل الممل
 

وعليكم السلام ورحمة الله

تتوجه بالخطاب الى مركز التدريب والتطوير المستمر

وبدورهم يوجهونك الى المكان اللي راح تدريب فيه وعليها رسوم 3000 ريال عن كل شهر تدريب

وبعد ما تخلص تدريبك من المكان اللي توجهت له يوقعون لك على الخطاب وترجع لمركز التدريب والتطوير المستمر ويعطونك شهادة إكمال تدريب 3 شهور ترجع فيها لهيئة التخصصات وينتهي موضوعك .


* اذا كنت ما تبي تدفع رسوم 3000 ريال حاول تتجنب مركز التدريب والتطوير المستمر
وشف لك اي مستشفى يقبلك ويختم لك على خطاب هيئة التخصصات بدون مركز التدريب
وبعدها ترجع للهئية مختم خطابهم انك تدربت عندهم بس هذي نسبة نجاحها قليل احيان يقبلون وايان لا .

والله يوفقك
.

رد: ابي طريقة الخطوات لتقديم تصنيف اخصائي اجتماعي بالتفصيل الممل
 

حياك الله اخوي ومشكور

انا قدمت على هيئة التخصصات الصحيه وعطوني خطاب توجيه لاي مستشفى ولقيت مستشفيات بدون رسوم

السؤال هنا

هل اتدرب وبعد مااخلص التدريب من المستشفى اروح اختبر بهيئة التخصصات ؟ والا فيه اجراء ثاني قبل الذهاب الى الاختبار.؟

رد: ابي طريقة الخطوات لتقديم تصنيف اخصائي اجتماعي بالتفصيل الممل
 

ترجع لهيئة التخصصات تسلمهم خطاب التدريب بعد ماتخلص ويفتح لك حساب ببيرسون فيو

مكانهم نفس موقع قياس تختبر وتاخذ نتيجتك بعد ما تخلص الاختبار مباشرة

ترجع لهئية التخصصات ويرفع لك طلب تصنيف ياخذ من اسبوع الى اسبوعين

وتتصنف ان شاء الله ..

رد: ابي طريقة الخطوات لتقديم تصنيف اخصائي اجتماعي بالتفصيل الممل
 

السلام عليكم
معذرة بس اذا عندكم مستشفيات في الشرقيه تقبل التدريب وخطواتها سهله قولو لي عنها

رد: ابي طريقة الخطوات لتقديم تصنيف اخصائي اجتماعي بالتفصيل الممل
 

يمدحون مسستشفى الدوسري بالخبر