ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   الاخصائين الاجتماعيين (https://vb.ckfu.org/forumdisplay.php?f=443)
-   -   بطاقة التصنيف المهني أخصائي/أخصائية (https://vb.ckfu.org/showthread.php?t=760704)

Romantic22 2016- 8- 9 11:17 PM

بطاقة التصنيف المهني أخصائي/أخصائية
 
السلام عليكم
اللي طلعوا بطاقة التصنبف المهني وتصنفوا اخصائيين اجتماعيين و أخصائيات اجتماعيات اذكروا لنا ويش استفدتوا من هالخطوه
وويش أضافت لكم ؟؟ واذا توظفتوا بالبطاقه لو مامنها فائده؟

بالنسبه لهيئة التخصصات الصحيه في الدمام كيف كانت اجراءاتكم لاستخراج البطاقه والتدريب وين وكيف وهل الموضوع معقد
حابه أطلع البطاقه بس مو عارفه احد قريب مني طلعها
بس سجلت حاليا لدورة الانعاش(هل فيه تطبيق عملي يحتاج الواحد يذاكر) ماهي الخطوه القادمه بالنسبه لي
أخاف من انهم يعقدوا المسأله فخبرونا بخطواتكم واذا فيه خريجات تصنفوا يذكروا التجربه أو حاليا يتدربوا وين لانه القسم مافيه تجارب جديده ولافيه لنا مرجع ثري لخوض التجربه ولا ننسى الرسوم المكلفه لمشوار التصنيف والاجراءات المتبعه تخلينا نفكر قبل لانقدم على هالخطوه ونقرر..
شاركونا تجاربكم جميعآ
هل التصنيف يساعد في سرعة الحصول على وظيفه
وبالنسبه لنا نحن كـ نساء اللي عنده فكره بتكون أصعب علينا لو كيف..!!!

king of silence 2016- 8- 9 11:37 PM

رد: بطاقة التصنيف المهني أخصائي/أخصائية
 
وعليكم السلام ورحمة الله وبركاته .
1- ايش استفادوا من الحصول على بطاقة التصنيف ؟
طبعاً هي مو بطاقة فقط .. هي شهادة تصنيف هيئة التخصصات .. ويعطونك معها بطاقة .
اذا نزلت وظائف اخصائي اجتماعي او اخصائية اجتماعية في وزارة الصحة .. ماحد يقدر يقدم عليها او بالأصح .. مايقبلون إلا المتقدم الحاصل على شهادة تصنيف هيئة التخصصات الصحية .. وبدونها ماتقدرين تقدمين على وزارة الصحة .
ولكن الوظائف في غير وزارة الصحة مثل ( باحث اجتماعي في وزارة الشوؤن الإجتماعية .. او في اي ادارة حكومية اخرى ) لا يحتاج المتقدم إلى شهادة التصنيف لهيئة التخصصات الصحية .

2- خطوات الحصول على شهادة التصنيف .
1- التوجه إلى اقرب فرع لهيئة التخصصات الصحية ويكون معك ( اصل الوثيقة ,, واصل اثبات الهوية )
تقدمينها عليهم .. ويعطونك نموذج للتطبيق لمدة 3 اشهر لمن هم حديثي التخرج .
تاخذين النموذج وتتوجهين إلى اي مستشفى ترغبين في التطبيق فيه .
للمعلومية ( المستشفيات التابعة لوزارة الصحة .. تطالبك بتسديد 3000 ريال ) ( والمستشفيات التابعة لوزارة الدفاع اجراءاتهم افضل .. ولا يطالبون منك اي مبلغ )
2- بعد الإنتهاء من التطبيق تاخذين الخطاب وتتوجهين لهيئة التخصصات الصحية مرة اخرى .. وتعطينهم الخطاب .. وبعدها يطالبون منك تسديد مبلغ 1300 ريال .. ويعطونك خطاب موجة لإختبار .. اذا عديتي فيه يسلمونك شهادة التصنيف مختمة .. وبطاقة التصنيف .

# بالنسبة للوظائف المطروحة عن طريق ديوان الخدمة المدنية .. والتي لا تكون في وزارة الصحة
يطالبونك بإختبار القدرات المعرفية1
.

Romantic22 2016- 8- 17 08:21 AM

رد: بطاقة التصنيف المهني أخصائي/أخصائية
 
اخذت خطاب من الهيئه ورحت به المستشفى لكن المستشفى طلبوا مني اول اسجل في موقع الصحه تدريب بأجر وهذا التسجيل طالب شهادة تحاليل الكبدي الوبائي و مكافحة العدوى وش أسوي الحين لانهم كاتبين لن ينظر الى الطلب في حال عدم ارفاق هذه الوثائق

منتسب 0509 2016- 8- 18 07:40 AM

رد: بطاقة التصنيف المهني أخصائي/أخصائية
 
الله يعين طلباتهم معقده


All times are GMT +3. الوقت الآن حسب توقيت السعودية: 07:07 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه