ملتقى طلاب وطالبات جامعة الملك فيصل,جامعة الدمام

- ملتقى المواضيع العامة (https://vb.ckfu.org/forumdisplay.php?f=3)

- - محتاج مساعدتكم .. (https://vb.ckfu.org/showthread.php?t=7601)

محتاج مساعدتكم ..

سلام عليكم

انا قبل سنتين متخرج والتحقت بكلية الأمير سلطان العسكرية للعلوم الصحية بالظهران .. لكن قبل لا ادخل لها قدمت على جامعه الملك فيصل في الأحساء
وقبلوني .. لكن ما التحقت بها .. والآن قررت التحق فيها لكن وقتها قبل سنتين
سمعت انه بيفتح قسم للحاسب في الدمام .. هل فتح القسم ؟؟ وايش الأقسام الموجود بالدمام او الخبر ..

والله لا يهينكم ممكن واحد يسرد لي كل تخصصات كلية الحاسب الآلي ؟؟

واكون شاكر لكم

رد: محتاج مساعدتكم ..

واللة ماعندي اي فكرة

رد: محتاج مساعدتكم ..

و عليكم السلام

Ali-911

اقتباس:

انا قبل سنتين متخرج والتحقت بكلية الأمير سلطان العسكرية للعلوم الصحية بالظهران .. لكن قبل لا ادخل لها قدمت على جامعه الملك فيصل في الأحساء
وقبلوني .. لكن ما التحقت بها ..

طبعاً القبول الي حصل لك من قبل في جامعتنا خلاص رااح ..

اقتباس:

والآن قررت التحق فيها لكن وقتها قبل سنتين

بإمكانك تلتحق مرة ثانية بجامعتنا ..
بس بشرط ان شهادة الثانوية العامة ما مر عليها أكثر من خمس سنوات ..

اقتباس:

سمعت انه بيفتح قسم للحاسب في الدمام .. هل فتح القسم ؟؟

فيه أخبار عن محاولة إدارة الجامعة فتح كلية العلوم الإدارية و التخطيط في الدمام
طبعاً هالكلية موجودة في الحسا ، و فيه طلاب من الدمام و غيرها مغتربين و يدرسون فيها في الحسا ..
إلى الأن ما فيه أي شي جديد .. يعني ما فتحوها في الدمام إلى الآن

اقتباس:

وايش الأقسام الموجود بالدمام او الخبر ..

في جامعتنا شطر الدمام موجودة الكليات الآتية :
1/ كلية الطب بالدمام ( طلاب+طالبات)
2/ كلية طب الأسنان ( طلاب فقط )
3/ كلية التمريض ( طالبات فقط )
4/ كلية العلوم الطبية التطبيقية ( طلاب+ طالبات)
5/ كلية العمارة و التخطيط ( طلاب+طالبات)
6/ كلية الدراسات التطبيقية و خدمة المجتمع (طلاب+طالبات)
7/ كلية المعلمين بالدمام ( طلاب فقط )
8/ كلية العلوم للبنات بالدمام ( طالبات فقط )
9/ كلية الآداب للبنات بالدمام ( طالبات فقط )

اقتباس:

والله لا يهينكم ممكن واحد يسرد لي كل تخصصات كلية الحاسب الآلي ؟؟

عندنا في الحسا كلية علوم الحاسب و تقنية المعلومات و فيها حالياً تخصصين تم فتحهم للطلاب هما :
1/ نظم معلومات
2/ علوم الحاسب

بإمكانك معرفة المزيد من المعلومات من خلال هذا الرابط :
http://www.ckfu.org/vb/showthread.php?t=5033
أقتراح :
بإمكانك يا خوي تدرس في كلية الدراسات التطبيقية و خدمة المجتمع سنتين على حسابك ضمن البرنامج التأهيلي - تخصص حاسب .. و بعدين إذا جبت معدل 2.75 من 5 أو أكثر .. تقدر تكمل دراستك في كلية العلوم الإدارية و التخطيط

أختك
~المسيـــــر~

رد: محتاج مساعدتكم ..

مشكورة يالمسير .. بس بسألك عن تخصصات الحاسب في الأحساء والجامعه هناك .. هل يوجد فيها سكن طلاب .. وكم تبعد يعني لو بمشي من الخبر لها الطريق حوالي ساعه لكن لما اوصل الحسا كم بياخذ وقت علشان اوصل للجامعه .. وعارف ان قبولي راح وراح اقدم من جديد لكن متى بيبدأ التقديم بالتاريخ بالضبط لو سمحتي ..

رد: محتاج مساعدتكم ..

اقتباس:

هل يوجد فيها سكن طلاب ..

نعم ... يوجد :s17:

اقتباس:

وكم تبعد يعني لو بمشي من الخبر لها الطريق حوالي ساعه لكن لما اوصل الحسا كم بياخذ وقت علشان اوصل للجامعه ..

للأسف .. ما عندي معلومة تقريبية عن المسافة ..
بس الجامعة هي في الهفوف ..

اقتباس:

وعارف ان قبولي راح وراح اقدم من جديد لكن متى بيبدأ التقديم بالتاريخ بالضبط لو سمحتي ..

طبعاً ما فيه قبول للفصل الدراسي الثاني في جامعتنا
باستثناء كلية الدراسات التطبيقية و خدمة المجتمع .. و هاذي كلية أهلية
يعني الدراسة فيها بفلوووس