|
مساعدة بخصوص الدراسات العليا (ولو معلومة)
السلام عليكم ورحمة الله وبركاته
اللي عنده معلومات بالتفصيل يفيدني انا متخرجة لي سنتين وسبع شهور والوضع لا يطاق قاعدة مااقدر أستفيد من وقتي وقتي يضيع من بين يديني قسمي أوهمنا ان الفرص الوظيفية مثل عدد قطرات المطر ولا شفنا شي (علوم المكتبات والمعلومات) يمكن من بحدود 300 طالبة اللي توظفو اللي اعرفهم شخصيا 3 أو 4 كل مارحنا جهة تصريف او مره نسمع بهالقسم- اكتفاء- مافيه فرص وظيفة بالقسم هذا غير المدراس الاهلية الجملة المعتادة اكتبو معلوماتكم غير التقديم الالكتروني بكل مكان هذا بالنسبة للوظيفة نجي للطموح اللي الكل حاب يحققه سجلت بأول خطوة الدبلوم تلاعب وواسطات واغلب المقبولات من كليات خارج المنطقة الشرقية وماله داعي احدد سجلت مرتين وتم رفضي اول تقديم الوضع تمام ودخلت المقابله وكلي ثقه اني راح انقبل وتمت المقابله والاشادة بي ومدحي و و و و طبعا اللجنة قالت هالكلام لقريبة لي تشتغل بالكلية وتفائلت بس ماراح اقول نها صدمة لاني كنت متوقعه الرفض باي وقت وللاسف ماانقبلت الجواب : والله القبول من العمادة قسم الرجال دام القبول من عندهم اجل ابتدى شغل الواسطات التقديم الثاني تم رفضي الماستر للاسف مالنا اي حظ فيه لان ادارة القسم وعدونا راح يفتحون لنا المجال و.......ز اي احد يقدر يفيديني |
رد: مساعدة بخصوص الدراسات العليا (ولو معلومة)
سجلي في كليه التقنيه باالاحساء دبلوم
شروطهم اهم شي العمر لايزيد عن ٣٠ سنه والنسبه تكون مرتفعه التسجيل بشهاده الثانويه التسجيل الان مفتوح |
رد: مساعدة بخصوص الدراسات العليا (ولو معلومة)
وبعد دراسه الدبلوم في كليه التقنيه
درسي بكالوريوس فتحوا البكالوريوس السنه في التقنيه وحاليا. مفتوح اهم شي تجيبي درجه التوفل او ستيب |
رد: مساعدة بخصوص الدراسات العليا (ولو معلومة)
ادرسي لغة انجليزية وجيبي درجة حلوة بالايلتس او التوفل وقدمي على الماجستير
مو شرط تخصصك اختاري تخصص ثاني مثل ادارة الاعمال تقبل بكالوريوس اي تخصص |
رد: مساعدة بخصوص الدراسات العليا (ولو معلومة)
دمعه شوق لو سمحتي
وين تتم دراسه لغه الانجليزي في اي معهد او في جامعه الملك فيصل وكم مده الدراسه ابي اجيب درجه في ستيب او الايلتس او التوفل بس مو عارفه مين يدرس هالدورات وكم الرسوم لاني درست دبلوم في التقنيه وابي اقدم على بكالوريوس التقنيه بس شروطهم تعجيزيه يبون لازم اختبر توفل او ستيب او ايلتس يحسسوني كأني مقدمه على ماجستير مو بكالوريوس |
رد: مساعدة بخصوص الدراسات العليا (ولو معلومة)
إخت بسمة اتمنى لك التوفيق يارب واتفق مع الأخت دمعة الشوق هذا هو الحل الأنسب والأفضل لوضعك إخت حفصه فيه أكثر من مركز بالشرقية يوفر تدريب للآيلتس وكذلك اختباره شوفي الموقع هذا يخص المجلس الثقافي البريطاني https://www.britishcouncil.sa/exam/i...fees-locations والموقع هذا اكتبي الدوله والمدينة ويحددلك المراكز الموجودة بالمنطقة هنـــــــــــااا |
رد: مساعدة بخصوص الدراسات العليا (ولو معلومة)
شكرا لك
|
رد: مساعدة بخصوص الدراسات العليا (ولو معلومة)
اقتباس:
ايضا مركز خدمة المجتمع في جامعة الدمام يقدمون دورات لغة انجليزية عموما اللغة الانجليزية حتى لو درستي ذاتية بكتب ومقاطع يوتيوب تقدرين تختبرين وتجيبين الدرجة المطلوبة |
| All times are GMT +3. الوقت الآن حسب توقيت السعودية: 11:44 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام