|
عاجل - استفسار بخصوص موعد التسجيل دراسة عن بعد بجامعة الفيصل
السلام عليكم
الله يعطيكم العافيه انا انتظر متى يبدا التقديم على نار لانو راحت علي سنوات طويله ونا احاول ودائما يفوتني موعد التقديم ولا اعرف شلون اقدم في الموقع طيب عندي سؤال اتمنى احد عنده خبره ويجاوبني لاني مو عارفه اسئل من هل يقبلون في دراسه تقديم عن بعد متخرجه من سنوات طويله من ثانويه وكبيره بالعمر هل يقبلون اي عمر ؟ ونا خريجة دبلوم هل اقدم شهادة دبلوم ولا ثانويه ؟ انتظر احد يساعدني ويقيدني باسرع وقت رحم الله والديكم |
رد: عاجل - استفسار بخصوص موعد التسجيل دراسة عن بعد بجامعة الفيصل
اقتباس:
بخصوص التسجيل العلم عند الله لكن ( يقولون ) < لا تعتمدي لازم تشيكين كل يوم على موقع جامعه الملك فيصل يقولون ان التقديم بعد العيـد وطبعا فيه تخصصين ( إدارة أعمال × أنجليزي ) نعم يقبلونك لو عمرك أن شاءالله 50 سنه ، العمر ماله شغل وعندنا ماشاءالله أمهات وأباء وأخوان وابناء يدرسون معنا والحمدالله كلنا يد واحده ومكملين لبعض ، أما بخصوص معادله الدبلوم هنا يعتمد على حسب دبلومك لو كان دبلوك معهد أهلي ! ماراح يعتمد نهائياً هذي سياسه جامعه الملك فيصل ! أما إذا كان دبلوم كليه التقنيه راح يعادل 15 ساعه إلى 18 ساعه فقط والمعادله راح تكون من الترم الثاني لأن الترم الأول مواد أجباريه |
رد: عاجل - استفسار بخصوص موعد التسجيل دراسة عن بعد بجامعة الفيصل
الله يوفقك أخت إيمان
للحين مافيه خبر عن التسجيل وبالعاده يتم الأعلان عنه بالوقت هذا ،، وأذكر قبل فتره فيه أحد الأخوان هنا أرسل إيميل للشعيبي يستفسر عن التسجيل وحسب إفادته بإن دراسه التعليم عن بعد في جامعة الملك فيصل متوقفه نهائيا ً =================================== على كل حال تابعي إعلانات العمادة عبر الموقع الرسمي وبنفس الوقت إذا فيه جامعة أخرى حاولي تقدمين عليها عشان مايفوتك شئ ،، |
رد: عاجل - استفسار بخصوص موعد التسجيل دراسة عن بعد بجامعة الفيصل
حياك الله اخت ايمان
احسن شئ تسجلين باكثر من جامعه يعني بفيصل و الامام وتشوفين لان فيصل صارو يقبلو عدد معين مو زي قبل والامام حلو وعندهم 4 تخصصات |
رد: عاجل - استفسار بخصوص موعد التسجيل دراسة عن بعد بجامعة الفيصل
السلام عليكم ..برافو عليكي مشاء الله كملي انا نفسي من زمان بجامعة الملك فيصل بس ماكتب الله وسار عمري ثلاثين وماكملت وقدمت العام ومانقبلت عن بعد والسنة مدري في تقديم ولافاتني
|
رد: عاجل - استفسار بخصوص موعد التسجيل دراسة عن بعد بجامعة الفيصل
من رايي شيكي على الجامعات كلها عند جامعه عبد العزيز و طيبه اما الامام الي سمعته سكروه بس تاكدي بنسبه للعمر مايهمهم عندنا حريم كبار بسن ما تتوقعينها الله يوفقهم فلا تشيلين هم العمر المشكلها هنا قلصو القسام بالجامعات لانهم ناوين يغلقونهم وبالتوفيق لك
|
رد: عاجل - استفسار بخصوص موعد التسجيل دراسة عن بعد بجامعة الفيصل
جامعة الملك عبد الزيز مفتوح التسجيل فيه بامكانكم تسجلون
في التعليم عن بعد وفي كذا تخصص وجامعة طيبة بعد مفتوح جامعة الدمام شفت المشرف احساس منزل موضوع مكتوب فيه ان التسجيل فيه بتاريخ 4 ذو القعدة بالنسبة لشهادة اللي خبري تقدمين بشهادة ثانوي والله اعلم هل يقبلون دبلوم ويعادلون موادك الله اعلم موفقين |
رد: عاجل - استفسار بخصوص موعد التسجيل دراسة عن بعد بجامعة الفيصل
الان جامعة الملك عبدالعزيز فتحوا التسجيل بالتعليم عن بعد والانتساب << قدمي عليهم
وبالمستقبل اذا فتح التقديم على جامعة الملك فيصل << كذلك قدمي عليهم علشان تضمنين مقعد في اي جامعه |
رد: عاجل - استفسار بخصوص موعد التسجيل دراسة عن بعد بجامعة الفيصل
انا متخرج من ١٨ سنه ، وقدمت عليهم وقبلوني . التوفيق بيد الله يا اختي ايمان . قدمي وتوكلي على الله ☝️
|
رد: عاجل - استفسار بخصوص موعد التسجيل دراسة عن بعد بجامعة الفيصل
جامعه عبدالعزيز دخلت عليها من شوي ابي اسجل وسنه تخرجي مو من الخيارات هل التسجيل حاليا انتظام بعدين الانتساب ولا وش السالفه الرجاء احد يوضح لي الله يجزاكم خير
|
| All times are GMT +3. الوقت الآن حسب توقيت السعودية: 07:53 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام