كيفية معرفة المسار الذي تم الترشيح للقبول فيه ؟؟
 

السلام عليكم ورحمة الله وبركاته

مُبارك عليكم شهر رمضان

عندي قريب لي سجلته بجامعة الدمام وأمس طلعت نتائج الترشيح للقبول بالدفعة الأولى , ولكن ما فهمت العبارات المكتوبة جنب الرغبات بموقع الجامعة .

الرغبة الأولى ( مسار صحي ) مكتوب جنبه تحت خانة إجراء البرنامج كلمة طلب >> إيش تعني هالكلمة ؟؟؟
الرغبة الثانية ( مسار هندسي ) مكتوب أيضًا كلمة قبول مشروط >> إيش تعني هالكلمة ؟؟؟
الرغبة الثالثة ( مسار صحي تمريض وصحة عامة ) + الرغبة الرابعة ( مسار علمي ) + الرغبة الخامسة ( التربية ) + الرغبة السادسة ( الدراسات التطبيقية ) كلهم مكتوب عندهم كلمة رفض >>> يعني ما في أمل لهم يعني ؟؟؟؟

يعني قريبي ترشح لشنهو بالضبط ؟؟؟ مسار هندسي وإلا مسار صحي ؟؟؟ أنا خريجة جامعة الملك فيصل ولا مرت علي هالمصطلحات 🙄

طبعًا قريبي نسبته الموزونه تأهله للقبول بكل الرغبات اللي ذكرتها فوق بإستثناء أول رغبة بناءًا على الجدول اللي نشروه بالموقع للنسب الموزونة اللي تم ترشيحها للقبول بالدفعة الأولى .

وإيش نسوي حاليًا ؟؟؟ لأنه مقدم على جامعة الملك فهد وكلية الجبيل الجامعية 🤔

رد: كيفية معرفة المسار الذي تم الترشيح للقبول فيه ؟؟
 

اذا انه يبي الدمام ومتأكد انه خلاص يبيها اكيد...كمل اجراءات القبول وبإذن الله تترقى مع الدفعات الجاية
لكن خلاص اذا اكد على الدمام لايروح يأكد على جامعة ثانية ولا ترى بيروحون عليه ثنتينهم

رد: كيفية معرفة المسار الذي تم الترشيح للقبول فيه ؟؟
 

يعني مقبول في المسار الهندسي قبول مشروط بتقديم الوثائق وإن شاء الله مع الدفع الجايه يترقى للمسار الطبي

رد: كيفية معرفة المسار الذي تم الترشيح للقبول فيه ؟؟
 

اول شيء لازم الرغبات مرتبة بالافضلية..انقبل بالرغبة الثانية وبالتالي الرغبات الأقل يتم رفضه وله فرصة للمنافسة للرغبة الاولى

الان لابد من استكماا اجراءات القبول للمسار الهندسي وبالدفعه الثانية او الثالثة يتم ترقيته اذا نسبته تسمح للرغبة الاولى
وبالتوفيق

رد: كيفية معرفة المسار الذي تم الترشيح للقبول فيه ؟؟
 

A.bari

فتآت مسك

دمعه الشوق

يعطيكم العافية ما قصرتوا افدتوني كثير 👌🏻

الله يوفقكم ويسخر لكم كل خير 🌷🌷