|
فزعتككككككككم ي النشاماااااااااااااااااا
السلام عليكم ورحمة الله وبركاتة
قبل 5 شهور قدمت على شركة حكومية مساندة للدولة وسويت المقابلة واجتزتها الحمدلله وبعدها طلع اسمي بالفرز من المقبولين واليوم جاني اتصال منهم وخبروني على العرض الوظيفي الراتب والمميزات الخخخ وقالي الموظف في حال موافقتك عطنا خبر او اذا في ملاحظات خبرني قلت ابد عندي ملاحظة بسيطة ومهمه اني تخرجت من اسبوعين من الجامعة بكالريوس ادارة اعمال وابي تعينوني على اخر مؤهل اللي هو البكالريوس مو الدبلوم قلت عندي الافادة بالتخرج والجامعات تطول على يسلمونا الوثيقة من شهر الى شهرين قالي من ابسط حقوقك تتعين على اخر مؤهل قالي انتظرني دقيقة المهم انتظرت ع الخط دقيقة وكلمني قالي راجعني الشركة وعطني الافادة وان شاء الله خير المهم راجعتهم للشركة عند ال HR وعطيته الافادة قالي والله الادارة كلمتهم يبون الوثيقة اذا انت تبي نعينك على اخر مؤهل لابد الوثيقة قلت الوثيقة ماقدر اخذها الحين يبيلي شهر او شهرين يعني ي رمضان او شوال قال مو مشكلة بخلي اوراقك عندي ووقت ماتستلم الوثيقة تعال عندي ووظيفتك موجوده اما في حال قبلت العرض حق الدبلوم الاقل راتب الحين اخليك توقع العرض وبعد شهر تباشر العمل بس قالي الافضل لك انك تتعين على البكالريوس من البداية قلت والله انا رغبتي التعيين بالبكالريوس قال اوكي وقت تجيب الوثيقة مرني وامورك تمام ان شاء الله الحين ابي فزعتكم ي اخوان هل في طريقة تخليني استلم الوثيقة لو في رمضان اجيهم للجامعة واشرح لهم ظروفي بس ودي قبل اجيهم اراسلهم بالايميل اني ب اشد الحاجة للوثيقة لان الافادة بصراحة مو كل جهة تقبلها لان مكتوب فيها اخر شي لو تلاحظون الافادة لاتحل محل الوثيقة ساعدوني الله يجزاكم خير ويطول ب اعماركم :icon9::rose: |
رد: فزعتككككككككم ي النشاماااااااااااااااااا
ما اتوقع يمديك لكن مالك الا تدق سلف وتوقف عن الفريدان وتشرح الوضع وجها لوجه
|
رد: فزعتككككككككم ي النشاماااااااااااااااااا
اقتباس:
ياليت في استثناءات للطلاب اللي جاهم عرض وظيفي او ب امس الحاجة لها :icon9: |
رد: فزعتككككككككم ي النشاماااااااااااااااااا
احد أمرين لا ثالث لهما :-
1- تدق سلف للجامعه مثل ماقال اخونا اللي فوق وتشرح لهم وضعك وأكيد ان شاء الله بيقدرون( تراك ولدهم). 2-تقبل بالوظيفه اللي بالدبلوم. يقولك المثل(خذ ماترى وخل ماتوعد). وفي النهايه الله يكتب لك اللي فيه الخير. |
رد: فزعتككككككككم ي النشاماااااااااااااااااا
الوثيقة تكون جاهزه من اسبوع الى اسبوعين
|
رد: فزعتككككككككم ي النشاماااااااااااااااااا
اقتباس:
الله يجزاك خير والله يكتب اللي فيه الخير |
رد: فزعتككككككككم ي النشاماااااااااااااااااا
اقتباس:
الحمدلله اني ماوقعت على العرض اجل |
رد: فزعتككككككككم ي النشاماااااااااااااااااا
موفق ان شاء الله ,
|
رد: فزعتككككككككم ي النشاماااااااااااااااااا
انا من رايي تقبل بالوظيفة
مافيه شي مضمون والانظمه مطاطه في الوظائف توكل على الله ورح وإذا استلمت الوثيقه حسن وضعك فيها في حال الترقيات لنفرض انك بتتخرج بعد سنتين وترظفت الحين اكيد بعد التخرج راح تحسن وضعك استخر وبالتوفيق |
رد: فزعتككككككككم ي النشاماااااااااااااااااا
في مثل يقول من يأكل بيدين يغص >> ينقال للي يبي ذي وذي كأنك بتطيع الشور استخر الله اما تقبل الوظيفة بالدبلوم او تنتظر وما خاب من لجأ لرب العالمين
|
| All times are GMT +3. الوقت الآن حسب توقيت السعودية: 04:50 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه