|
بخصوص الساعات وتنزيل المواد ضروري الله يسعدكم
السلام عليكم
الحمد لله حبيت ابشركم اني ناجحه هالترم بدون ولا ماده :sm5: وافكر على المستوى الجاي انزل مواد اكثر من الموجوده بالخطة طمعا بالتخرج بااسرع وقت ممكن :139: ابغى اعرف كم عدد الساعات المسموح تنزيلها بالترم وهل اقدر انزل مواد من ثالث مع ثاني يصير او لا :( يعني ترم صيفي مافيه قلنا مو مشكله العوض بهالطريقه |
رد: بخصوص الساعات وتنزيل المواد ضروري الله يسعدكم
الحد الأقصى ١٨
اي نعم تنزل مواد لو من الثامن بس مافيها تعارض نفسي انا منزل تسويق. والمعرفه وموارد بشريه بالثاني |
رد: بخصوص الساعات وتنزيل المواد ضروري الله يسعدكم
والله خاطري اخلص بدري وكذا بس محتار بالمذاكره وهمها والتعارض ايش الحل . وش الفكره الي تنصحون فيها ؟ اقدر انزل ماده او ٢ وتكون سهله وماشيل همها واتحسف ولا اعدي المواد الي علي بالاول من جد بالي موشوش بالموضوع هذا
|
رد: بخصوص الساعات وتنزيل المواد ضروري الله يسعدكم
بالنسبه لي بمشي على الخطه الموضوعه
عشان ماتتعارض مواد مع بعض ولا اوهق روحي بمواد تكون صعبه بترم واحدواجيب العيد بالعربي ماحب الحووسه وبالصبر والجد والاجتهاد ان شاء الله نتخرج |
رد: بخصوص الساعات وتنزيل المواد ضروري الله يسعدكم
انا اشوف ان الترم الجاي فيه سبع مواد
وبصراحة احسها كثيرة انصحك على الاقل المستوى الثاني تمشي على الخطه انا يمكن اجل ماده وحده بس انجليزي او اقتصاد كلي لان اختباراتهم بتكون ورى بعض وانا ابي يكون اقل شي يوم واحد بين كل ماده وماده فيه ناس يقولون اذا حاب تزود خذ فقه السيرة من المستوى الخامس يقولون تساعد على رفع المعدل بس المشكلة انها بتكون في نفس يوم اختبار مادة الاخلاق الإسلامية |
رد: بخصوص الساعات وتنزيل المواد ضروري الله يسعدكم
يعطيكم العافيه
|
رد: بخصوص الساعات وتنزيل المواد ضروري الله يسعدكم
الحين مو الخطه حق المستوى الثاني ب ١٨ ساعه طيب كيف نضيف مادة ؟
|
رد: بخصوص الساعات وتنزيل المواد ضروري الله يسعدكم
اقتباس:
تضيفين مواد وتأجلين مواد لأترام ثانيه |
رد: بخصوص الساعات وتنزيل المواد ضروري الله يسعدكم
امشو على الخطه نصيحه لا تخترعون والله تتوهقون مستقبلا..
والافضل تاخذ لك 3 مواد صعبه و 3 مواد بسيطه اذا بتغير |
رد: بخصوص الساعات وتنزيل المواد ضروري الله يسعدكم
نصيحتي لكم امشوا على الخطة مثل ماهي .. كثير ناس ضلت تاجل وتخربط وتنزل وترفع وبالاخير توهقوا
اذا كان ولا بد فرتبوا جداولكم بحيث انه بين كل مادة ومادة يوم اختبار والمادة المستبدلة تكون من المستوى اللي يليه مباشرة مثلا تبون تاجلون من ثاني خذوا من المستوى الثالث وهكذا الكلام اللي اقولة لعدة أسباب 1- المواد مترابطة ومتتابعه في المحتوى وهذا بيسهل عليكم المذاكرة بشكل ما تتخيلونه لدرجة راح يجي وقت تختمون المقرر في اقل من 4 ايام 2- كثير ناس ما تعرف ايش سجلت وايش خلصت او تحمل مقررات لا سمح الله وما تنزلها التيرم التالي ع طول ويجي تيرم التخرج تكون نست انهم ما اخذوا هالمواد ويسجلون وبعدها يكتشفون انهم مو خريجين ويتبقى لهم تيرم بسبب مادة او اثنين لاحد يقول لا بنتابع بايقونة التخرج وبنعرف موادنا والله في ناس الى هذا التيرم تخرجوا ما تعرف من الخدمات الطلابية الا ايقونة النتايج والمالية ههههه فلذلك نصيحة اخت حابة لكم الخير .. ( اتبعوا الخطة ) بالتوفيق |
| All times are GMT +3. الوقت الآن حسب توقيت السعودية: 08:48 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه