نصيحة و مشورة
 

السلام عليكم
انا طالب كيمياء خلصت 74 ساعه باقي لي 56 ساعه ع التخرج
انا مشكلتي مشكلة وهي اني اذاكر لكن ما احصل الدرجه المطلوبه تعبت كل درجات موادي في 60 ع اني اتعب وانا اذاكر
اتمنى منكم مساعده لاني تعبت هل الغلط مني او من الدكاتره
مع العلم معدلي 2.66 لي اكثر من سنه ابي اوصله لـ 3 مو قادر
فكرت انه اقسم 56 ساعه ع اربع سمسترات يعني راح اتاخر سنه زياده عن الخطه راح اتخرج في 5 سنوات مع العلم اني كنت قبل في التحضيريه بعدها حولت علوم يعني راح اجلس بالجامعه 6 سنوات خلصت 4 باقي 2 والسبب اني اخذ مواد قليلة عشان اركز عليها عشان اجيب معدل
السمستر هذا عندي حيويه 1 كان مجموعي قبل النهائي 51 من 60 لاكن تفاجات درجة المجموع النهائي 65 يعني خت 15 من 40 بالنهائي؟؟؟ ع اني تعبت وانا اذاكر
وماده ثانية حليت زين وقلت باذن الله باخذ 40 من 50 بالنهائي الا طلعت النتيجه خت 25 من 50 وحملت الماده ع 49
اتمنى منكم النصيحه والمشورة
واسف ع الاطاله

رد: نصيحة و مشورة
 

وعليكم السلام ورحمة الله

والله يَ محمد انتوا اغلب موادكم تلوين ««تظليل، تصحيح آلي

يمكن سبحان الله انت تختار الاجابه الصحيحه بالورقه، وتظلل خطأ او يمكن يكون باهت او طالع عن دائرة التلوين وما تحتسب لك درجه فيها وهذا اكبر عيب ف التصحيح الآلي

لكن أنت تقول آنك مجتهد ف المذاكرة وان شاء الله، الله ماراح يضيع تعبك انت لطلعت من الاختبار تراجع الحل، يعني ترجع للملزمه تشوف حلست صح او لا....

اذا انت متأكد آنك واثق 100 % انو حلك صحيح وما عليك اخطاء مثل ماقلت لك يحق لك تطالب بفتح ورقة الاختبار مع اعطاء الدكتور خبر بالموضوع


لكن

الحين نهائي وبعد الاختبارات النهائيه الدكاتره تسافر سواء سعودي والا غيره

في حال لو كنت شاك يمكن عليك اخطاء او او او

اعتبر ان هالشي ماضي وابدأ من جديد تنفس كويس في هالاجازه الزينة 4 شهور بالعافية

ويبدا دورك ف السنه الجايه

حط خطه لك من البدايه

ذاكر مو اول بآول لان ماحس ان احد يسويها الا ما شاء الله بس لا يمر الاسبوع الثاني وانت تجهل شنو خذتوا بالاسبوع الاول

حاول تحل اي واجد يعطيكم اياه الدكتور بنفس اليوم الواجب لا تآجله

وبعد مادري اذا عندكم هالشي اذا مو فاهم شي استعين برفيجك اللي تحسه فاهم او روح للدكتور ف الساعات المكتبه


المهم من هذا انك لا تقصر في شي وتوكل على الله واعرف ان اللي بيصير لك بعدها هذا خيرة من الله... ~

ايييييه وبعد حاول تثبت وجودك بالتجاوب مع الدكتور والمشاركة الفعاله بحيث ان يتساعد معاك وقت التصحيح، ويعرف انك انسان فاهم ومشارك وووو

ووقت الاختبار يفضل انك تكون نايم قبله بساعتين على الاقل عشان تكون مركز اكثر

اما على تقسيمك للمواد
حاول تنتبه للمواد اللي فيها ساعات اكثر يعني اربع ساعات او ثلاث هم اللي يرفعون المعدل لو جبت فيها بي الى ايه بلاس
وقد لا يرتفع بشكل ملحوظ لانه اللي باقي من الساعات اقل من اللي درستهم يعني لو حاولت ماتنزل عن بي في المواد الجايه يمكن يوصل 3

ايييه يعني يمكن يكون كلامي دش دش كثير، بس لان كثير حالات نفسك وماعرف كيف اقدم مساعده في هالامر

بالتوفيق ان شاء الله... ~

رد: نصيحة و مشورة
 

شكراا اختي بالنسبة للاسئلة مقالي مو اختر
انا اذاكر قبل الاختبار بيوم او يومين هل هذي المشكلة؟؟
وغير كذا انا متضايق نفسية لاني بتاخر بالجامعه وكثير افكر بها الموضوع ويلهيني عن المذاكرة
لاني بتخرج عن عمر 24 ><

رد: نصيحة و مشورة
 

وهذااا اكبر غلط غلط غلط انك تذاكر قبل يوم يومين ما يمديك تلم المنهج عدل مدل زي مايقولون،

بصراحه انا اشوفها مشكلة حاول تتصفح الماده اكثر يعني المهم لا تلايم دروس عليك لانك بتتعب اكثر ف المذاكره،

لا تفكر كثير بالعمر اهم شي انك تتخرج بتقدير انت تطمح له،

الحين انت تفكر بالتخرج خلاص حط هالامر ببالك وحاول تسعى له،

لا تتهاون في اي مساله انت عندك هدف وحاول تسعى له،بشرط انك ما تتكاسل تحت اي ظرف من الظروف الا اذا كانت خارجه عن ارادتك..

رد: نصيحة و مشورة
 

(((لا تفكر كثير بالعمر اهم شي انك تتخرج بتقدير l مميز ))))))ه [ldg

رد: نصيحة و مشورة
 

وعليكم السلام ورحمة الله وبركاته .
أخي الكريم حاول تغير من أساليب المذاكره أي ماده حتى لو نسبة الحفظ فيها كثيره أول شي احفظ الشي وافهمه شفوياً بعدين امسك ورقه وقلم ولخص الجزئية اللي قرأتها الشي اللي تنساه حطه بلون مميز او حط حوله دائره هذي احدى الطرق وفيه طرق كثيره ممكن تبحث عنها وتفيدك .
بالنسبة إنك تذاكر قبل الاختبار بيومين أشوفها مده غير كافيه ممكن تخلص المنهج بس بتذاكر بشكل عجل ويمكن ماتلحق تراجع والمراجعه مهمه استمر وشد حيلك ولا تيأس ربك مايضيع تعب أحد وبالتوفيق .