ملتقى طلاب وطالبات جامعة الملك فيصل,جامعة الدمام - تضيق همومي بصدري ولا أدري شالذي عابه

- ملتقى الفنون الأدبية (https://vb.ckfu.org/forumdisplay.php?f=150)

- - تضيق همومي بصدري ولا أدري شالذي عابه (https://vb.ckfu.org/showthread.php?t=75594)

تضيق همومي بصدري ولا أدري شالذي عابه

الا ياليل قلهـآ لي علام الكون فيني ضاق
علامه مارحم دمعي وانا واقف على بابه

تـفـيـق حظوظ خلق الله وأنـا حظي مـآبعد فـاق
تضيق همومي بصدري ولا أدري شالذي عابه

سهرت بليلي المظـلـم أفسر لهفة المشتاق
طلبت الهم يخاصمني لقيت اني من احبابه

لقيت ان الزمن ظالم مثل موج البحر غراق
رمــانـي فـي متاهاته وسكّر دونـي ابوابـه

كفاية يا زمان التيه كفاية لعبة الأشواق
كفاية ليه مـاترحـم شبعنا هموم طلابة

شبعنا من هالزمن ضيقه وصرنا للفرح عشاق
يـذوقـنـا المرارة ودووم علينا يـرمـي اسبابه

عزيز النفس بالدنيا يعيش بهم ماينطاق
وذليل النفس يارب خطاه الهم ولا صابه

ولكن لو يطول الوقت وينثر همه الحرّاق
يجي يـوم مـن الأيام وكلن يـاخذ حسابـه

نضيق بهالزمن ضيقة ولانذرف دموع شهاق
نضيق ونصبر ونكسر زمـان طـالـت انيـابـه

انا ادري مانهاب الموت ولاحتى نهاب فراق
نهاب الخالق الواحـد ونرضى بكل مـاجـابـه

اعيش اصبر على البلوى ولو هالكون فيني ضاق
اعيش الذيب في عمري ولا ارضى فـوقي ذيـابـه