ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   المستويات 6+7+8 (https://vb.ckfu.org/forumdisplay.php?f=436)
-   -   [ المستوى السادس ] : سؤال بشأن الترم الصيفي (https://vb.ckfu.org/showthread.php?t=755063)

دحمي2016 2016- 5- 19 04:45 PM
سؤال بشأن الترم الصيفي
 
السلام عليكم ورحمة الله وبركاته
مساء الخير للجميع
بودي اسأل لو الجامعة فتحت دراسة في الترم الصيفي اقدر اختار المواد اللي ابي ولا هم يحددون المواد
الله يسعدكم ابي اجابة مريحة وصحيحة
:g2::g2:
:mh12:

تفكير منطقي 2016- 5- 20 06:06 AM
رد: سؤال بشأن الترم الصيفي
 
وعليكم السلام ورحمة الله وبركاته


ما أعتقد فيه ترم صيفي ولو فيه شي كان أعلنوا عنه

ولو صار ترم صيفي راح يكون في المواد العامة اللي يكثرون فيها الطلاب

والجامعة هي اللي تحدد المواد وليس الطالب

الطالب فقط يختار المادة اللي تناسبه من المواد اللي نزلتها العمادة

جامعة فيصل صار فيها ترم صيفي واحد فقط

وكان الأختبار في مقر الجامعة في الأحساء


:(293):

وهذا رد قديم عام ( 2013 ) لأحد الأخوات راسلت العميد بخصوص الترم الصيفي



اقتباس:
تحياتي العطرة ... وبعد


بعد موافق الجامعة على الترم الصيفي انهالت كثر الاسئلة


وهناك من اجتهد بالاجابات وهناك من تواصل مع الجامعة


ومع هذا تشتت الاجابات ولم يعلم الجميع عن مدى حقيقتها


على ذلك قمت بالاتصال على الدكتور عبدالله الفريدان وسالته كم سؤال لقطع الشك باليقين


******************
وكانت الاسئلة ما يلي :
*******************


دكتور السلام عليكم


عليكم السلام


عندي كم سؤال حول الفصل الصيفي اود معرفتها ؟


تفضلي ان شاء الله نفيدك


دكتور ... كم مادة اقدر اخذ في الترم الصيفي ؟


قال تاخذين ست ساعات ... يعني تقدر تاخذين ثلاث مواد اذا كانت المادة ساعتين


اين مقر الاختبار ؟


مقر الاختبار راح يكون في الاحساء فقط


هل الاسئلة مقالية ام اختيارية ؟


القسم الانجليزي لا توجد لهم مقالية على طول اختيارية على طول مشوارهم الدراسي


هل نقدر نسجل من المستويات الاخرى ؟


مدام انها موجوده معك في الخطه ومن المواد المطلوبه عليكم تقدرين تسجلي من اي مستوى


كيف راح تنزل المحاضرات في خلال شهر ونصف تقريباً ؟


راح تنزل في الاسبوع محاضرتين


هل هناك واجبات ومشاركات في منتدى الحوار ؟


نعم هناك كل شي .... فالترم الصيفي مشابه تماما للفصول الاخرى


هل الترم الصيفي خاص فقط للخريجين ؟


اي مادة موجودة في الصيفي مطلوبه على الطالب يقدر ياخذها , من اي دفعه كان


متى راح يكون وقت الاختبار مساء ام عصرا ؟


الاختبار راح يكون فترة العصر


متى راح تبتدي الاختبارات في اي يوم بالضبط ؟


راح تحدد لكم الجامعة اي يوم والاكثرية راح يكون يوم السبت لانه الاختبار لمدة اسبوع واحد فقط


طبعا اختتم اتصالي بالشكر والتقدير للعميد على تفاعله معي وتجاوبه الطيب

آحسآسي ذبح غيري 2016- 5- 20 06:15 AM
رد: سؤال بشأن الترم الصيفي
 
ان شاء الله يفتحون صيفي لنا هذا سنه يارب وان شاء الله تكون الاختبارات اختياري

يعطيك العافيه على مجهودك مميز والرائع

تفكير منطقي 2016- 5- 20 06:33 AM
رد: سؤال بشأن الترم الصيفي
 
اقتباس:
المشاركة الأصلية كتبت بواسطة منسدح بفراشي (المشاركة 1057224062)
ان شاء الله يفتحون صيفي لنا هذا سنه يارب وان شاء الله تكون الاختبارات اختياري

يعطيك العافيه على مجهودك مميز والرائع


والله ودنا لكن ما ضنيت يقول لك ليالي العيد من عصاريها

الأدهى والأمر أنهم قفلوا التسجيل في الأنتساب

أن كان الخبر صحيح فنسبة الترم الصيفي راح تكون ضعيفة جداً



نسأل الله العون والختام الطيب في أعمالنا وآجالنا

دحمي2016 2016- 5- 20 01:51 PM
رد: سؤال بشأن الترم الصيفي
 
أسأل الله العلي القدير ان يغفر لي ولكم وان يتجاوز عني وعنكم وعن اخوننا واخواتنا
وجزاك الله خيرا على هذه المعلومات الجيده نفع الله بك وبعلمك انه سميع بصير

حلم من المستحيل 2016- 5- 21 11:01 PM
رد: سؤال بشأن الترم الصيفي
 
كنت متاملة اخذ صيفي

حلم من المستحيل 2016- 5- 21 11:02 PM
رد: سؤال بشأن الترم الصيفي
 
العادة متى يطلعون الصيفي علشان اتابع الجامعه اذا نزلوا شي


All times are GMT +3. الوقت الآن حسب توقيت السعودية: 12:35 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه