الترم الصيفي
 

السلام عليكم ورحمة الله وبركاته :004:



بستفسر عن الترم الصيفي اذا فيه او لا !!

حابه انزل مواد لو فيه صيفي

واذا فيه كيف طريقة التسجيل + مكان الاختبار

قبل سنه يمكن سمعت ان فيه صيفي لكن الاختبار يكون بجامعة فيصل

مو مشكله نسافر للاحساء لخاطر الجامعه :lllolll:


اللي عنده خبر يفيدني + متى تبدأ اختبارات الصيفي ان وجد

وشكراً للجميع :icon1:

رد: الترم الصيفي
 

لا اتوقع للي بعاصفة الحزم زي السنه اللي راحت

رد: الترم الصيفي
 

دوافير تبون صيفي بعد هههه

والله اللي ما سجلت

رد: الترم الصيفي
 

:16.jpg:

مو قصه دوافير

بخفف شوي على نفسي خصوصاً اللي قدامه سفر واستقرار خارجي مؤقت

نستفيد من الوضع قبل الحووسه :sm5:


ضيف عليها بعد لو كان بيخلونا نحذف ماده اجباري زي المستوى الرابع مششششكله




:139:

رد: الترم الصيفي
 

والله حتى انا اتمنى يكون في صيفي

ب أخذ لي مااااااده اذا شفت بتضبط معاي

رد: الترم الصيفي
 

-


وعليكم السلام والرحمه

من الحين ريحو ملايكتكم

مافيه صيفي ولا غيره

كالعاده نفس حال كل سنه

يطلعون باعذار مال امها دخل

وحده تقولي ذاك اليوم مافيه صيفي عشان الميزانيه !!!

شدخل الميزانيه بالصيفي ؟؟ الجامعه تاخذ دبل ميزانيه الدوله بكبرها :hhheeeart4:

قالت الدكاتره رافضين .. اوفر تايم .. والراتب مايزيد ؟ اجل خلاص اخذه

وانا مريح فالبيت افضل :16.jpg:

والله مدري من وين جابت هالكلام .. ولا اقنعني اصلا


لكن صيفي مافيييه

وان ان >> يعني فالخيال

ان حطو صيفي يحطونه عالمواد العامه

مواد التخصص لا .. لذلك مامنه فايده

نخلي المواد العامه ترفع معدلنا اصرف

وبالتوفيق :oao:



^ عاد حرام هالعطله طويله .. المفروض ناخذ كم ماده ويطيح منا ترم :16.jpg:

رد: الترم الصيفي
 

اجل طلعت جامعتنا ماديه من الصنف الاول :(107):

زينو لنا الاختبارات وونعطيكم دبل اهم شي تعبنا ياجماعه :139:

ماتوقع له علاقه الدكتور بالصيفي خصوصاً اننا عن بعد يعني المحاضرات كلها مسجله ماراح يتعب

انا نفسي بالصيفي خلونا مانريح الدكاتره ونطالبهم بترم صيفي :41jg:



ان شاء الله يكون فيه :icon9:

رد: الترم الصيفي
 

بس فيه مباشرات ؟ عاد هم مقطعين نفسهم بحضورها:(269):

بالذات هالترم سحبو علينا .. كذا محاضره احضرها مايجون :(107):


الله يكتب اللي فيه الخير :004:

رد: الترم الصيفي
 

خلوها بوقتها افضل
الكل يبي ترم صيفي والله بنرتــــــــــــــــــــــــــــــــــــــــــــــ ــــاح كثيــــــير لو فيه كل سنه ترم صيفي
بس بقولها لكم عذرهم جاهز
مانبي نظلم اخوانكم بعاصفة الحزم حرام انتم تاخذون وهم لا
طيب اللي بعاضفة الحزم نزلو موادهم صيفي واللي حاملين فيها ونجحوهم يستاهلون يكفي انهم يتعبون عشان الجامعه تنام قريرة العين وما يجيها اي شيء
لكن هذا شغل الجامعه يقولون نحن مع الطلبه كلام بس فاضي تسكيتي
يعدي ان شاء الله هالترم بخير
ونبي نطالب ونشتكي بعد نبي ترم صيفي
مثل هالترم انضغطنا كثير
يحق لنا نريح

رد: الترم الصيفي
 

ان شاء الله يفتحون

ترا في هاشتاق في تويتر حطوه الطلاب عشان الترم الصيفي

شاركوا فيه لعل وعسى صوتنا يوصل ولاتنسون تمنشنون الفريدان

مع اني والله غاسله يدي منه

لكن في مشكله لو فتحوا وكان الاختبار لازم في الجامعه نفسها
هنا البلشه لأن في الاجازه وش بيقعدني في الاحساء بسافر:g2: