{ وأجتزنا أختبار الهيئة :./
 

السلام عليكم ورحمة الله وبركاته

والله اني فاقد المذاكره معكم
اربع سنوات وعدت ع خير
عسى الله يجمعنا ب جنات الخلد


الزبده
خلصت التطبيق وحددت الاختبار حق الهيئة واختبرت اليوم
وابششركم نجحت من اول محاوله اخذت 63
الاسئلة فيها السهل والصعب

بس تبي فهم اكثر

عقبالكم ي رب تفرحون زيي ^_^


والحمد لله والشكر ع كل حال



و

و

و

وبس:(269)::(269):

رد: { وأجتزنا أختبار الهيئة :./
 

وعليكم السلام ورحمة الله وبركاته

اهلييين şα3β αηšαķ

ماشاء الله تبارك الله الف الف مبروووك الحمدلله يارب الله يكتب لك الخير في كل شئ

ممكن تكتب تجربتك كاملة مع التدريب واسئلة الاختبار إذا متذكرها للفائدة

رد: { وأجتزنا أختبار الهيئة :./
 

الف مبروك عقبال التعيين
نصائحك حول الاختبار والكتب التي تنصح بها؟

رد: { وأجتزنا أختبار الهيئة :./
 

من وين ذاكرت واكتب الاسئله الله يعافيك ؟!

رد: { وأجتزنا أختبار الهيئة :./
 

الله يبارك فيكم
وعقبالكم
ب النسبه للتدريب
للامانه انا طبقت خارج الرياض والامور سهالات يعني اجي يومين ب الاسبوع
ع حسب دوامي الاساسي :(

اما المذاكره
ملخص الاستاذ علي الزهراني الله يجزاه خير
تقريبا جا منه 70٪‏

الاسئله فيها كذا تعريف
عن اللي درسناه الخدمه الاجتماعيه
والتنشئه والمعايير


المصطلحات الانقليزيه جاء 2 وبرضو منزلها الاستاذ علي ع حسابه ع تويتر

فيه اسئله تجاوبها وانت مغمض وفيه اسئله تحيرك يجيك خيارين نفس بعض

مثلا يقول طلبت شركة التامين معلومات عن المريض
تعطيهم اللي يبون
ترفض نهائي
تستاذن من المريض

الاقرب تستاذن اذا وافق عطيه

برضو المحكمه طلبو معلومات
وجت نفس الخيارات

وكذا سؤال يقول ماهو تشخيصك للمرض

فيه سؤال
يقول صارحتك المريضه انها تحبك
وش تسوي !
تبادلها نفس الشعور
تحولها اخصائي ثاني
توضح لها انها تمر بحاله مرضيه وذي ردة فعل

الاقرب تحولها ل اخصائي ثاني


وفيه سؤال
اكتشفت ان الزوج مصاب ب الايدز
كيف تبلغ زوجته
هو يعلمها
انت تعلمها
احد الاقارب يعلمها
والاقرب الخيار الثاني


وبعد
بنت تعرضت للاغتصاب من خالها قبل سنتين واعترف خالها
واهلها ييون الستر

تبلغ عنه
تلبي رغبة اهلها

الجواب البي رغبة اهلها


زوج صار عليه حادث وتوفت زوجته وللحين موب مصدق الكلام
صدمه نفسيه الجواب

بنت تعرضت ل تحرش جنسي وتعيش خاله خوف وقلق
صدمه نفسيه

لقيت اطفال يلعبون وحبيت تنصحهم
يسمي
تلطف

مدمن مخدرات وله اربعه ايام يتعالج وجته حاله نفسيه واكتئاب
الحواب ادمان


زوج يضرب اسرته ومبهذلهم وجت زوجته تشتكي عندك
تبلغ الشرطه


والاجوبه ذي يمكن اكون مخطي فيها
طبعاً ملخص الاستاذ علي الزهراني فيه اسئله اخر شي
تقريبا اذا ماجاء نفس السؤال جت نفس الصيغه

واعذروني ف طريقة سردي ب اللغه العاميه
داخل من الجوال
والموقع مدري علامه حسابي الاول طار
وذا اكثر من 10 مرات اسوي دخول ويقول معلوماتك غلط :(


وعسى ربي يوفقكم ويسر امركم جميعاً

رد: { وأجتزنا أختبار الهيئة :./
 

ياليت تحط الملخص لاهنت

رد: { وأجتزنا أختبار الهيئة :./
 

ماشاء الله
مبرووك

رد: { وأجتزنا أختبار الهيئة :./
 

وين احصل الملخص

رد: { وأجتزنا أختبار الهيئة :./
 

وين نلقى الملخص

رد: { وأجتزنا أختبار الهيئة :./
 

الف مبروك الاجتياز ... الله يجعلها فاتحه لنجاحاتك .


الملخص تلاقوه الكتروني
في مفضلة الاخصائي علي الزهراتي بتويتر