ملتقى طلاب وطالبات جامعة الملك فيصل,جامعة الدمام

أولًا ..
السلام عليكم ، يارب تكونوا تمام في ظل اختباراتنا الجميلة

:106:

ندخل في المهم

:16.jpg:

أعضاء كتير سألوا عن طريقة المذاكرة لمادة معينة ، فقلت أقولكوا طريقتي لعل و عسى تستفيدوا منها ، و الحمد لله ماشية بيها تمام:(269):

غالب المواد بفتح أتبع مع الدكتور بالنظر فقط و في ناحية تانية بفتح الملزمة المترجمة سواء ع تاب أو طبعاها أو حتى ع الجهاز نفسه اللي مشغله عليه المحاضرة ، و لو في معاني كلمات أو عكس أو هيئة زي suffix فبدوِّنهم عشان يثبتوا في الذاكرة ، أما لو قطع أو محادثات فبتابع بتركيز فقط ، خصوصًا لو المادة محاضراتها بسيطة و مش هتأخد وقت زي النثر - حاليًا - المحاضرة الواحدة نص ساعة بالكتير ما عدا 13 ساعة إلا ثواني ، لكن زي مادة الأدب الإنجليزي لاحظت إن الدكتور مش بيقول حاجه زايدة و مفيدة عن المحتوى فاكتفيت بالملزمة بس ، يعني كل مادة تقدروا تميزوا إذا محتاجه تشوفوا المحاضرة أو لا .:oao:
بعد ما أخلص قدر كافي من المحتوى ، أشوف أسئلة الأعوام و الكويزات ، لأن غلط أعتمد عليها و معنديش خلفية صحيحة عن المادة ؛ لأن ممكن ببساطة الحلول في الكويزات أو الإختبارات السابقة تكون غلط !!

الحاجه التانيه اللي أتمنى تمشوا وراها في كل الإختبارات ، انعدام التوتر أثناء الإختبار ، حتى لو الإختبار خارج المحتوى أو مش مر عليكوا - زي الإنشاء و التعبير

2:139:

لازم يكون عندكوا هدوء و برود تام ، عشان تغلبوا عقلكوا اللاواعي و تواجهوا أي صعوبة في الإختبار ، مش هخبي عليكم أول ما شوفت اختبار الإنشاء و كان فيه القطعة اللي نزلها أحد الأعضاء و بعبقريتي قلت لا يمكن الدكتور يجيبها ، اتصدمت و فجأة حسيت إني هحمل المادة ، بس استرخيت و قلت مش هيحصلي غير اللي ربنا كتبهولي ، و سبت القطعة و قعدت أقلب في الورق أشوف حاجه أعرفها لغاية ما وصلت للرسالة ، استغربتها هي كمان بس لقيت فيها رابط " was ، did " فقلت ع أساسها الأفعال كلها ماضٍ ، و بعدين رجعت للقطعة تاني أقعدت أستذكر حروف الجر اللي مرت علي سواء في الكويزات اللي كان من بينها كويز الأخ تهاويل أو اللي في المحتوى نفسه ، ربطت بينها و ع أساسها حطيت الجواب ، و الحمد لله مشي حالها .
ليه بقولكوا كده ؟؟
لأني استغربت من بعض الأعضاء لما بيقولوا إن معاهم شهادة E و مع ذلك غلطوا أخطاء كتير في الإختبار ، مش عشان هم مش عارفين ، لا ع فكرة عشان كانوا متوترين و اتصدموا فالعقل اللاواعي تمكَّن منهم و نسَّاهم أي حاجه تفكرهم بالحل الصحيح

الأخوات في قاعتي فضلوا 5 دقايق أو أكثر سايبين الورق و مش راضيين يحلوا ، فاكرين إن في مشرفة تبع الجامعة هتيجي تعملهم حاجه ، تخيلوا 5 دقايق تضيع من الوقت بدون أي محاولة منهنَّ لحل الإختبار حتى لو كان غلط !!

احنا مش عارفين ممكن يتكرر أسلوب الدكتور - الله يهديه - معانا تاني أو لا ، لكن لازم نعرف إن التوتر و الصدمة المُستمرة هتنسينا كل حاجه حتى اللي كنا واثقين منها .
التوتر مش بس سيء في الإختبارات ؛ لا في حياتنا كلها ، فلازم نحذر منه:119:

في حاجه كمان عايزه أقلها من زمان بس بنسى ، عايزين لما نخلص - بإذن الله - من الجامعة نكون معانا شهادة و لغة مش بس شهادة ، لأنها لغة العصر و لغة الأعداء و عشان نفهم أعداءنا لازم نفهم لغتهم :oao:

كأني طولت شويتين:16.jpg:
بس لأنكوا بتفيدوني فلازم أفيدكوا ، تبادل منفعة:wink:

بالتوفيق للجميع:(204):