|
تعليمات هامه جداً عن الاستماع والتحدث
السلام عليكم بالنسبه لاختبار الاستماع والتحدث كثير من الطلبه مايدري كيف نظام الاختبار ياحبيبي: راح يكون هناك مسجل بالقاعه(المسجل هذا مهم جداً للاجابه على الاسئله) وراح تسمع بكل هدوء وعدم ازعاج(حاول بقدر الامكان التنبيه على الزملاء بالقاعه بعدم تحريك الطاولات او العطاس وغيره) من واجب المراقب/هـ إعادة تشغيل المسجل مره ومرتين وثلاث. لايجيك مراقب او مراقبه ويقول مره وحده وبس(هو يصرفك عشان تطلعون بدري) انتبهوا كثير من مراكز الرياض يشتكون من عدم تكرار المسجل وخاصه الطالبات. اذا ما أعاد تشغيل المسجل اطلب المشرف/ه على القسم وتحدث إليه. المراقب/ه لايجلس يُلقي عليك محاضرات والمسجل شغال(يشغل المسجل ويسكت لايسوي فيها فاهم) حبيت أعطيكم بعض التنبيهات وبالتوفيق لكم شرقاوي" |
رد: تعليمات هامه جداً عن الاستماع والتحدث
بس سؤال لو سمحت في شي الحين اقدر احفظه أو كله يعتمد ع المسجل؟
|
رد: تعليمات هامه جداً عن الاستماع والتحدث
اقتباس:
المقرر أساساً يعتمد على تركيز الطالب/هـ الأفضل مراجعة نماذج الأختبارات السابقه والإطلاع عليها لمعرفة كيفية الإختبار |
رد: تعليمات هامه جداً عن الاستماع والتحدث
الف شكرا والله يجزاك خيرك>>> سالفة الاعادة اول مرا اسمعها الله يوفقك
|
رد: تعليمات هامه جداً عن الاستماع والتحدث
الاعاده حسب نظام الجامعه مرتين فقط , مدة التسجيل تقريبا 40 دقيقه ..
بالنسبه للأشياء اللي تنحفظ , الفوكاب .. بالتوفيق جميعا |
رد: تعليمات هامه جداً عن الاستماع والتحدث
اذا فيه وقت حتى الثالثه يعيدها
|
رد: تعليمات هامه جداً عن الاستماع والتحدث
المشكلة الاختبار لايكون في معمل زي الترم الماضي يطلع الصوت كأنك داخل كهف
|
رد: تعليمات هامه جداً عن الاستماع والتحدث
حسبي الله ع المشرفه في ماده استماع واستيعاب وقفت على راسي تهذر الا خلصي بياناتك الحين الحين والتسجيل شغال طيب ابغى اسمع وخري شوي لاااااا الا تخلصينن الحين تبي تفتك
|
رد: تعليمات هامه جداً عن الاستماع والتحدث
الاعادة مرتين فقط
والثالثة اذا كان فيه وقت يسمح الله يوفق الجميع |
رد: تعليمات هامه جداً عن الاستماع والتحدث
هذا من أبسط حقوقكم الإعاده مرتين ثابته والثالثه إذا في وقت وغالباً يكون هناك وقت كافي انتبهوا ولاتسمحون لأي مراقب/هـ بأن يُفرد عضلاته عليكم |
| All times are GMT +3. الوقت الآن حسب توقيت السعودية: 01:13 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه