|
النقد العربي القديم سنه ثالثه عربي
يابنات اللي حظرت لقاء السبت ياليت تساعدنا وتكتب اللي في اللقاء
لأن مو كل البنات قدروا يحظرون وترا اللي تساعد غيرها ربي بيوفقها أتمنى نتعاون مع بعض |
رد: النقد العربي القديم سنه ثالثه عربي
والله مآحد يمك عشان يساعدتس
اللحين كلن يالله نفسي عني انا ماحضرت بس حبيت اقولتس تاخذين كل شي من الانتظام وخصوصا التلخيصات اللي عندهم لانها مهمه جدا جدآ والملازمه بعد كل شي خذيه وذاكريه من قلب لاتعتمدين على احد .. صدقيني ماحد بيقولك شي بذمه وامانه الا نآآآآآآآآآدر وقليل بالمره .. تمنيت وحده تنزلها لنا هنا في الملتقى بس محاضراتهم بس كل وحده وظروفها والله يوفقنا في دراستنا ومانحتاج منه او فضل من احد واعذريني على دخلتي بس ماهان علي اشوفتس تنتظرين والاختبار مابقى عليه شي شدي حيلك والله يوفقنا .. |
رد: النقد العربي القديم سنه ثالثه عربي
[align=center]
كبريائي ،،، قلت يمكن احد يرحمنا شوي انا ادري انه نادر اللي بيسااعدني عشان كذا ماانتظرت للحين انا مذاكره بس مافيها شي اذا جات وحده وعلمتنا وش صار في اللقاء وش اللي حددته الدكتوره وش اللي مهم ،،، يعني لو ماعندي ظروف وحظرت اللقاء والله ماباقصر واكتب كل شي ،،، لكن انشاءالله البنات فيهم خير ،،، وترا بنات الانتظام متعاونين مره [/align] |
رد: النقد العربي القديم سنه ثالثه عربي
اهلين اخواتي
والله انا من بنات الانتظام ومحاضرتي السبت وكان معانا منتسبات بس قالت لهم اخدو التلخيص من الانتظام وعطتهم طريقة الاسئلة وطلعوا لانه مشغولين بالامتحان الي عندنا |
رد: النقد العربي القديم سنه ثالثه عربي
اه أولا أمحق لقاءات المره الأولى بصرااااااااااحه ماتدري عن أي شئ دكتوره ليلى وحتى ماتدري وش تقول في اللقاء لدرجة انه وحده من البنات قامت وشرحت له وش يصير باللقاءات؟؟؟؟؟؟
والسبت اللي طاف كان اخر لقاء للنقد واستغفر سحبت الدكتوره وماجت مدري وش تحس فيه؟؟؟؟؟؟؟؟؟؟ الله لايسامح أي دكتور مستهون فينا احنا يانتسااااااااااااااااااااااااااااب.....!!! |
رد: النقد العربي القديم سنه ثالثه عربي
بنات بقولكم عن طريقة الأسئلة
20 فقرة اختيار متعدد عليها 10 درجات 10 فقرات صح أو خطاء عليها 5 درجات أسئلة مقالية عليها 35 درجة هذا بنسبه لنا يا أنتظام بنات الأنتساب في أسئلة كان يشرحها الدكتور كمال في كل محاضرة ومهمه لو عندي ما بقصر بس أنا مأكتب معه ..لو تقدرون تحظرون الأحد الجاي معانا يقول أنه بيراجع وأكيد راح يعطينا أسئلة مهما |
رد: النقد العربي القديم سنه ثالثه عربي
اي حتى اني انتظام وكان علينا السبت
وكانت تختبرنا فماطلعتنا بدري علشان لقاء الأنتساب ودخلوا ثنتين انتساب وقالت لهم الأنتظام يساعدوكم ومتعاونين قالوا أي وقالت لهم طريقة الأسئلة وقعدت تختبرنا وطلعوا ماطولوا الله يعينكم لقاء على الفاضي ماأشرت للأنتساب شي في اللقاء الثاني |
رد: النقد العربي القديم سنه ثالثه عربي
اقتباس:
هالدكتوره مادري كيف جآيه اشوى اني حضرت البيان وطنشتها احسها بآرده ويالله تجاوب على استفسار قسم كرهتها وانا ماتعاملت معاها بس اسلوبها غلط والله لو اني حاضره كان عطيتها كلمه كرهتها فيني اجل لقاء لنا وجالسه مع الانتظام وربي حرام هذي الساعه الوحيده في الترم المخصصه لنا بعد مستكثرينها :017: |
رد: النقد العربي القديم سنه ثالثه عربي
كبريائي رواية
توك تدرين عن اسلوبها هالعجوز ما شيء مكرهني بهالسمستر غيرها تحملتها اكثر من اللزوم خخخ الله يوفقنا ان شاء الله |
رد: النقد العربي القديم سنه ثالثه عربي
اقتباس:
الظاهر الباقي عرفوا انها مابتفيدهم وقالوا مابيحضروا ..... اجل احنا ايش نقول قاعده على قلوبنا سمستر كامل اسلوبها في التعامل عصبي مااقول شي من خيالي بس عن جد ماتحب احد يسألها وإذا احد سألها عصبت وقالت نحب نتسلى ومدلعين !!! وماتعرف تشرح بس تعرف تأشر حطوا خطوط من كلمه ... إلى كلمة ... هه واحنا مو داريين عن الدنيا ماغير نخطط ذي وظيفتنا خسارة ليش ماخلوا الدكتور كمال يدرس كل الشعب كان ارتحناااااااااااااااااااااااااا |
| All times are GMT +3. الوقت الآن حسب توقيت السعودية: 09:48 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه