راح علي الاختبار.....أرجو الافادة الله يسعد هالوجية
 

السلام عليكم....الله يوفقكم وييسر لكم كل أمر ويسهل لكم كل درب....


هذي أول مشاركة لي وواضح إنها بداية خير...😉😉
والله يكتب لنا ولكم اللي به الخير...


تغيبت عن اول اختبار في المستوى الثاني (أخلاق إسلامية)
بسبب إن السخنة صاكتني لها يومين ولا قدرت أحضر....
رحت للمستوصف ولقيت الدكتور نفسه مريض يعطس ويكح ويقولالناس كلها عيانه الأيام دي...انا من شفت وجهه وأنا غاسل يدي الله يستر عليه....المهم أخذت ورقة مراجعة من المستوصف موجهة للجامعة...
السؤااال....
-هل إذا فتحو ايقونة الأعذار وقدمت الورقة بيقبلونها ولا لازم تقرير طبي؟؟
-وهل اذا قبلو العذر يرحل المقرر للترم الجاي ولا كيف الطريقة؟؟
-وهل يحسب المقرر ضمن المعدل فالترم هذا ويأثر على المعدل بإعتبار اني
أخذت صفر كبر راسي ويعتبر حمل للمادة ولا يكنسلون ام المادة من الترمولا وش الترتيب؟؟
-وهل اني قروشتكم بتمغيط الكلام وكثرة الأسئلة ولا وشلونكم انتم؟؟


...اللي عنده خبر يفيدنا وماله ان شاء الله إلا الأجر...
واسفين على الإطالة...


..الله يسعدكم ويرزقكم من واسع فضله..
..والله يحرم هالوجيه النيرة ووالديكم عن النار..


والسلااااام.... ✋✋

رد: راح علي الاختبار.....أرجو الافادة الله يسعد هالوجية
 

ادا كان العدر مكتوب فيه انك تعبان بنفس تاريخ اختبارك يقبل على طول لافتح الاعدار ارفعه ولاياثر على المعدل ولاتحسب من المعدل وتترحل للترم الجاي تلقائي بدون ماتدفع رسوم الماده اللي غبت فيها

رد: راح علي الاختبار.....أرجو الافادة الله يسعد هالوجية
 

تقريرطبي نفس اليوم يعاد الاختبار الترم القادم

رد: راح علي الاختبار.....أرجو الافادة الله يسعد هالوجية
 

يقبل لك العذر وتترحل المادة للسنة القادمة بدون رسوم بس يأثر على معدلك هذا الترم فقط ومجرد ما تختبر فيه راح يضاف لمعدلك ويرجع يرتفع

رد: راح علي الاختبار.....أرجو الافادة الله يسعد هالوجية
 

اهم شيء عذر مو ورقة مراجعه و بس

رد: راح علي الاختبار.....أرجو الافادة الله يسعد هالوجية
 

وعليكم السلام ورحمة الله وبركاته

حياك الله عزيزي والحمدلله على سلامتك

بخصوص العذر الطبي يجب أن يكون موضح فيه
الأسباب مع الختم للمستوصف بدون الختم لن
يقبل .. أما بخصوص المقرر راح يكون عندك رسوب
حاليا وبعد رفع العذر إن تم قبوله راح يضاف لك
المقرر مباشره دون تسجيل منك الفصل القادم
ويجب عليك الإنتهاء منه ولا يقبل منك أي عذر
مره أخرى ... راح يظهر لك التقدير ( f ) في السجل
وراح يتم تعديلها بعد ما تنتهي من الإختبار .. ولن
يتأثر سجلك الأكاديمي ,, أما في حال عدم القبول
لك حرية التسجيل متى أردت وراح يبقى الرسوب
دون تعديل عليها ... بالتوفيق

رد: راح علي الاختبار.....أرجو الافادة الله يسعد هالوجية
 

والله شف الدنيا حظوظانا حصل مره نفس الموقف بس ماكنت تعبان
كنت احس اختباري بعد المغرب
جيتهم لقيتهم مختبرين ومخلصين
ولا جبت عذر طبي ولا شي
يوم فتحو ايقونة الاعذار كتبت لهم اللي حصل معي
ووافقولي على اعادة الماده مثل ما قالو الاخوان بدون رسوم