ملتقى طلاب وطالبات جامعة الملك فيصل,جامعة الدمام

وعليكم السلام ورحمة الله وبركاته

بالبداية مقرر مبادئ الاحصاء كان اكثر من رائع والسبب يرجع من بعد توفيق الله الى استاذة المقرر نجلاء الزين الله يجزيها خير الجزاء طبعاً اسئلتها كانت مقسمه بين المقالي والموضوعي بس الي اذكره كان في فقرة المقالي سؤال من 13 درجة يحتوي السؤال على حل معادلة ورسم دائرة , بشكل عام كانت الاستاذة متمكنة من مقررها ونتيجة ذلك كان الاختبار النهائي اكثرررررررمن رائع .اما مقرر سياسات الرعاية الاجتماعية المقرر جميل لكن واجهنا دكتورة نادية الجوراني كاستاذة للمقرر للامانه هي متمرسة بالمعطيات العلمية الي يحتويها المقرر لكن انصدمت اكثر الدفعة بالرسوب > الحمد لله ماكنت منهم اختبارها كان موزع بس المقالي والموضوعي صيغة اسئلتها كانت السهل الممتنع بمعنى جابت اشياء سهلة والاغلب حط اكبر تركيزه على الفقرات الصعبة
الانحراف الاجتماعي اذا ماخابني الظن اخذته عند دكتورة ايمان شومان وهي معروفة في تمكنها العلمي في المقررات ماشاء الله لا قوة الا بالله عليها
الانجليزي قراءة وكتابة اخذته عند استاذة سورية ناسية اسمها بالنسبة لي كان سهل لانه الحمد لله مستواي كويس بالانجليزي

نقطة بسيطة حابة اقولها لك انتي الان في المستوى الرابع في اهم المستويات بالنسبة لي المستوى الثالث والرابع والخامس اعتبرهم مسويات تاسيس مهممممممة لباقي المستويات وللتخصص بشكل عام اذا اسستي نفسك صح بهالفترة واكتسبت المهارات من كل مقرر تاخذينه وخرجتي من كل مقرر بمخرجات معرفية راح تمشي معك المستويات الباقية بسلالالالالالاسة وبشوربة موية بتقولين لي كيف ؟

اقول لك احنا ندرس تخصص علم الاجتماع والخدمة الاجتماعية ( مقررات علم الاجتماع ) تركز على النظريات والفلسفات والعلماء يعني بالاغلب هو علم مهارات معرفية يعني نظري ( مثل علم اجتماع السكان - علم اجتماع البيئة - علم اجتماع الاسرة وغيرهم )
اما (مقررات الخدمة الاجتماعية ) فهو تطبيق وترجمة للمهارات الي اخذتيها مثل مقرر رعاية الفئات الخاصة بمعنى ثاني هي مقررات تركز على الممارسة المهنية للاخصائي الاجتماعي

ليش وضحت النقطة هذي لانه كثير من البنات كانو يواجهم صعوبة في المقررات الي تتناول علم الاجتماع ونظرياته وعدم استيعاب المادة العلمية الاغلب كنت الاحظهم في اختبارات مقررات علم الاجتماع يقولون نقرأ المقرر لككككككن مانفهم وش يبغى ولا نستوعب المكتوب فيه

عشان كذا نصيحة اقول لك انك اذا مشيتي صح بالمستويات الاولى الي انتي الان فيها راح تتفاجي ان المستويات الباقية المقررات الي فيها تركيز على علم الاجتماع ونظرياته انها تتناول اغلبها نفس النظريات ولللللللكن كل مقرر يتناول النظرية من الزاوية الي تهمه والي تعنيه .

تخصصنا من اجمل التخصصات اذا حبيتيه راح تبدعي فيه راح يطور فيك الكثير سواء على المستوى الشخصي راح يغير كثير من شخصيتك يطورها راح تحسين بنضج فيها اما على المستوى الاجتماعي راح تلاحظين تغير في تعاملك مع الناس خصوصا في تقبل الشخصيات الخاطئة يعني مثلا انا قبل ماكنت اتقبل بعض الامور الخارجة عن عاداتنا وتقاليدنا وقيمنا وكنت استنكر الشخص الي يعمل هذا الخطئ واتجنب التعامل معاه لكن مع التنمية المعرفية في تخصصنا والمجال التطوعي الي مارسته لاحظت في نفسي شغله اصبح عندي القدرة على تقبل الشخصية الخاطئة مهما كان خطئها ومهما وصل من درجة الخطئ لللللكن لكن لكن لكن لا اتقبل سلوكها الخاطئ الي صدر منها وهذا فرق كبير اني اتقبل الشخص الخاطئ ولا اتقبل سلوكها الخاطئ واعمل معها على تقويم هذا السلوك وتعديله .

طولت عليك بالكلام:mh12: الزبدة حبي التخصص عيشي جمالية كل مقرر وكل مستوى راح يمشي معك بيسر وسهولة وبالنهاية اسال الله لك ولي ولكل زميلاتنا وزملائنا التوفيق والوصول الى اعلى مراتب العلم وان يجعل كل حرف تعلمناه شفيعاً لنا يوم لا ينفع مالاً ولا بنين .