ملتقى طلاب وطالبات جامعة الملك فيصل,جامعة الدمام

[align=right]{..مدخ ـل[/align]
[align=right]

يابـوي انا بنتك .. وفيني سجاياك .. اخـت الشموخ.. اللي بفيّك تِـفيّـا.,

مغروس في ممشاي .. من طيب ممشاك .. حب النزوح .. من الثرى للثريا.,

[/align]

يابوي جعلك للبقا والمكاسيب ,,,

عمري بدونك يالذّرا وش ابي به

يابـــــــوي تسأل عن شفاك المراقيب

,,,

طلعــــة ســــــواتك للنــــّوايف غريبـــــه

وش بــــك تحــــاتي لانــــوى الموت تغريب

,,,

تخشــــى عليــــنا بالليـــّالي الكئيبـــــه

خـــذ دلــّتك واركـــــى على مسند الجيب

,,,

وعطنــي شمــــاغك بلثمـــــه وأحتمــي به

ونـــروّح لأرض ٍ بهــــا العشــب والطيب

,,,

وتسمــــع كلام ٍ يالغــــلا تحتفـــــي به

يابــوي بنتك لا انحكـــــى بالتــّجاريب

,,,

كـــل ٍ يشق لهيبــــه الصـــّيت جيبـــه

يابـــوي مـــاني من ســـوات المخاريب

,,

اللـــّي تجيب لعليــــَة القــوم خيـــــبه

ومــاني من اللــّي لامشت حفــّها الرّيب

,,,

أنا مـــن اللــّي مايـــدنـــّس حليبـــــه

مـــرفوع شـــاني عن غــرام المكاتيــب

,,,

وأكبـــر من إنّني أرتضـــــي بالحبيبه

أنــا غرامـــي لاابتـــــدوا بالــتّراحيب

,,,

نفوس الأوادم في وجـــودي رحيبــــه

خضـــّبت لك كفـــّي من العـــز تخضيب

,,,

ورفعــــت راسي للنــّجوم الصــّعيبه

واللــــه لأســــدّك بالفــعول المصاليب

,,,

واللـــــه لأشيـــلك بالرخـــا والمصيبه

طــــلع المعــالي ما انحكــــم للشــّواريب

,,,

بنـــت ٍ وأنـــــاطح فارس القـــوم طيبه

وياشيخـــي إبشــر لوتدور الدّواليـــب

,,,

بنتـــك إلا منـــّه عــوى الـذيــب } ذيـــبــه

مـ خ ـرج..}

وصني يابوي تكفى وصني

والله أني لنصحك الوافي حريص