ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى الفنون الأدبية (https://vb.ckfu.org/forumdisplay.php?f=150)
-   -   ((لاقيتها وسط البشر)) (https://vb.ckfu.org/showthread.php?t=73667)

هاوووي الجنون 2010- 5- 12 11:04 PM
((لاقيتها وسط البشر))
 


لاقيتها وسط البشر كانــت مثل بارق يلوح....والا مثل نور الشمـس لاصار حـزات المغيب

ارسلت سهم بنظرها لين صاب السهم روح....واستقر وصـار ثابت والهوى بعمري نصيب

وعاشت بقلبي حبيبه تشــبع الخاطر فروح....وتسكن بقلـبي اميره تــامـر وقلــبي يجـيـب

وكل مامريت درب عـــطرها منه يفـــوح....انسى كل ربعي واعيش بعالمي كني غـــريب

يمتلكني خوف عاشق وعزة الشاب الطموح....ودي اظفر لو ببسمه تبري القلب الصــويـب

ياسعدها لحظه اللى صارت الهمه صروح....ورحت صوب اللى عشقها زود بقلبي لهـــيب

قلت لمسامعها عباره تسجن القلب الطروح....انتي حبي انتي عشـقي انتي بالقلب الــذويب

قالت القلب امتلاكك والعقل ويا الجــروح....وارتمت داخــل ظـلوعي وضاع لبك ياللـبيب

صارت اتمتم وصوت الغاليه صابه شحوح....بعدها قالـت كلام لجرحه مــاينفــع طبـيــب

قالت اليوم التقينا وساعه الفرقـى تــلــوح....لاتدور درب حبي وانسى من حبــت حبـيـب

وقتها حارت مشاعر وكنت اترجمها مـزوح....قلت يمكن قلبها مــاهــو لـقـلبـي مستـجـيب

او عقلي عن رواقـه عقلها نــازح نـــزوح....والا يمكن راحــه القلب المتيـم مـاتــطيـب

راحت تعيد بحكيها وتدمي القلب الــذبــوح....واحبست عيني عباير تخنق العشق الصعيب

حتى المشاعر داخلي حاست وتحتاج لوضوح....مالقيت الا كفوفي تحتضن كف الصحـيـب

وصارت شفاتي تلامس كف من عزم يروح....قمت ابوسه واترجى رحمه من قلبه الرحيب

وصارت دموعي سكايب ماتوقفهاالمســوح....وقتها كني طفل يصـــرخ وامه ماتجيب

لكن ابعزة شباب وقلب بـالـعـشقى طـفـوح....حاولت اناجي قلبها يرحم قليبي لا يــشيــب

قلت دامك ترحلين ماعاد لي بقلبي صــلوح....وياعين كفي مدمعك ماينفعك كثر النــحـيب

حست بزفرة خاطري والآم بالداخل تنـوح....قالت حبيبي قلبي رافض مطلبي اني اغـيـب

وهذا قلبي جاك عندك وهات قلبك لايروح....من وقتها قلبي لها واحساسهــا مني قــريـب

يارب ساعد من رجاك يعيش مع خله بفروح...واحفظ حبيبه ارخصت عالم لجل تلقى حبيب

عشقهآ شمآلي 2010- 5- 12 11:12 PM
رد: ((لاقيتها وسط البشر))
 
[align=center]يارب ساعد من رجاك يعيش مع خله بفروح...واحفظ حبيبه ارخصت عالم لجل تلقى حبيب[/align]

[align=center]عساااااك ع القوه مبدع بذوووقك....:d5:.[/align]

مآشيه بالمعكوس 2010- 5- 12 11:14 PM
رد: ((لاقيتها وسط البشر))
 
يسلمو خيو لاعدمنآآكـ : (

كالقمر وحيدة 2010- 5- 12 11:21 PM
رد: ((لاقيتها وسط البشر))
 
:d5:هل كلام مو غريب على قلبك المرهف دام نبضك

http://4upz.almsloob.com/uploads/ima...06706c7dcd.gif

دلوووووعه حدي 2010- 5- 13 09:54 PM
رد: ((لاقيتها وسط البشر))
 
يسسسسسسسسسسسسسسسسسسسسسلمو


All times are GMT +3. الوقت الآن حسب توقيت السعودية: 01:31 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه