|
تقدم لي فيصل وانا على ذمة الدمام
وصلتني رساله بقبولي بتخصص الانجليزي بفيصل وهذي كانت رغبتي من البدايه لكن وصل متاخر بعد ما عديت ترم بالدمام ادارة اعمال والحمدلله بمعدل ممتاز
انا بصراحه ماحب ادارة الاعمال ولا الرياضيات ولا الاحصاء والانجليزي حب وهدف وطموح واخر موعد بكره الظهر اذا ما قبلت راح علي الان اذا قبلت وانا على ذمة الدمام يلغى على طول والا يعطوني مهله انسحب من الدمام؟ وكيف اعتذر وانا نزلت المواد بس مابعد سددت الرسوم ؟ النقطه الثانية ايش رايكم اجلس مكاني واتغصب التخصص والا اروح ادرس شي احبه ومقتنعه فيه وبالتالي بكون مرتاحه ؟ |
رد: تقدم لي فيصل وانا على ذمة الدمام
استخيري .. والله يكتب لك اللي فيه الخير ..
|
رد: تقدم لي فيصل وانا على ذمة الدمام
الانجليزي والادارة تخصصات ممتازة شوفي الاقرب الى قلبك لان الشيء اذا حبيتيه راح تبدعين فيه . اظن جامعة الدمام اذا جبتي معدل كويس يحولونك انتظام فـ بتكون شهادتك افضل اسألي ولا تتسرعين .
الله يوفقك ويسهل امورك. |
رد: تقدم لي فيصل وانا على ذمة الدمام
رأيي
افعلي ما هو أقرب لنفسك الدراسة جزء من تكوين الذات والشخصية وتحقيق الطموح، وكل حياتك ستعتمد على قرارك الان بما فيها الوظيفة |
رد: تقدم لي فيصل وانا على ذمة الدمام
اشوف انك تبقين في ادارة الاعمال والدمام افضل لك دام معدلك ممتاز ان شاء الله انك ارتحتي في جامعة الدمام بالتوفيق للجميع :rose:
|
رد: تقدم لي فيصل وانا على ذمة الدمام
نظام الدمام اذا فيه تحويل للانتظام ...افضل بقائك
|
رد: تقدم لي فيصل وانا على ذمة الدمام
اتركي الحب والرغبة والاهتمام
اذا مستواك بالانجليزي جيد جدا وبالرياضيات والاحصاء جيد حولي انجليزي والعكس صحيح... لان انا بالانجليزي مستواي جيد جدا والحمد لله صارت دراسته سهلة بالنسبة لي عكس لو دخلت تخصص آخر بالنهاية والختام استخيري ملاحظة عجبني العنوان :d5: |
رد: تقدم لي فيصل وانا على ذمة الدمام
احسن شي تحولين للشي اللي انتي تحبينهترا صعب تجلسين بمكان المواد م تحبينها مثلي حاليا
انا علم اجتماع لكن المواد العامه لازم فيه احصاء وانا من شفته حذفته لاني ماحبه بس انجبرت اخذه هالترم والله يسهلها الاحصاء صعب خصوصا فهم وانا احب الحفظ |
رد: تقدم لي فيصل وانا على ذمة الدمام
انا موظفه فا ماراح استفيد من نظام التحويل للانتظام الا اذا كانو يقبلون الموظف اذا تفرغ من عمله لكن اطمح للماجستير ويحتاج معدل طبعا وللان محتاره مع اني قبلت باقي انسحب من الدمام ومتردده كثير رغم الاستخاره
الرياضيات الحمدلله جيدجدا والانجليزي برضو وكنت متوقعه اخذ فيه امتياز لكن مدري ليش اخذت اقل من توقعي الاحصاء مقبول لاني مادرسته الا متاخرر بس كل ماذكرت تعبيي ومذاكرتي وسهري والمبلغ الي دفعته على المدرسات عشان اعدي الترم وكل هذا بيروح هدر انقهر واقول بكمل جد شي يحير ويقهر ويخوف :139: |
رد: تقدم لي فيصل وانا على ذمة الدمام
في الشرع مايجوز
|
| All times are GMT +3. الوقت الآن حسب توقيت السعودية: 05:50 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام