|
دفعة 2015 طموحاتكم ونشاطكم للمستوى الخامس تفضلو... شاركونا بورش تخصكم
السلام عليكم ورحمة الله وبركاته .. كان المستوى الرابع صعب واغلبية الدكاتره للاسف فاجأونا باسئلة كانت من العيار الثقيل الحمد لله اجتزنا بنجاح وخطونا خطوة نحو الامام الى المستوى الخآمس ... :love080: طالبات / طلاب دفعة الحزم رجآء من الجميع الالتزام والتكاتف معاً لمصلحة الجميع كنت معكم المستوى الرابع بسبب تاجيلي وظروف منعتني من التواصل واكتشفت الصدمه وقت الاختبارات الركوود في القسم مافيه حس الجماعه ولا التعاون والكل يبحث عن مصلحته فقط .. فيه ناس ماقصرت ولكن كان العطاء فردي قراءت للاسف البعض يقول ليتنا من دفعه كذا وكذا انتم لستم اقل من غيركم ولا تستهينو بقدراتكم تعانو وباذن الله بتساعدون بعض. المطلوب..! اشخاص جادين في عطاءهم من بداية المستوى الخامس بمشاركتهم بالورش والاشراف عليها والالتزام فيها اقتراحي الاول وضع مشرف / مشرفه متواجد باستمرار متعاون شرط من طلاب دفعة 2015 بحيث يشرف على القسم لان توليب جزاها الله خير ماتكفي لوحدها فيه مواضيع لسى مثبته ولا انتم بحاجه لها وعلى الاقل تكون او يكون يد بيد مسانده مع توليب ... هذا الاقتراح الاول .. فمن يجد في نفسه هذه الشروط الرجاء مراسلة المشرفه توليب واكيد ماراح تقصر معنا الاقتراح الثاني ..< التصويت > موآد المستوى الخامس .. - فقه السيره >> لا تحتاج منكم المشاركه الدكتور مايغير اسئلته يعني لو تذاكر اسئلة الاترام السابقه بضمن لكم 100 ان شاء الله التصويت على : 1- إدارة العمليات 2-النقود والبنوك 3-إدارة الاعمال الالكترونية 4-إدارة الاعمال الدولية 5-السلوك التنظيمي عن نفسي انا مسجله هالمستوى مادة ادارة العمليات وباذن الله ورشة الماده راح اشارك فيهآ واغطي اللي نحتاجه رجآء من الجميع التصويت والمشاركه تعاونو بالبداية وبوقت الاختبار راح تكونون يد بيد بإذن الله :icon1: قال تعالى < وتعاونو على البر والتقوى > سورة المائده اتمنى تشاركوني الرأي واشوف تفاعلكم :icon19: اللي حاب يشارك ياليت يكتب اسم الماده من المواد الخمس فقط .. انتظركم:icon1: |
رد: دفعة 2015 طموحاتكم ونشاطكم للمستوى الخامس تفضلو... شاركونا بورش تخصكم
ملاحظه..! آلية المشاركه بالورش تكون كالتالي .. 1-اضافة ملف يحتوي على ملخص للماده سواء من انشاءكم او من الدفع السابقه ويفضل اضافة اكثر من ملخص سابق. 2- كتابه اهم مايرد في المحاضرات المباشرة الاربعة 3- وضع اسئلة المستوى السابق مع التاكد منها ومراجعة الحل الصحيح لها . بالنسبه للكويزات .. يكفي اضافة الكويزات للدفع السابقه :icon1:. |
رد: دفعة 2015 طموحاتكم ونشاطكم للمستوى الخامس تفضلو... شاركونا بورش تخصكم
شي حلو المبادرة والمثابرة من بداية الدراسة ( لكل مجتهد نصيب )
وإن شاء الله نتعاون والكل فيهم خير ويكون بينا مشرف/ة يساعد المشرفة توليب والله يعطيك العافية فجر على الموضوع والتشجيع |
رد: دفعة 2015 طموحاتكم ونشاطكم للمستوى الخامس تفضلو... شاركونا بورش تخصكم
هلا هلا هلا بفجورتي وش الحماس هذا الله يحرسج بعينه الى ماتنام :060:
فقدنا وجودج وحماسج وعساه دوم يارب :16.jpg: بنسبة لي كان ودي اخدمكم لكن للاسف ما عندي شي من خامس بس سلوك تنظيمي وما اخذتها اجلتها لسابع بنسبه لعمليات راح اكمل الملف لترم هذا وارجع ارفقة لكم مره ثانيه اختصر لكم مشوار كتابه الملف :16.jpg: وراح اتفرغ لمستوي سادس فقط بإذن الله لكن لعيونج تنبيه للمشرفين يمكن احد يفيدج باقتراحاتج :rose: |
رد: دفعة 2015 طموحاتكم ونشاطكم للمستوى الخامس تفضلو... شاركونا بورش تخصكم
يعطيك العافية حبيبتي وبداية موفقة
احب أنوه الى نقطة للطلبة الاشتراك بالورش ماينقص من معدلك ولا ينقص من تركيزك بالمذاكرة ولايأثر على دراستك بتاتاً الاشتراك بالورش دافع لك حتى تتصفح المقرر من بداية الترم وكل اللي بالورش من اصحاب المعدلات المرتفعة نصيحتي شاركوا بالورش .. ومثل ماناخذ .. لازم نعطي.. بدايتي ماكنت بالورش لكن لما شفت حجم العطاء الكبير لدفعتي ( خجلت من نفسي) الورشة تضم اكثر من ثلاثة او خمس اعضاء حسب اشتراككم وتفاعلكم يعني اللي بيكون عليكم محاضرتين ثلاث اشتركوا بالورش احبتي ومثل ماانتوا تستفيدوا وانتوا صامتين راح تستفيدوا اكثر وانتوا فعالين ( تجربتي) بالتوفيق للجميع .. |
رد: دفعة 2015 طموحاتكم ونشاطكم للمستوى الخامس تفضلو... شاركونا بورش تخصكم
معك حق فجر حبيبتي انا بعد عانيت حيل بالمستوى اللي راح بمستوى ثالث ومستوى رابع كان هدووووء
عموما الله يوفق الجميع عندي هالمستوى الدوليه والالكترونيه باذن الله اني بشارك فيهم وبعتمد على ملفات دفعتي السابقه اذا ماتغيرو الدكاتره :004::verycute: بصوت الالكترونيه:106: |
رد: دفعة 2015 طموحاتكم ونشاطكم للمستوى الخامس تفضلو... شاركونا بورش تخصكم
اقتباس:
ترى دكتور الالكترونية يجيك بالفهم مو نصاً بالكلمة نصيحة خخخ يتفلسف الأخ :16.jpg: |
رد: دفعة 2015 طموحاتكم ونشاطكم للمستوى الخامس تفضلو... شاركونا بورش تخصكم
اقتباس:
:cheese::cheese::cheese: الله يستر يافطوم قولك انسحب من الورشه لاني يالله افهم عمري عاد افهم غيري :hahahahahah: |^^ خافت احد يبلشها بالاساله واروح عند القحطاني الله يعيني عليه هالترم :139: |
رد: دفعة 2015 طموحاتكم ونشاطكم للمستوى الخامس تفضلو... شاركونا بورش تخصكم
اقتباس:
انا كنت من اعضاء الالكترونية وجدا حلوة الورشة وممتاز خلصناها بدري بس اقصد بالاختبار مثلا( الاساليب) وماجاب لك هذي الكلمة وحط من بين الخيارات ( الادوات ) هو يبغاك تفهمي مو تحفظي صم والا المقرر جدا واضح وشرح الدكتور روعة والمقرر جميل جدا:(204): |
رد: دفعة 2015 طموحاتكم ونشاطكم للمستوى الخامس تفضلو... شاركونا بورش تخصكم
الله يوفقكم يارب ~ وكلامك جداً جميل وراقي بما حواه وأحتواه ~ :icon1: |
| All times are GMT +3. الوقت الآن حسب توقيت السعودية: 04:03 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه