|
نصيحه للطلاب المقبلين على مرحلة مشروع التخرج
لاحظت كثير من الطلاب يقول باخذ بحث جاهز وارسله والبعض منهم يقول ان الدكتور يعطي درجه بالمزاج
--------------- للعلم ان اي شخص يفكر بهذه الطريقه راح يحمل الماده تلقائيا مشروع التخرج بسيط بس يحتاج منك اهتمام شخصي فقط وركز على النقاط التاليه :- 1- مراسله الدكتور من ايميلك الشخصي الذي تم تخصيصه لك من قبل الجامعة 2- مراسلة الدكتور على كل شيء يخص البحث كلما راسلته واشغلته كلما عرف انك مجتهد 3- المراسله تكون على كل تفاصيل البحث على العنوان وعلى اي استفسار وعلى منهج البحث والخطه 4- لابد ان تمشي خطوه خطوه مع بقية زملائك من بداية الترم ولاتهمل الموضوع الى نهاية الترم لانه بتتورط واذا اتبعت هذي الخطوات باذن الله راح تنجح المهم ماعليك من الي يقول خذ بحث جاهز او ان الدكتور يحط درجه من راسه وش بتستفيد اذا صدقته وش يثبت لك انه صادق ؟؟ لان الي بيندم هو انت في الاخير اشتغل على المضمون احسن لك واريح لك اهم شي النتيجه في الاخير ولا تتوقع ان المجتهد بيكون مثل الي ما اجتهد فيه ناس من زملائنا اهتموا في بحوثهم وتعبوا واخذو a+ وفيه ناس رسبو وعارفين انهم اخذوه جاهز او اعطوا مكتبه وضبطته لهم وبالتوفيق للجميع *ملاحظة : التصحيح يكون عن طريق لجنه مكونه من اعضاء الاشراف على المشروع بالاضافه الى اعضاء اخرين من نفس التخصص يعني الشغله مافيها لعب فيه مصحح ومراجع ومعتمد اتكلم من واقع تجربه لاني شغال في جامعة . |
رد: نصيحه للطلاب المقبلين على مرحلة مشروع التخرج
طيب كيف اعرف الدكتور المسؤول عني ؟
فيه طلاب كثير كانوا يتواصلون مع دكتور واكتشفوا بالاخير ان الي اشرف على مشروعهم شخص ثاني |
رد: نصيحه للطلاب المقبلين على مرحلة مشروع التخرج
اقتباس:
يجي اسم الدكتور وايميله |
رد: نصيحه للطلاب المقبلين على مرحلة مشروع التخرج
اقتباس:
صدقت، وفيت، وكفيت. توجيهك محل اهتمام ، وبالفعل لو أوجدنا ميزان ووضعنا مشروع التخرج بكفة وباقي مواد علم الاجتماع بكفة لرجحت كفة مشروع التخرج لأن مشروع التخرج هو الذي يحدد مدى استيعاب الطالب لشروط التخصص من قبل المشرفين. |
رد: نصيحه للطلاب المقبلين على مرحلة مشروع التخرج
تمام الله يعطيك العافيه
|
رد: نصيحه للطلاب المقبلين على مرحلة مشروع التخرج
يارجال والله اعرف لك ناس والله مايدرون وش معنى مشروع التخرج
وراحوا للمكتبات وضبطوها لهم واخذوا بالتسعين الوضع وانا اخوك مثل ماقالوا الشباب الظاهر انها شختك بختك كلن يحط الدرجه من راسه |
رد: نصيحه للطلاب المقبلين على مرحلة مشروع التخرج
اقتباس:
|
رد: نصيحه للطلاب المقبلين على مرحلة مشروع التخرج
اقتباس:
|
رد: نصيحه للطلاب المقبلين على مرحلة مشروع التخرج
قسم بالله اعرف شخص مايدري ان مشروع التخرج فيه بحث ومادرى الا قبل يتقفل النظام باسبوع
وارسل لواحد بتويتر يسوي بحوث وقال له عندي لك بحث جاهز وانت وحظك يمكن يقبلونه ويمكن لا الرجال جازف واخذ البحث وارسله وحتى والله ماراسل الدكتور عن العنوان ولا شي واخذ 85 |
رد: نصيحه للطلاب المقبلين على مرحلة مشروع التخرج
اقتباس:
غير صحيح من عمل مشروعه في مكتبة مكشوف وابحاث المكتبات مكرره ومنسوخه لي معاهم تجربتين في النهاية انا عملت البحث وكانت نسبة النسخ 12/% والحمدالله حصلت على درجة 95 |
| All times are GMT +3. الوقت الآن حسب توقيت السعودية: 11:10 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه