![]() |
نظام اقتصادي وسياسي
السلام عليكم ورجمة الله وبركاتوا:-:004:
بنات اني معدلي نزل يعني تقريبا 2:75 هو اساسا كان ارتفع :sm1: بس اني رسبت بالأحصاء مرتين وها الحينه ناويه ادرسها مرة ثانيه بس بنات افضل دكتورة بينهم مين (امل ياسين -كوثر حسن) اني ابقي ادرسها بس خايفة ارسب فيها للمرة الثالثة والمعدل بعدها بينزل :Cry111: اني سمعت النظام الأقتصادي والسياسي يسمعون الدكاتره جزئية من القرآن صدق ولا ؟:g2: ابقي نبذه عن دكتورة سها الحجي من درست عندها اسلوبها كيف ؟ اني اخذت عند دكتور سيد عرابي محمد نظرية المعرفة ها المادة ينقال عنها كلش صعبة كل ما ابقي احطها للتسجيل صديقاتي يقولون اسحبيها بترسبي فيهم :Cry111: عند سؤال اخيرا المدة المقررة للدراسة بالجامعة هي 4 سنين ولو رسبت وتركت المواد العامة للسمستر لوحدهم كم يطلع الحد الأقصى للدراسة بالجامعة سنتين ادرس او 3 :verycute: |
رد: نظام اقتصادي وسياسي
السلام عليكم ورحمة الله وبركاته جوابي لكل أسئلتك
1\بخصوص الإحصاء دكتوره امل ياسين ممتازه وتفهم مره مو بس كلامي كلام كثير من البنات بس انتي اقعدي قدام وخليك مركزه معها بتفهمين الماده صح تضحكي من سهولتها 2- النظام الاقتصادي والسياسي اي فيهم تسميع السياسي الماده اسهل بكثير من اقتصادي 3- دكتوره سهى طيوبه وتساعد البنات ونادر احد يرسب عندها تنزل بالعاده اختبار على البلاك بورد والكل درجاته كويسه عندها وتخلص بسرعه المحاضره شرحها مو واو بس تفهمي واهم شي انها ماتظلم احد 4- بخصوص نظريه المعرفه اي صح الماده دسمه ويبيلها لو تقدري تغيري لدكتور ي سيد يكون افضل احس ينفع يدرس مواد التخصص وطالباته الدراسات عارفين طريقته للامانه شرحه ممتاز بس دقيق شوي انا مشيت عنده بالتخصص بس مو الدرجه الي ترضيني خوذي احد ثاني افضل لو موجود غيره عندك دكتور مبروك دكتور الصادق دكتوره شريفه كلهم كويسين اذا حابه تمشي بالماده بس انتي ذاكري اول بأول عشان ماتتراكم عليك الجزئيات وتتوهقي وماعليك من كلام البنات انتي بس شدي حيلك 4- بخصوص السنوات بنت اعرفها هاذي السنه السابعه لها وماقالو شي بس نصيحه افتكي وخلصي موادك والصيفي خوذيه كثير يساعد أنه تخلصي مواد الله يسر لك يارب ويوفقك |
رد: نظام اقتصادي وسياسي
الاحصاء أمل ياسين تفهم وشرحها حلو وتعطيك واجبات وتحسين يمديك تجمعي درجات
النظام السياسي سهل اخذته عند فاطمة الكلثم وجزئية الحفظ الاجزاء السهله واللي حافظينها من قبل |
رد: نظام اقتصادي وسياسي
جزئية الحفظ في الاقتصادي هي : سورة المرسلات - سورة الانسان - سورة القيامة - سورة المدثر - سورة المزمل - سورة الجن التسميع من 10 درجات بالتوفيق :icon19::love080: |
رد: نظام اقتصادي وسياسي
الاقتصادي والسياسي اخذتهم العام والحمد لله دكاترة الي درست عندهم ماطلبوا منا تسميع
بدل التسميع كل اختبارات وواجبات الاقتصادي عند العنود الخضيري في الصيفي اخذته والسياسي عند أمل العرفج ان شاءالله يحذفوا عنكم التسميع ونظرية المعرفة صحيح المادة صعبة والسيد عرابي مايمدحونه ويحمل البنات سهى الحجي تمام لا عادي يخلوك تدرسي فوق 4 سنوات بشرط أن المعدل ماينزل عن 2 إذا نزل يعطوك انذارات وبعدها فصل من الجامعة ، ان شاءالله تخلصي في 4 سنوات موفقه عزيزتي |
رد: نظام اقتصادي وسياسي
مشكوريين وربي يعافيكم كلكم .
اني ان شاء الله اخلصها بأربع سنين وان شاء الله ادرس هم الباقي صيفي ابقي اعرف الصيفي عادي ندرس 5 مواد او النظام كلش ما يسمح واني للأسف ما خلصت من النحو 1-2-وقراءة ومحادثة واحصاء وتلاوة . |
رد: نظام اقتصادي وسياسي
اللي اعرف صيفي ما يصير تسجلين اكثر من ثلاث مواد
حدك ثلاث مواد |
رد: نظام اقتصادي وسياسي
ان شاء الله احاول اسجل 3 والباقي اخلصه مع الدراسة بأذن الله .
|
رد: نظام اقتصادي وسياسي
عليكم السلام
الأحصاء عند الدكتوره كوثر وربي انها ماتظلم احد خليك معاها اول بأول وسلميها الواجبات والنشاطات وتنجحي عندها والنظام السياسي عند مريم التميمي و هيفاء باخشوين سهللللللللللللللللل مرره بس التسميع كان دسم شوي من سورة الملك الى نوح وكانو يختارون لك 3 سور تسمعينها |
All times are GMT +3. الوقت الآن حسب توقيت السعودية: 10:35 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه