أنقذوني وأجيبوني أنقذكم الله من نار جهنم
 

السلام عليكم
نقصوا من درجاتي المشاركه من كل ماده 10 أو 9 درجات
وأنا حاله ومحمله كل شيء وبعضهن مرتين من الخوف ومتأكده من الخارطه الأكاديمه كلها صح
وتبعا لهذا النقص رسبت ببعض المواد
رفعت تظلم
والرد بعد أسبوعين
وتسجيل المواد ينتهي الأربعاء
ما أدري وش الحل؟
هل أسجل مواد كثيره من ضمنها اللي رسبت فيها
وهم اذا دروا انه فيه خطأ بينجحوني ويشيلونها من جدول هالترم؟؟
أو أتركها ما أسجلها؟؟؟
أو أسجلها وإذا ما نجحوني فيها ظلماً أنسحب من بعض المواد؟؟؟

طلبتكم يا عيال وبنات الأجواد
اللي عنده علم بهالمسأله يجاوبني ويطمني
الله يفرج همومكم

عفنا نوم الليل من هالسالفه

رد: أنقذوني وأجيبوني أنقذكم الله من نار جهنم
 

والله يا الغالية ما ادري وش اقولك
انا الحمدلله تخرجت وارتحت من تخبط الجامعة
لكن وحسب خبرتي في كل ترم راح تمدد فترة التسجيل
لكن مو اكيد الجامعة هذي تخوف ما لها منهج واحد

رد: أنقذوني وأجيبوني أنقذكم الله من نار جهنم
 

ارسلي للجامعة عبر النظام الافتراضي

تلقينه في الخدمات الطلابية


او


راسلي الشعيبي او الدكتور الفريدان على الايميل او التويتر، كلهم موجودين فيه

رد: أنقذوني وأجيبوني أنقذكم الله من نار جهنم
 

‏أنصحك لا تسجلين المواد اللي حملتيها ‏سجلي فقط المواد اللي كنتي ناويه تدرسيها الترم الثاني وراسلي الفريدان وانتظري حتى يتم الرد عليكي من الجامعة حتى ‏لا يحدث هناك تعارض في الاختبار

رد: أنقذوني وأجيبوني أنقذكم الله من نار جهنم
 

طالما انتي مو متخرجه هالترم

سجلي مواد غير اللي متظلمه فيها


اذا قبلوا تضلمك تكونين نجحتي فيها


واذا ما قبلوا لا قدر الله


خليها الترم اللي بعد القادم

رد: أنقذوني وأجيبوني أنقذكم الله من نار جهنم