|
قبل كتابة التظلم عطونا تجاربكم!!!
صبحكم الله بالمسرات والخيرات
الحين بالنسبة لي كتبت 3 تظلمات لثلاث مواد التدريب 3 مشروع التخرج حقوق الانسان بس ابغى اسال هل يحتاج كتابة التظلم اكثر من مرة عشان اضمن وصوله والسؤال الثاني والاهم هل يوجد احد كتب تظلم وعدلوا درجته طبعا اتكلم عن اللي انظلم بالدرجات ولما طالب زادوا له الدرجات....,,, ومتى راح يردوا علي في التظلم ؟؟ وبما اني فتحت موضوع فابغى اشكر ادارة الملتقى لحصولي على اوسمة تميز علم اجتماع والتميز بالكويزات🌹🌹🌹 وان شاءالله القادم اجمل👍 |
رد: قبل كتابة التظلم عطونا تجاربكم!!!
اقتباس:
لا مره وحده تكفي س2/ ماعندي علم قدمت مره ع ماده وتم الرد احس لصق ونسخ للجميع تم مراجعه درجتك وتبين انها المستحقه :biggrin: التظلم بالعاده ع اسبوعين وتستاهلين التكريم ولله يعطيك العافيه ع الجهد وعقبال التخرج من قدك مادتين وتفتك :agolakser::53::cool: |
رد: قبل كتابة التظلم عطونا تجاربكم!!!
مساء الخيرات..
مبروك الاوسمه تستاهلين كل خير .. بالنسبه لرفع التطلم يكفي تظلم واحد.. وبالنسبه جربت ارفع وكانت جميع دفعتي متظلمه في المجتمع السعودي جاوبت جميع الاسئله صح بس للاسف وقتها 92و93الدرجات وارسلوا لنا الدرجه المستحقه هي اللي مرصوده.. تظلمت في التدريب3لحصولي على 86 نفس الشيء.. للامانه مااذكر رفعت تظلم بإيقونه التظلمات ونفع.. بس في طلاب رفعوا فيما يخص درجة المشاركة وعدلونها لهم.. بس كـ درجة اختبار اشوفها ايقونه امتصاص غضب الطلاب.. ان شاءالله تلقين ممن استفاد من هالايقونه ويعطينا امل .. انا انصدمت من درجاتك بالتدريب والمشروع لان اشوفك ماشاءالله مجتهده..ان شاءالله هالجامعة تنصفك.. موفقه اختي |
رد: قبل كتابة التظلم عطونا تجاربكم!!!
.
على حسب ياعيني , فيه ناس تظلمو واستفادو ب 10 درجات . لكن المسألة هنا تختلف شوي , لما نتظلم قبل على سؤال وجواب باختبار يعني مايقبل المجادلة وفيه انصاف اكثر , بس الحين خوفك من المشروع والتدريب ان الدكتور يطلع بأي عذر على اساس انه تقييمي !! ف ممكن يقول لا اشوفه يستحق هذي الدرجة وماظلمته بشي !! لذلك لما نرفع تظلم نبين ان درجة 79 للتدريب و 75 للمشروع او 72 هي اللي ماسكة مع الدكتور لنص الدفعة . ف كيف يقيم النص بهذي الدرجة ؟ هل يعقل ان مستوانا متشابه للهدرجه ؟ |
رد: قبل كتابة التظلم عطونا تجاربكم!!!
التظلم مأمنه فايدة قَص ولصق لجميع الطلاب اكتشفوا الطلاب انهم كلهم نفس الصيغة قاموا حطوا ثلاث صيغ للاعتذار ههههههه
|
رد: قبل كتابة التظلم عطونا تجاربكم!!!
كل دفعتي السمستر الماضي
تظلمنا ع حاضر العالم الاسلامي ظلم بالدرجات مرررررة تخيلي من ممتاز ل جيد جدا ،، ولكن ردهم للجميع الدرجة المستحقة هي المرصودة ،،، حسبنا الله ونعم الوكيل ... |
رد: قبل كتابة التظلم عطونا تجاربكم!!!
الله يخلف علي اجل
اذا انصفوني المستوى الاخير والا راحت مرتبة الشرف |
رد: قبل كتابة التظلم عطونا تجاربكم!!!
يارب ينصفونا خسوف بنا فى التدريب الميدلنى 3 حسبى الله وكفا
|
رد: قبل كتابة التظلم عطونا تجاربكم!!!
لا تترك باب إلا انت طاقه
لعل وعسى وبدل المرة مرات منت بخسران شئ الله لا يضيع لك تعب |
رد: قبل كتابة التظلم عطونا تجاربكم!!!
مامنه فايده مجربه
|
| All times are GMT +3. الوقت الآن حسب توقيت السعودية: 03:07 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه