مشاريع التخرج الأدبية
 

لاحظت كثير من الخريجين اختاروا مواضيع لغويه لحد الان مالقيت احد اختار شيء ادبي واذا فيه كيف الدرجات ؟؟؟ لاني افكر اختار موضوع ادبي بس اخاف اتوهق مع ان اللي اخترته كثيره معلوماته وكذا

رد: مشاريع التخرج الأدبية
 

غريبة يا خريجين وينكم مو معقولة كلكم لغويات مشاريعكم ؟؟؟؟

رد: مشاريع التخرج الأدبية
 

مرحبا
قليل جدا اللي يكتبون عن المواضيع الأدبية
أغلب الطلاب والطالبات يختارون الجانب اللغوي يمكن لأنهم متعودين عليه
الأدبي يمكن لغته تخصصية شوي

رد: مشاريع التخرج الأدبية
 

اطلعي على هالموضوع ممكن يساعدك

http://www.ckfu.org/vb/t725412-2.html

رد: مشاريع التخرج الأدبية
 

ابتعدي عن الأدب طبعا هذي وجهة نظر لسبب ان الاقتباس عندك بيكون نسبة كبيرة مهما حاولتي تغيرين وتصيغين بنفسك
وسبق كتبت هذا في رد سابق ..

عادة نصيغ وحتى الاقتباس المسموح لنا نعيد صياغته بأنفسنا عشان نضمن مايطلع عندنا نسبة انتحال
ومع هذا تطلع نسبة بسيطة فكيف إذا موضوع أدبي الكاتب وحياته والأبيات أو القصة أو المسرحية
والتحليل كلها بتكون متكررة بالنت فراح يتعبك حتى لو تعب نفسي بتصيرين ع أعصابك
مدري قست عن نفسي والخيار لك ..
الشي الثاني اللغوي رائع ممكن تبدعين فيه
فيه مواضيع جديدة فيه مرونة فيه ابتكار حتى بالاستبيان أنا سويت test
لأول ثانوي وكانت النتائج فعلا حققت اللي ابيه

رد: مشاريع التخرج الأدبية
 

لما قرأت في الموقع عن كيفية عمل بحث أدبي الطريقة سهله لكن يعتمد بشكل كبير على خلفيتك الأدبية عشان ما يكون مشابه لغيره عشان كذا الكتابه فيه صعبه بعكس اللغويات تقدري تكتبي عن أي شي والمواضيع كثيره

رد: مشاريع التخرج الأدبية
 

بالنسبة لي بالبداية كنت أفكر اني
أكتب في الجانب الأدبي وبدأت أبحث
عن مواضيع أدبية ولكن حسيت اني
راح أواجه صعوبة فغيرت رأيي وكتبت
في الجانب اللغوي والحمد لله النتيجة
كانت ممتازة لأن الانسان يبدع في الشي
اللي يعرفه ويواجه صعوبة في الشي الجديد عليه

رد: مشاريع التخرج الأدبية