ملتقى طلاب وطالبات جامعة الملك فيصل,جامعة الدمام - استفسار عام العام اخذت درجتين وتعدلت نتيجتي

- اجتماع 8 (https://vb.ckfu.org/forumdisplay.php?f=428)

- - [ استفسار ] العام اخذت درجتين وتعدلت نتيجتي (https://vb.ckfu.org/showthread.php?t=728491)

العام اخذت درجتين وتعدلت نتيجتي

السلام عليكم ورحمة الله وبركاته

طبعا انا طالب تخرجت العام اللهم لك الحمد والمنه وعقبال الجميع

اليوم طلعت نتايج الاختبارات وفي ناس اعرفهم اخذو درجتين وحسيت بعانتهم لذلك احبيت اشارك

اول ما طلعت لي النتيجه العام اخذت درجتين في مشروع التخرج طبعا اول مره اسقط في ماده وكانت الماده الوحيده الباقيه لتخرج

ما اوصف لكم وشلون تلخبطت الاوراق ودخلت المنتدى وخذت الطريقه

اول شي قدمت اعتراض في ايقونه التظلمات
وعرفت من حساب الفريدان ان اللي اخذ درجتين فالموضوع ان الملف معطوب يعني ما صححو مشروعي واللي درجه فهو احتيال
وبعدها ارسلت ملف المشروع بصيغه الورد حسب كلامهم على ايميل ارسلوه لي
بعد فتره ما انتظرت راسلت الفريدان على ايميله ورد علي على طول طبعا راسلته في وقت الصباح افضل شي
وكان رد الفريدان ان بحثي منسوخ وصار بيني وبيه اكثر من رساله حاولت اقنعه انها اخر ماده وانها اقتباسات ولكن الرجال صامل يقول انه منسوخ وفيه فرق بس النسخ والاقتباس

البحث مصلحه لي واحد مهوب اجتهاد شخصي حاولت اتصل باللي سواه وكان مصر انه مسويه بنفسه ولا فيه نسخ ولا شي واقترح علي اني اروح لهم للجامعه واعطيهم البحث

وبعدها قررت اروح للاحساء علشان اراجعهم وقلت بكره رايح بس قلت ادخل اشيك على المنتدى وعرفت من كذا شخص انه تم تعديل النتايج

قلت اجرب واشيك على نتيجتي والحمد لله عدلت وعديت صح ما عطاني درجه زينه ولكن عديت ولا اثر في المعدل

وفي زميل لي بس قسم انجليزي اعطاه صفر وارسل لدكتور وقال له لازم يكون اتصال بيني وبينك علشان اناقشك في البحث عن طريق السكايبي والحمد لله عدى بعد هو

والله يوفق الجميع