|
الوظائف الحكوميه لمن هم على راس العمل وللمتقاعدين
بسم لله الرحمن الرحيم
السلام عليكم ورحمة الله وبركاته فيه موضوع مهم بخصوص الوظائف الحكوميه والتقديم عليها وصراحه حبا للخير نزلت هالموضوع لاني ادري كثير من العسكريين لايعلم عنه ...وهو مايسمى بالتبادل الوظيفي بين العسكري والمدني هالموضوع ماجبته من راسي ..وتاكدت شخصيا منه ببدا لكم بالعسكريين اللي على راس العمل اولا شي عادي تقدم ببرنامج جداره حتى لو معك الثانويه العامه.. لاحد يضحك عليك ويقول سجل مدني وانت عسكري ماله اي علاقه جداره لاتقول بيكفشوني ترى شي عادي تقدم نزل ترشيحك على حسب مؤهلك براحتك تبي ولا طنش ..اذا تبي الوظيفه تروح للخدمه المدنيه وتاخذ قرارك معك اسبوعين للمباشره ضبط وضعك بعدها داوم بوظيفتك الجديده لاتقول مايمديني اخلص من العسكريه باشر لو يوم وفهمهم انك تبي تخلي طرف مالهم اي علاقه خذ قرارك وعلى مرجعك وقل ابرفع فصل بخصوص المتقاعدين ويستلم تقاعد يقدم عادي بعد مايترشح على وظيفه ياخذ قراره وعلى مؤسسة التقاعد يوقف تقاعده ويستلم وظيفته ويضم خدمته طبعا فيه شرط وهو ان يكون راتب الوظيفه الجديده اعلى لو ب 5 ريال عن راتبه التقاعدي للمعلوميه بجداره كل 6 شهور ينزل مالا يقل عن 35000 وظيفه من الكفاءه الى الدكتوراه الموضوع مهم وكثير جدا وخاصه من العسكريين مايعرف عن هالموضوع.. منقول |
رد: الوظائف الحكوميه لمن هم على راس العمل وللمتقاعدين
جداره للجامعيين والكليات المتوسطه اقل شي دبلوم سنتين من جهه معتمده اما الثانويه والكفاءه في ساعد ووظايف ساعد هي اللي على بند الاجور واغلبها سائق ومراسل ومراسله وكذا
|
رد: الوظائف الحكوميه لمن هم على راس العمل وللمتقاعدين
الله يعطيك العافية على المعلومات القيمة
فكثير منا يجهلها ... تقديري وتقييمي لك |
رد: الوظائف الحكوميه لمن هم على راس العمل وللمتقاعدين
انت متأكد من كلامك ياابو رعد
|
رد: الوظائف الحكوميه لمن هم على راس العمل وللمتقاعدين
ياليت يكون صحيح
|
رد: الوظائف الحكوميه لمن هم على راس العمل وللمتقاعدين
بس اللي انا اعرفه ياخوي اذا كان الموظف حكومي وتوظف بوظيفة اخرى حكوميه شرط من 6 اشهر من تاريخ الاستقاله يحق له الوظيفة الجديده اذا مامرت عليك المعلومه تاكد من الخدمه المدنية .
|
رد: الوظائف الحكوميه لمن هم على راس العمل وللمتقاعدين
يلزم الاطلاع على اللائحة حتى يكون كلامك مسنود .. وبصراحة قرأت موضوعك أكثر من مره ولم أفهم..!!
هل المقصود الذين هم على رأس العمل أم المتقاعدين أو العسكرين فقط ..؟؟ |
رد: الوظائف الحكوميه لمن هم على راس العمل وللمتقاعدين
الله يوفقك ابو رعد ويجزاك ربي خير الجزاء ،،، فعلا موضوع قد يجهله الكثير وهو مهم ،،
|
رد: الوظائف الحكوميه لمن هم على راس العمل وللمتقاعدين
المشكله معجب ولا ترد ربي يسعدك
|
رد: الوظائف الحكوميه لمن هم على راس العمل وللمتقاعدين
يا اخوان الموضوع
منقول ومكتوب تحت الموضوع منقول ونقلته لكم هنا للفائدة والمناقشة الله يسعدكم اللي يبي يشوف من وين نقلتة يضغط كلمة منقول في نفس الموضوع |
| All times are GMT +3. الوقت الآن حسب توقيت السعودية: 08:12 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه