ملتقى طلاب وطالبات جامعة الملك فيصل,جامعة الدمام - شعر أنا اطباعي ماهي زينة ..ولكن هذي أطباعي !!

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : أنا اطباعي ماهي زينة ..ولكن هذي أطباعي !! (https://vb.ckfu.org/showthread.php?t=727037)

أنا اطباعي ماهي زينة ..ولكن هذي أطباعي !!

وجع حب، وجع شعر، وجع شوق، وجع ضيقة
على كيفك وهاك اختار هذي سلة أوجاعي
غلا واسمع نزيف الجرح كلام الصمت ما طيقه
انا محتاج أسولف لك عن أول وآخر أوضاعي
وابد لا يجرحك صوتي حياة الطير تحليقه
عليك الله يصير الكون والمسباق والداعي
أنا أصدق طير بالدنيا عشق حتى مسابيقه
ولكني بديت أذكر معاك أيام مرباعي
تعال أفتح كفوفك حلم.. وأموت بيوم تحقيقه
تعال أرسم بحور الشعر..وكسر لو تبي شراعي
تعبت أفتش بدفتر وأحس بحزن تطبيقه
دخيلك غمض عيوني وخل الشوق لصباعي
أبي غيم سرق ربعي ودللهم بتشريقه
أكون أول بشر مجنون تزوره بالعطش قاعي
حتى لو وهم تكفى أبي أتوهم بتصديقه
أبي ذات أبي مولد يوازي صرخة الناعي
أحس بداخلي عالم حرام أكتم مخاليقه
حرام أسكت وأنا صوتي نذر وجهه لاتباعي
يا أول قلب يبكيني وتبكيني مواثيقه
أنا اطباعي ما هي زينه ولكن هذي اطباعي
تغرب بي قوافل موت اقول العمر تشريقه
أعيش بشبه غيبوبه وأعرف ان الزمن واعي
أكمل لك وجع خوف ووجع فقر ووجع ضيقة
وعلى كيفك ترتبني حلالك بالغلا أوجاعي

ابو روز