|
°¨¨™ هــــب البــــراد ¤™¨¨°
[align=center][table1="width:100%;background-image:url('http://www.shy22.com/upfilpng/rjn14432.png');"][cell="filter:;"][align=center]
تزامناً مع الأجواء الباردة المُمطرة ... ماوجــــدت أروع من هذه القصيدة ... هَبْ البَرَّادْ وزانت النفسيه ..... والجو روعه والمشاعر حَيَّه والغيم غطى الديره السحريه ..... وجَادَتْ لك الأبيات يا مَغَنيها غيم وسَعَةْ بال ومطر يا الغالي..... ولا طرى غيرك أبَدْ في بالي قربك هَنَّاي وشوفتك تَحَلى لي ...... ونفسي لأجل وصلك فِدا غاليها صَبْ المحبه بأشرب مِنْ إدلالك ...... وخل الكلام ومدّ لي فنجالك أنا ما أروق إلا لا صَرّتْ قبالك...... لا يا بعد روحي ويا مداويها فيك الجمال الطاغي المتباهي...... يا لذة السُكّر بكوب الشاهي ملامحك فتنه وزينك راهي ....... وأوصافك الفخمه من يجاريها ؟ وعيونك أليا سَلهَمَتْ ذباحه ...... مرتاحه وما كِنها مرتاحه نظراتها سحريه ولماحه........ الله يخليها لمن يرجيها لبيه يا الوجه الجميل الهادي....... شوفك هوا نفسي وقربك زادي حبك بـ وادي والبشر في وادي........ وعروق قلبي جَيَّتَكْ تحيِيّها وينك ثلاث أيام فاقد صوتك ؟........ ترى المَكابَر ضاع بين سَكوتِكْ لا يسرقك عمر الغلا ويفوتك ......... وتحوسَكْ الدنيا وتحزن فيها لا تلتفت للعالم النَقَادَه ...... اللي على درب الردى مِعتَادَه وأخيراً صح لسان شاعر القصيدة : ماجد لفي الديحاني وشكلكم بعد هالقصيدة كواشيت :smile: هالقصيدة إهداء لذا الوجه الجميل الهادي :icon1: : https://pbs.twimg.com/profile_images...WN_400x400.jpg [/align][/cell][/table1][/align] |
رد: °¨¨™ هــــب البــــراد ¤™¨¨°
وهذي لك جمان قبل اشوي جايه من روضة خريم فعلا زانت النفسيه الله يسعدك يالغلا
http://store2.up-00.com/2015-12/145132332736851.jpg http://store1.up-00.com/2015-12/145132101725471.jpg |
رد: °¨¨™ هــــب البــــراد ¤™¨¨°
.
جمآن هالقصيدة اللي عرفني عليها , كنت اسولف مع اميمتي اقولها البرد يزيّن النفسيات , فتحت جوالها وارسلت لي هالشيله :) , من بعدها بديت اشوفها بكل مكان صرت احس ان شعبنا مظلوم عوامل التصحّر ماهي مقصّره فينا :(96): يعطيك العافيه حبيبتي :004: |
رد: °¨¨™ هــــب البــــراد ¤™¨¨°
-
صحيح .. الجو له دور ف تغيير النفسيه حتى لو انك بعز الصيف وغيم الجو .. تستانسين :004: :064: ترى حتى القوم يغيرونها بعد هههههههههههههههههه:hahahahahah::tongue: يعطيك العافيه :004: |
رد: °¨¨™ هــــب البــــراد ¤™¨¨°
اقتباس:
اموووووووووووت انا ادووووووووووووخخخخ عند الورد المجفف :cheese: الصوره فيها خلل :biggrin: |
رد: °¨¨™ هــــب البــــراد ¤™¨¨°
الله الله صح لسانك ************* الجو زان وحان وقت المكاشيت .. وين أنت ياللي للمكاشيت هاوي طاح المطر والفرصة اللي تحريت .. اليوم حانت يا بعيد الهقاوي الله على اللي لا نهمته وغنيت .. يطوي سماهيد(ن) بها الذيب عاوي شرق الجبال الي على شوفها اشفيت .. شمال من تيما وغرب الصداوي لا جيتها طاب المقام وتهنيت ... وارتحت لو اني وحيد(ن) خلاوي شوف الفياض وشبة النار لامسيت .. تسوى مشاريع البخيل الغناوي هذا هواي وشفي الي تمنيت .. والله هو الي فيه كل الرجاوي |
رد: °¨¨™ هــــب البــــراد ¤™¨¨°
لاتوجعين قلبي ياجمان انا اذا ماشفت الربيع يطوي حالي طاوي تجيني تتسه ههههههههه
|
رد: °¨¨™ هــــب البــــراد ¤™¨¨°
ابدعتي بالاختيار
يعطيك العافيه |
رد: °¨¨™ هــــب البــــراد ¤™¨¨°
اقتباس:
حياتسسسس ياعريب ماشاء الله طبقتوووا القصيدة كواشيت الروضة منوره :106: |
رد: °¨¨™ هــــب البــــراد ¤™¨¨°
اقتباس:
منوله <<<<< هالأثرم ذا مايجووووز لي :rose: |
| All times are GMT +3. الوقت الآن حسب توقيت السعودية: 09:07 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه