|
بخصوص ساعات المواد الاضافية
السلام عليكم
الحمد الله تم الوصول للمستوى الثامن يارب لك الحمد والشكر وان شاء الله بأذن الله كلنا ناجحين في مواد سابع كاملة بس عندي استفسار انا سجلت الحين مواد 8 كلها وعندي من مستوى 5 مادتين ومن مستوى سابع مادة ما اخذتهم وابي اخذهم الحين ومادة حملتها من مستوى سادس المهم راجعت الجدول تمام مافية تعارض المشكلة الحين عدد الساعات احنا مقيدين ب 19 ساعه بس ؟ ولا عشان احنا مستوى ثامن نستثنى نقدر نضيف كم ساعه زيادة لان حرام اخذ ترم كامل على مادتين 4 ساعات بس 😢 بليز اللي تعرف شلون ونقدر نظيف ساعات غير الملزومين فيها او لا وشكرا للجميع |
رد: بخصوص ساعات المواد الاضافية
مسموح لك23 ساعه
الحد الأقصى للساعات: 23.000 هذا نسخته لك من البانر للتاكيد |
رد: بخصوص ساعات المواد الاضافية
اقتباس:
انا مسموح لي ب 19 ساعه يمكن عشان المعدل ؟ والله حرام باقي لي مادتين بس مابي اخذها ترم لحالها يعني احتاج 22 ساعه بس |
رد: بخصوص ساعات المواد الاضافية
لعله خير
راسلي الفريدان يمكن يساعدك واذا ما زبطت امورك مو مشكله فيه طلاب كثير ما خذين ترم تاسع علشان يخففوا من الضغط عليهم يعني مو انتي لحالك انا مثلا المفروض اتخرج هالترم لكن في احد المستويات سجلت موادي وذاكرت اول باول وقبل الاختبار بثلاثه اسابيع حصل ظروف اعتذرت عن الاختبار وعدت الترم من جديد زعلت شوي بالبدايه بس مع الايام اكتشفت انه كان خير لي سبحان من يعلم ما لا نعلم وكلي امرك لرب العالمين |
رد: بخصوص ساعات المواد الاضافية
اقتباس:
الحمد الله على كل حال وخيرة الحمد الله لكن مسموح ب 23 ساعه وانا احتاج 22 ساعه يعني اقدر بس كيف ؟ عموما مشكورين على المساعدة والله يوفقني وياكم يارب وعدينا كل هالمستويات جت على هالترم بتعدي ان شاء الله الله ييسرها ويختار لنا الطيب بإذن الله |
رد: بخصوص ساعات المواد الاضافية
أنا باقي لي مادة الاحصاء من المستوى الأول حرام اخذ ترم كامل علشانها؟
نبي حل ياجماعة؟ |
رد: بخصوص ساعات المواد الاضافية
اقتباس:
السلام عليكم ورحمة الله بالبداية سجلي 18 ساعة المسموحة لك وفترة التسجيل الثانية تقدرين تسجلين إلى 24 ساعة لان النظام اللي يبي يسجل ساعات اضافية خاصة للي في مستوى سابع وثامن لابد يسجل الفترة الاولى لو مادة ثم الفترة الثانية يسمح لك تسجلين الباقي بس تأكدي من المعدل هل مسموح لك اول وعدد الساعات المنجزة وبالتوفيق يارب |
رد: بخصوص ساعات المواد الاضافية
خلال فترة التسجيل الثانية لجميع الدفعات
يفتحون لك الساعات 23 او 24 وإذا تبين زود تراسلينهم ويوصلونها لك 26 بعد بس اول تسجلين ال19 وبعدها بفترة يفتحون التسجيل مره ثانية وتدخلين البنر وتلاقين الساعات زادت عندك |
رد: بخصوص ساعات المواد الاضافية
اقتباس:
ايه صحيح نبهتني وحدة تقول سجلي المواد الحين مع دفعتك بحيث انهم يفتحون لك تسجيل المواد الثانية وانا الحمد الله سجلت المواد طلعت لي 19 ساعه باقي مادتين اذا سجلتها اتخرج هالسنة والترم ذا يكون اخر شي الحمد الله الحين كلها مسألة وقت بنتظرهم يفتحون واسجل وربي يسهل منفائلة خير واذا ربي ما كتب تكون خيرة راضية بكلا الحالتين ويارب نكون ناجين بكل مواد سابع عشان ما تتلخبط الامور ونعدي هالترم على خير مشكورين يا ابطال :love080: |
رد: بخصوص ساعات المواد الاضافية
بالتوفيق ان شاء الله
بس والله كارثه نسجل مواد واحنا مانعلم عن نتائج اختبار الترم الماضي اشوف فيه لخبطه مثل الاخت صبا باقي لها 21 ساعه او 22 لو لاقدر الله واعادة مادة من الترم الماضي راح يكون الزامي عليها تضيف ترم كامل من اجل ماده واحده وهي بالاصل ضاغطه جدولها من اجل التخرج .... اشوف تسجيل المواد قبل النتائج طريقة فاشله لاتعكس المجهودات المبذوله من الجامعه في سبيل التطور مرة اخرى بالتوفيق للجميع واعتذر للاخت صبا ان كنت شطحت عن موضوعها الاساسي |
| All times are GMT +3. الوقت الآن حسب توقيت السعودية: 10:43 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام