ملتقى طلاب وطالبات جامعة الملك فيصل,جامعة الدمام - محتوى مقرر انطباعي عن مستوى 4 مع ذكر بعض الامور المهمة فيه

السلام عليكم ورحمة الله وبركاتة ,
راح اتكلم عن انطباعي بشكل عام
عن مستوى رابع للأمانة هو مستوى يحتاج
للجهد والمذاكرة من بدري لان مواد التخصص
دسمة وتحتاج شوية تركيز من بدري مع تعود عليها
ع اساس محد ينصدم من المادة بليلة الاختبار:S_45:
نجي لتقييم المواد :33_asmilies-com:
*حاضر العالم الاسلامي *
المادة مثل مادة التاريخ ع جغرافيا ومعلومات العامة
بس ممتعة واسئلتها هالليفل رائعة .
تقييمي الشخصي لهالمادة 10/10
ــــــــــــــــــــــــــــــــــــــــــــــــــ ـــــ
*الادب الانجليزي -عصر النهضة*
هالمادة غثيثة لانها دش تتكلم عن تاريخ اوربا القديم و
ادباء مقسمين ع عصور ومسرحيات وشعر فتحتاج لمذاكرة من بدري
وللامانة اسئلة الدكتور رائعة لان مايتطرق
للغثاثة يجيب المختصر المفيد .
تقييمي الشخصي 8/10 عشان مذاكرتها تدوخ:sm5:
__________________
*قواعد البيانات*
المادة ممتعة واغلب اسئلته فيها
عن الجزء العملي وعن المكونات واشياء تحتاج
استيعاب من بدري لان متذكرتها رموز بس ناسية اسمها
المهم مع خوفي من اسئلة العضايلة بس
الحمدلله جاب اسئلة حلوة وتحتاج مذاكرة
من بدري
تقييمي للمادة :9/10 عشان الرموز الي ناسيه اسمها :(284):
ــــــــــــــــــــــــــــــــــــــــــــ
*انشاء وتعبير 2 *
للامانة ماذاكرتها الا قبل الاختبار
بيوم وبصراحة فاجئنا باسئلته الجميلة
الدكتور المحبوب لانه ماجاب لنا ولا فوكابلري
كانت كلها قطع واسئلة مكررة من الاعوام .
تقييمي للمادة 10/10 .
ــــــــــــــــــــــــــــــــــــــــــــــــــ ـ
*استماع وتحدث *
احفظوا الكلمات ومعانيها وضروري تتعودون
ع طريقة نطقه ف الاختصارات ونطقه للاعداد
طبعا الاختبار يعتمد اعتماد كلي ع مدى قوة حاسة الاستماع والحمدلله الكل يعرف آلن اسئلته تهبل
فتقييمي للمادة 10/10
____________________
*النثر الانجليزي*
كنت خايفة جدا من المادة ذي ومو عارفة
كيف تتذاكر لكن ربي يسرها وجت اسئلة الفريدان حلوة
وتحتاج لمذاكرة من بدررررري مو بالضرورة المذاكرة
الجدية حقت الاختبار لا يعني حل التمارين وحضور المحاضرات
فتقييمي لهالمادة 7/10 لانها حاستني شويات .
___________________
*القواعد والمنظومة النحوية *
مادة تعتمد اعتماد كلي ع القرمر وانواع الاوبجكت والادجكتف وانواع الجمل وتعاريف من الاخر مادة تحتاج مذااكرة من بدري ومحد يتهاون فيها لان المسميات متشابهه والنوع الواحد يطلع له نوعين اضافية وممكن اكثر
بس الاسئلة كانت حليوه الحمدلله.
تقييمي لها 9/10
_______________________
*مدخل اللى اللغويات *
المادة حلوة ومهمة جدا اذا حطيتو ف بالكم
انها مو بس لدراسة اختبار وانتهى لا هي تقريبا 90%
اساس اللغة انا خذتها الليفل اللي راح بس هالليفل
الكل اشتكى من الاسئلة انها جت من بين السطور ومحد
يدري شحكمة الدكتور من تعقيدة للاسئلة ولكن نتمنى التوفيق يارب للجميع والمادة تحتاج مذاكرة من بدررررري مره وحضور محاضرات مع الدكتور والتركيز ف طريقة نطقه للحروف الاهتزازية واللاهتزاية ومخارج الحروف يعني الي بيفكر انه يذاكر المادة بدون حضور محاضرات الدكتور ينسى انه بيستوعبها ,
تقييمي لها 8/10 .
________________________

بالنهاية الله يوفقنا وياكم يارب وقد نختلف ف موضوع السهولة والصعوبة لان فيه ناس تشوف ان حاضر العالم الاسلامي صعب ومواد التخصص سهلة والعكس

فالكل يتوكل على ربي قبل كل شيء ويعرف

ان لكل مجتهد نصيب ولااحد ياخذ فكرة سلبية

عن المواد والخوف والتردد من مادة معينة ماراح يفيدنا بل بلعكس بيحبطنا ويخلينا مقيدين ضروري نعرف ان مافي شيء سهل بس بنفس الوقت ماراح تصعب ع اللي يجتهد بحول الله .
تمنياتي للجميع بالتوفيق اتمنى اني افدت ولو بالقليل وكل الشكر لتهاويل ,وابو قصي
كنت اتعمد اقرا مواضيعهم وردودهم لانهم يعطونك الزبدة
واعتذر لو تكلمت كثير بس يارب فيه احد استفاد من موضوعي والي عنده اي اضافة يكتبها .
الملتقى ذا خلانا مثل الاسرة الواحدة اللي تواجه عصف
المواد :verycute::41jg: