عموم طلاب الدفعة الماسية عتاب أحباب ..
 

السلام عليكم


اسعد الله مساء الجميع


أنا عارف أن المادة صعبة ونصكم زيي للحين مافهم فيها شي


بس فيه شي له يومين يقرقع بخاطري وكل ماجيت بتكلم فيه قلت يافلان العن ابليس


الكلام اللي بقوله مو موجهة لشخص بالتحديد
الكلام لي ولك ولفلان وعلان وفلانه وعلانة << يارب مايكون معنا طلاب اسمائهم كذا :mh12:
الكلام للجميع بدون استثناء


مانا فاضين وجع راس المادة لحالها مصدعه فينا من الحشو


يعني اذا ماعندكم شي مفيد بلاش كل شوي يجي يسأل واحد عن


الآلة حاسبة ممنوعة ولا لا ؟


ولا المسائل ماراح تجي ؟


واذا جاوبوه الشباب وقالوا كلام مو اللي في خاطره(يعني قالوا المسائل بتجي)


زعل وقام ينقص من جهود الغير


الشباب ماقصروا في الورشة من بداية الترم شغالين مو هالترم بس نفسهم ماتغيروا كل سنة


من المستوى الأول وهم شغالين وتعبانين واحنا نجي وقت الاختبارات نلقى كل شي جاهز


بارد مبرد وفوق ذا كله نقوم نتفلت عليهم


ما ننسى أن فيه كم شخص خارج اعضاء اللي شغالين بالورش أيضاً لهم جهود جباره


وكانوا بعد الله سبب نجاح لنا بس الكلام هذا صدقوني لنا جميع


الف شكر لهم والله يبيض وجيهم ويجعل كل اللي قاموا فيه في ميزان حسناتهم ويجعلنا شفعاء لهم يوم القيامة


أتمنى وأرجوا تبقى قلوبنا على بعض ومو ضغط أختبار واحد يخلينا ننسى تعبهم وجهودهم معنا من ثلاث سنين


عن نفسي وين من كثر ماحذفت أترام بهالجامعة دفعتي الاساسيه تتخرج هالسنة ههههههه:hahahahahah:


تقبلوا كلامي كعتب محب لكم جمعياً


واللي يضايقة كلامي يقفل الموضوع ولا كأنه شاف شي


وأنا عن نفسي بنزل الموضوع ولا برجع أعقب عليه :019:


الله يكتب لنا ولكم التوفيق دنيا وأخره


فمان الله

رد: عموم طلاب الدفعة الماسية عتاب أحباب ..
 

على طاري التخرج دفعتي تخرجت من سنييين دفعه 2010
وانا ئاااعدة :mh001:

رد: عموم طلاب الدفعة الماسية عتاب أحباب ..
 

جميل كلامك ومرتب يعطيك العافيه وكلامك 100% صح



وزي ماقال ماله داعي كثرة الاسئله وش بيجي ووش مابيجي كلنا طلاب زيكم علمنا من علمكم والورشه والدفعه الماسيه ماقصرت جميييعهم ون استثناء وبعض الجهود من خارج ينزلون مواضيع ويربطون كل شي بععض وطرق فهم واشياء حلوه نشكرهم جميعا والله لان بنجاحنا بعد الله وثم هم ماقصروا معانا
بحكم البعض متزوج ومخلف ويداوم ومشغول والباقي ينزل ويساعد ونساند بعض زي الاخوان ♡♡♡




والله يعطيكم العافيه جميعا ومافي شي يضيع من الله كل شي مكتوب باجره ولاتنسون من سلك طريقا يلتمس به علما سهل الله طريقا له للجنه ،، والدال على الخير كفاعله كلنا ندل للصح ♡♡♡


وبالتوفيق وانشاء الله نكسر حمل ااماده وكلنا ننجح ونكون يد وحده ♡♡




>>> هذرة صح ادري حتى زوجي يقول كذه هههههههههههههههه


بالتوفيق لكم ♡♡