ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 1 (https://vb.ckfu.org/f310)
-   -   [ استفسار ] رد الفريدان على التظلم (https://vb.ckfu.org/t721793.html)

LaElaf 2015- 12- 17 08:44 PM

رد الفريدان على التظلم
 
السلام عليكم,

انا من الأشخاص اللي انسحبت منهم الالة الحاسبة
كل سؤال كنت اعرف كيف استخرج اجابته
كل سؤال كتبت قاعدته جنبه ومع ذلك ما قدرت احل بسبب الكسور وعدم وجود الة مساعدة بلتم توزيع الات معيقة لنا بعد ساعة ونص من بداية الامتحان.
أرسلت للعميد تظلم امس مجرد ما طلعت السيارة واليوم رد علي ب صورة من تعليمات المنع
رديت عليه بأن الرسول اوصانا في طلبة العلم وفي التيسير على المسلمين ومن الظلم منعنا دون سوانا ونطالب بإعادة الاختبار بوجود الالة.
رد مجددا برابط المنع
أرسلت له عدم وجود وقت كافي أولا وثانيا وتوصية الدكتور لنا بالآلة تحديد في محاضرته وكمان عدم توفير حتى أوراق لمساعدتنا على حل المصفوفات مثلا وكيف نحل الجذور والكسور وقسمة لوغاريتمات بدون الة
رد علي بأن القرار شامل جميع المراكز و جميع دكاترة المقررات افادوهم خطيا بأن الالة المبسطة كافية.


حسبي الله ونعم الوكيل. اللهم انت حسيبنا ومولانا فتولانا برحمتك وانصرنا

يارب الظلم ظلمات يوم القيامة. كيف انسان يتحمل ينام وهو ظالم!
الناس تدور الحسنات في كل مكان وهم عندهم وحدة من اعظم الاعمال اللي ما تنقطع وهي علم ينتفع به
بدل ما يسهلونها يصعبونها علينا.

حسبي ربي وكفي

توفيق السريحي 2015- 12- 17 08:50 PM

رد: رد الفريدان على التظلم
 
لو كان العميد هو الي مختبر مكاننا ماقال هذا الكلام
نفسي يجي له يوم في اولاده ويحس بمعاناتنا حسبي الله عليه مايخاف الله لان المفررض ان كان صادق يحرب الاله اللي يقوله عليه ويشوف كلام الدكاتره مطابق لكلامه او لا لكن للاسف لا يخاف الله وراح يجي له يوم هو والدكتور المصري

hessah588 2015- 12- 17 08:56 PM

رد: رد الفريدان على التظلم
 
تعليمات المنع هذي وينها ? موجوده بالموقع ?

geth 2015- 12- 17 09:02 PM

رد: رد الفريدان على التظلم
 
استغربت ان بعض الطلبه منع عليهم استخدام الاله انا مقر اختباري شمال الرياض وأبدا ماصار اي مشكله وهالشي من ابسط حقوقنا كـ طلاب
وبالنسبه لـ رد العميد ان القرار شامل المراكز هالشي ابدا مو صحيح
وما اتوقع ان هالشغله لو ممنوعه من الدكتور ومن العماده ان المراقب بيتجاوز عنها بشكل علني

LaElaf 2015- 12- 17 09:15 PM

رد: رد الفريدان على التظلم
 
اقتباس:

المشاركة الأصلية كتبت بواسطة hessah588 (المشاركة 12962540)
تعليمات المنع هذي وينها ? موجوده بالموقع ?


اداني هذا اللينك
https://www.kfu.edu.sa/ar/Deans/E-Le...tant_notes.pdf
من تعليمات الاختبار

رنا_المدينه 2015- 12- 17 09:25 PM

رد: رد الفريدان على التظلم
 
أسأل الله العظيم رب العرش العظيم إنهم يشربو م نفس الكاس اللي شربنا منو ويسلط عليهم من لايرحمهم..
أسأل الله العظيم رب العرش العظيم إنهم يشربو م نفس الكاس اللي شربنا منو ويسلط عليهم من لايرحمهم..
أسأل الله العظيم رب العرش العظيم إنهم يشربو م نفس الكاس اللي شربنا منو ويسلط عليهم من لايرحمهم..


يعني نجلس ف الاختبار نجمع والا نطرح والا نقسم والا نضرب وإلا نفك الأس وإلا نحل المصفوفات والا نجيب x ,y وإلا ايش نسوي ف عمرنا..

الظلم ظلمات ..

أنا تعبانه وشقيانه أدرس وأنصدم وقت الاختبار بقرار غبي وبكل برود يرد رد يزيد الإحباط عندنا..
طيب إيش عذرهم يقنعونا ذاكرة تخزين ومافيها إيش سبب المنع ..؟!!
وكل الجامعات بجميع الاقسام يدخلو بالآلات ايش معنا احنا .؟!!!



حسبي الله على ونعم الوكيل فيهم..


نجلاءالعتيبي 2015- 12- 17 09:47 PM

رد: رد الفريدان على التظلم
 
السبب واضح هدف الجامعة مادي لا أكثر ولا أقل

لكن كلامي هنا لعميد الجامعة


من الظلم يقارن طلاب وطالبات الانتساب بالانتظام لأسباب عدة




والله معنا بالقاعة حريم كبار وحوامل هدفهم مواصلة تعليمهم لاأقل ولا اكثر:sm4:

من هيئتها تفرض عليك احترامها تخيل تجي وحده كبر بناتها و تأخذ الأله حقتها


وتصارخ بوجهها وتقول جيبي الاله ممنوعة بالله مو عيب هذي وش لون راح تحل من غير آله


بالله عليكم ولا وش يحدها تخلي بيتها وعيالها وتجي تضرب ولا تجمع مصفوفات وتطلع قيمة الاكس والواي




مو حرام تنحرم من مواصلة تعليمها والسبب قرار غير مدروس :119:


أضف الى ذلك ان هناك فئات ظروفهم المادية صعبة جدا هل يعقل ان تدفع مرة أخرى مبلغ وقدره حتى تختبر المادة التي حملتها في نهاية العام :119:




المفترض ان هذه الفئة ينظر لها بعين الإنصاف والعدل :sm1:



بصراحة حرام الي قاعد يصير فينا طلاب وطالبات الانتساب :139:

العوفي1 2015- 12- 17 09:56 PM

رد: رد الفريدان على التظلم
 
بالنسبه للكسور عادي تقدرين تحلينها بالحاسبه مثل جاك كسر 3 على 5 ضرب 10 تقسمين 3 على 5 بالحاسبه والناتج تضربينه ب10 لكن يستخرق وقت اطول

نجلاءالعتيبي 2015- 12- 17 09:59 PM

رد: رد الفريدان على التظلم
 
^

ماقصرت وقت اطول في استخراج نتيجة المعادلة




ووقت الاختبار غير كافي




والسؤال خمسين سؤال




وكل معادلة كم بتقعد فيها عشان تحلها بألة ابو ريالين ذي ؟؟؟

محمد المطيري1 2015- 12- 17 10:02 PM

رد: رد الفريدان على التظلم
 
1 مرفق
طيب دامها ممنوعه من الاساس المفروض تحاسب الدكتور نفسه

لنه شرحه للماده كان معودنا على الالة الحاسبه بالاختبار تعطيني حاسبه عاديه

تقدر ترسل له صورة الحاسبه الي موجوده في المذكره للماده

معروضه في احد شرائح المنهج الي هي الحاسبه المطوره

والله تقدرون ان شاءالله تاخذون حقكم ارسلو له صورت الحاسبه الي موجوده في المنهج

و ارسل له الشريحه

واكتب حاسب الدكتور لنه معودنا على هالاله مو بالاخير الطالب يقلب الورقه مدري وش يسوي فيها

ابيك وانا اخوك دامك تواصلت معها ترسل له هالصوره

وترسل له الشريحه تبع المنهج الي هي المحاضره 10

ارفقها بالايميل

http://store1.up-00.com/2015-12/1450377174921.png


باذن الله بتاخذون حقكم



All times are GMT +3. الوقت الآن حسب توقيت السعودية: 03:45 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه