ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   المعدل مهم جداً ارجوا الدخول للضرورة (https://vb.ckfu.org/showthread.php?t=720232)

قاررئ 2015- 12- 15 01:54 PM
المعدل مهم جداً ارجوا الدخول للضرورة
 
السلام عليكم ورحمة الله
ي جماعة انا عندي مشكله في المعدل انا معدلي نازل بالمرة لدرجة أني أخذت ثلاث إنذارات وأعطوني فرصه اخريه لما عطوني فرصه اخيره كان معدلي 1.6 بعدين رفعته الى1.9😔 ونزلت مواد الفصل هذا ولكن مشكلتي ان علي متعثرات مالية يعني الجامعة تطلبني فلوس وما لي استطاعه أسدد وقلت مالي الا أبيع السيارة وهذا انا ابي اسوي تنازل للمشتري بس خوفي انه بعد ما سدد واقعد امشي ع رجولي يقولون خلاص انت معدلة مازل ي جماعة تكفون هل في مجال اكمل شي لان والله العظيم محتار ومكتئب وضايق خلقي بالمرة تكفون شوركم والله ما لقيت الي استشيره غير انتم المشكله كلمتهم قالوا اذا نزل معدلك يتم استبعادك وانا الان محتار بالمرة

Samd 2015- 12- 15 02:08 PM
رد: المعدل مهم جداً ارجوا الدخول للضرورة
 
ماحد راح يفيدك هنا موضوعك اداري بحت كلم الفريدان وتواصل معاه عبر البريد حتى يرد عليك

azooz alharbi 2015- 12- 15 02:22 PM
رد: المعدل مهم جداً ارجوا الدخول للضرورة
 
نصيحه لوجه الله كلم الفريدان او اذا مارد عليك قبل تبيع سيارتك رح للجامعه واستفسر عن وضعك كامل
الله يسهل امورك وييسرها

واثقة بوعد ربي 2015- 12- 15 05:31 PM
رد: المعدل مهم جداً ارجوا الدخول للضرورة
 
شد حيلك دحين اختبارات ولا تفكر في الرسوم فكرفيها بعد الاختبارات لا تضيع نفيكزياده وينزل المعدل شد حيلك قد ماتقدر وكل شي بيصير بالاراده القويه بع الله...
ومن وجهة نظري لاتبيع السياره حاول تتسلف...
من هنا ومن هنا افضل بكثير من انك تبيعها... الله يوفقك ويسهلك

أبو حور 2015- 12- 15 06:06 PM
رد: المعدل مهم جداً ارجوا الدخول للضرورة
 
الحل في يدك ارفع معدلك
وارفع من معنوياتك شوي
شوف هذا الفيديو
https://youtu.be/q20hu-5WVfM

hloleh 2015- 12- 15 06:12 PM
رد: المعدل مهم جداً ارجوا الدخول للضرورة
 
اذا ما نجحت بتخصصك غير التخصص

لو بيفيدك في رفع مستواك

H a d i 2015- 12- 15 08:10 PM
رد: المعدل مهم جداً ارجوا الدخول للضرورة
 
المتعثرات المالية لازم تتسدد حتى لو تم اقصائك من الجامعة ,لأن تحتاج اخلاء الطرف وما راح يجيك اخلاء الطرف الا بعد السداد ..ولكن دام احنا في وقت اختبارات ف اكيد بعد اذن الله راح تقدر ترفع من المعدل دام معدلك الآن 1.9 م بقى شيء ع 2 ..




موفق يارب وجميع المسلمين والمسلمات

112233445566 2015- 12- 15 08:59 PM
رد: المعدل مهم جداً ارجوا الدخول للضرورة
 
ياخوي شد حيلك وارفع معدلك الحين نصيحة لاتبيع السيارة لين تشوف والشي الثاني انا نفس طريقتك واعطوني انذار اخير رفعت المعدل ولله الحمد ومشت الامور انت حاول ترفع معدلك عشان تلغي الانذارات

قاررئ 2015- 12- 15 09:36 PM
رد: المعدل مهم جداً ارجوا الدخول للضرورة
 
اقتباس:
المشاركة الأصلية كتبت بواسطة 112233445566 (المشاركة 12935033)
ياخوي شد حيلك وارفع معدلك الحين نصيحة لاتبيع السيارة لين تشوف والشي الثاني انا نفس طريقتك واعطوني انذار اخير رفعت المعدل ولله الحمد ومشت الامور انت حاول ترفع معدلك عشان تلغي الانذارات
يعطيك العافيه انا يوم أخذ الانذار الأخير كان معدلي 1.6 ورفعته الى 1.9 متى يتم إلغاء الإنذارات يعني اذا الغي بعدين لا سمح الله نزل معدلي انفصل او أخذ إنذار من اول جديد ..
لا تلومني ترا والله متخنق ومتضايق مدري وش اسوي

ابتسامه تفاوءل 2015- 12- 15 10:57 PM
رد: المعدل مهم جداً ارجوا الدخول للضرورة
 
طيب انت مستوى اول غير تخصصك الله يفرج همك


All times are GMT +3. الوقت الآن حسب توقيت السعودية: 08:47 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه