ملتقى طلاب وطالبات جامعة الملك فيصل,جامعة الدمام - معـآنـآة طــلاـآب الثآنويــة <--

بسم الله الرحمن الرحيم ~

السلام عليكم ورحمة الله وبركاته ~
......
طفاَكي القدر ياشمعتي .. خلاَني اَجر بحسرتي
شلي بهالعمر ياَدنيتي .. محسود على حظي وقسمتي
.....
ااخ بس توي حسيت بمعاني هالكلمات
الله لايوفقكم ياوزارة التربيه والتعليم .. اسف قصدي وزارة الملعنه والتحطيم http://gfx1.hotmail.com/mail/w4/pr01/rtl/i_safe.gif
ياناس ياعالم ياهوه وش هاللي قاعد يصير فينا
حنا الشباب بدينا نظيع والسبب للاسف مومنا .. السبب من ........ !!
......
الله لايوفق من حط هالأنظمه الزفت الي زي وجهه الي خلتنا نعاني بعد الثانويه
يعني معقوله دراسه سـ 12 ـنه من الابتدائي الى الثانوي
وبالأخير ماتؤخذ من نسبتك الثانويه غير 20% http://gfx1.hotmail.com/mail/w4/pr01/rtl/i_safe.gif
طيب هذا الشي قلنا يمشي مومشكله ولوانه مايمشي بس بنقول يمشي
ليه التعقيد ؟؟ ليه اختبارات قدرات وتحصيلي ليه !!
يعني معقوله الجامعات تهتم بنسبة القدرات والتحصيلي اكثر من الثانويه
يعني دراسة عمرك كلها راحت بالهوا ؟؟
القدرات : ركب احمد فوق ظهر وزير التربيه .. وركض به نحو الدرج
فكم سرعة الوزير من مكتبه الى الدرج ؟ <<< سؤال مشابه لأسئلة القدرات http://gfx1.hotmail.com/mail/w4/pr01/rtl/i_safe.gif
طيب يرحم لي ام امك هالسؤال وش بيفيدني بالجامعه ؟؟ http://gfx1.hotmail.com/mail/w4/pr01/rtl/i_safe.gif
اجيب بالقدرات نسبة ززززفت على اسئله ورب النعمه ماتسوي والله !!
.....
ويابختك لاقالولك بكرة اختبار تحصيلي .. ههاااااااااااااااااااااي http://gfx1.hotmail.com/mail/w4/pr01/rtl/i_safe.gif
روح دور لك كتب من اول وثاني ثانوي عشان تذاكرهم .. طيب لييييه
انا دروس ثالث زين اني اذكرها تبون تختبروني بدروس اول وثاني !!
السالفه هل هي تعقيد ؟ ام لعانه ؟ ام قلة حيا ؟ ام تصريف الشباب والفكه منهم عشان مايكملون دراستهم ؟
ولا وش المقصد بالظبط !! http://gfx1.hotmail.com/mail/w4/pr01/rtl/i_safe.gif
....
طيب خلوني اتكلم عن نفسي شوي !!
انا واحدن قدر الله علي بثاني ثانوي وصار لي حادث وتنومت بالمستشفى .. وللاسف كان وقت دراسه http://gfx1.hotmail.com/mail/w4/pr01/rtl/i_safe.gif
تميت بالمستشفى تقريبا شهر الا كم يوم
وجا وقت الاختبارات النهائيه ونا ماكنت احظر منوم بالمستشفى
كلمنا ادارة المدرسه وراسلنا الوزاره بخصوص تأجيل اختباراتي عالاقل بعد الطلاب باسبوع
اكون ذاكرت وجبت مدرسين وسنعت اموري !!
كان ردهم : ياتختبر مع اخوياك ياتعيد السنه .. بغيت ولاكيفك http://gfx1.hotmail.com/mail/w4/pr01/rtl/i_safe.gif
ختفووووووووووووو عليكم واحد واحد http://gfx1.hotmail.com/mail/w4/pr01/rtl/i_safe.gif
ودخلت الامتحانات وجبت ام ام العيد واخذت نسبتي بثاني 70%
طيب جا ثالث وقلت لازم اشد حيلي .. والحمدلله شديت حيلي واجتهتد وجبت 95%
وتجيك حلاوة التربيه والتعليم بنظام التراكمي .. وتخسف ام امي من 95% إلى 82 % http://gfx1.hotmail.com/mail/w4/pr01/rtl/i_safe.gif
بذمتك ماهو تحطيم .. بالله عليكم ماهو ظلم
وجبت بالقدرات 77 % .. وبالتحصيلي 72 %
يعني نسب حلوه ومعقوله .. الاغلبيه داجين 70 وتحت .. نص الي اعرفهم بالستينات http://gfx1.hotmail.com/mail/w4/pr01/rtl/i_safe.gif
ماعلينا اخذت ملفي من المدرسه ومبسووووط اني خلصت الثانويه الحين وشاق ام ام الابتسامه خلاص كبرت .. هههههههه
المهم وتميت فتره مابقى جامعة .. ولاكليه .. ولامعهد بالمملكه العربيه السعوديه الا قدمت فيه
والله العظيم لواحسبهم فوق الـ 18 جامعه وكليه ومعهد سجلت فيهم !!
وطلعت كل نتايجهم وكلهم نفس الرد : نعتذر بعدم قبولك .. نتمنى لك التوفيق http://gfx1.hotmail.com/mail/w4/pr01/rtl/i_safe.gif
اي توفيق بيجيني من وراكم حسبي الله عليكم ..
وش تبون مني تبوني غصب اجيب لكم 99% .. يعني هذا الي الله كتبه لي وجبته ليه الرفض !!
مسكييين الي يقول حلمي ادرس كذا وكذا ههههههههههه
هذاك اول ياحلو ياللي تفكر بمستقبلك .. مستقبلك من الان ورايح موبيدك فديت قلبك بايد غيرك يانايم صح صح ~
رساله لطلاب الثانويه الان :
لحد جاك وسئلك ها يابطل وش طموحك تكمل بعد الثانويه ؟
قله كل تبن وظف وجهك .. وعطه ظهرك وروح المقصف خذ لك شي تاكله http://gfx1.hotmail.com/mail/w4/pr01/rtl/i_safe.gif
قال ايش قال وش طموحك ؟ ياما سئلوني هالسؤال وكنت اجاوب اقول ودي : مهندس
مهندس مييين ياحبيبي .. لوتجيني خباز الحين بروح اقدم ملفي .. هههههههههههههه
......
هل يعقل ياناس نسبة الطلبه الي قدمو عالبعثات هالسنه هي 47 ألف طالب وطالبه http://gfx1.hotmail.com/mail/w4/pr01/rtl/i_safe.gif
معقوله كل هذولي اظطرو يطلعون يدرسون بره بسبب انهم مالقو لهم جامعات هنا !! http://gfx1.hotmail.com/mail/w4/pr01/rtl/i_safe.gif
حنا عيال الديره مانلقى لنا جامعات هنا ؟؟ يظطر الواحد يروح للغربه عشان يدرس ويتعلم
الغربه صارت هي وطنا بهالأيام .. الغربه للاسف هم الي قدرونا واهتمو فينا ودرسونا وعلمونا http://gfx1.hotmail.com/mail/w4/pr01/rtl/i_safe.gif
....
كنت بالثانويه اخطط احلامي .. كنت افكر بمستقبلي
كنت وكنت وكنت .. !! لكن كل شي انهدم
خخخخخختفووووووووووووو على كل من كان السبب بضياعنا http://gfx1.hotmail.com/mail/w4/pr01/rtl/i_safe.gif
....
من اليوم ورايح خلاص .. والله لاصير .. بفحط .. بهستر ..
لين حد يحس فينا !!
...
المشكله كل جامعه تقدم فيها يقولك نبي مثلا 80% وفوق
ويبون عدد الطلاب 10 الاف طالب مثلا
تلقا 20 ألف طالب مسجلين نسبهم 90 وفوق
بالله حنا يااصحاب الثمنينات وش نسوي ؟؟ http://gfx1.hotmail.com/mail/w4/pr01/rtl/i_safe.gif
....
افرضو انه فيه جامعه ماتقبل الا طلاب نسبهم من 70% إلى 90%
فوق الـ 90% ماتقبل خلاص يشوفون لهم جامعات ثانيه ياكثرهم بهالديره
جامعه وحده بسسس لويصير فيها هالنظام وقسمن بالله العظيم ان نص العاطلين الحين تلقاهم يدرسون فيها
يعني ليش وزارتنا مايشغلون عقلوهم ليش الوزير جالس على كرسيه وراز خنفرته ومغير يطلع قوانين وشروط مدري من وين جايب امها
ليش مايفكر كيف يلقى حل لهالطلبه الي متكين ببيتوهم ماجاهم شي .. ليه كل تفكيره بالطلبه الدوافير ليييه
ليه يبي كل الناس يجيبون 90 وفوق ليه مايفكر ان الدراسه مستويات .. ناس مستواهم عالي وناس متوسط وناس نازل
....
انا اهم شي طلعت كل الي بقلبي
ومتأكد ان هذا مثل ماهو بقلبي برضو بقلب كل طالب خريج الثانويه
وكلنا بصوت واحد : حسبي الله ونعم الوكيل على من كان السبب
....
وبالأخير انا ماكتبت هالموضوع عشان اشهر نفسي
انا كتبته عشان توصل رسالتنا للمسؤولين ولمن يهمهم الامر
عشان كذا انا مابكتب لااسمي ولالقبي ولاشي
الي ابيه منكم ان هالايميل مايوقف عندكم وبس
لاتبخل على نفسك حتى لوترسله لواحد ..
اقل شي قدرو تعبي بكتابته ولاتوقفوه عندكم وانشروه وهالشي لمصلحتنا كلنا
وتقبلو تحياتي للجميع
واعذروني على زلاتي لكن وربي من حرر مافيني