ملتقى طلاب وطالبات جامعة الملك فيصل,جامعة الدمام

لما يجيك جدول فيه فئات مثل الي بالصوره الفئه الاولى ، الفئه الثانيه .... الخ

كيف نعرف المنوال ؟؟؟
تروحين عند خانة ( كثافة المنوال ) وتشوفين اعلى رقم للكثافه لازم يكون واحد مميز اكبر منهم، وممكن يتكرر الرقم مرتين فيكون عندك منوالين ، وممكن تكون الكثافه كلها متساويه فيكون لايوجد منوال

فقرة 20 الجواب غير موجود ، لماذا ؟ لان كثافة التكرار جميعها متساوية ( 0.2 )

فقرة 21 الجواب ( 25 ) ، لماذا ؟ لان اعلى كثافه تكرار ( 1.8 )
الحين بعد ما عرفنا انه اعلى كثافة ، نروح بنفس السطر بالجدول نشوف 1.8 مجود بأي فئة !!
موجود بالفئة الثانيه اللي هي : بين ( 30 و 20 ) ، المنوال راح يكون بالمسافه الي بنص هالرقمين الي هي 25

فقره 22 الجواب : 10 و 17.5 كييف ؟؟؟
نشوف اعلى كثافة تكرار بالجدول !!! راح نلقاها 1.6 متكررة مرتين معناه عندنا منوالين ، نروح للفئة الثانيه نلاقي طولها بين 5 و 15 ، شوفي ايش منتصفهم !!! منتصفهم 10 ، معناه المنوال الاول 10
الحين نروح للكثافه 1.6 الي تحتها بالفئة الثالثه الي محصورة بين 15 و20 وأحسبي منتصف هالمسافه كم ! تلاقيها 17.5

يعني النتيجة المنوال 10 و17.5

الفقرة 23 الجواب 35 كيف !!
بالجدول الرابع ماوضع لك الكثافه وضع لك f يعني التكرار وهو نفس الطريقه
شوفي اعلى تكرار تلاقيه 20 يعني بالفئة الرابعه بين 30 و 40 كم منتصف هالرقمين !!! منتصفهم 35
معناه المنوال 35

باختصار شدييييد

المنوال للجداول الي عباره عن فئات ، تروحين لاعلى كثافة تكرار ، ثم تشوفين كم مركز الفئة تبعها الي هو منتصف الرقمين ، هذا هو المنوال

اعذروني عالشرح اذا مو واضح ماحبيت اطلع من غير ما اساعد بشي

دعواااتكم