|
ضروري أستفسار عن كلية المانع؟
بسم الله الرحمن الرحيم السلام عليكم ورحمة الله وبركاته أنا توني عضو جديد بينكم أن شاءالله تقبلوني أخو لكم أحبيت أسفسار عن كلية المانع س1/كيفية التسجل في الكلية وأيش الأوراق المطلوبه للتسجيل؟ س2/أنا نسبتي 69.83يعني جيد هل يقبلوني أولا>> على الحفه كلش أن شاء الله يقبلوني س3/كيف دراستهم صعبه ولا يعني و شهاداتهم مضمونه ولا لا أبغى الجواب بصراحه؟ س4/ أيش هو أختبار القبول عباره عن أيش يعني الأسئلة كيف طريقته تختبر على كمبيوتر أوعلى ورق أو مقابله؟ س5/وأبغى أعرف أذا الواحد بيدرس على حاسبه كم يدفع أذا كان بكالوريوس أو دبلوم يعني بكالوريوس كم والدبلوم كم يعني الدارسه كامله كم تطلع عليك؟ س6/أيش المواد اللي ندرسه وأيش أحسن تخصص الصيدله أو التمريض >> بمعني أحس أن الصيدله أسهل بس مدري؟ وبصراحه أنا متخوف كل مدخل منتدى أسمع ناس ترفع في المعهد وتقول زين وحلو وناس لا تذم وتقول لا موزين وشهادة مومضمونه فيه فيعني الواحد الحين صار متحير عاد فامانه اللي يعرف عاد لايبخل علينا ياأخوان؟؟ وأتمنى ألقى حق أسلئتي جواب ؟؟؟ والله يوفقن ويوفقكم اَمين يارب العالمين.. أنتظرا ردكم علي ياالغوالي... ماعليش طولت عليكم بس طول بالكم علي وأذا عندي أي سؤال بسدحه هنا على طول<<لابالعرض ههههههه أخــوكــم:~~ مــج ــهــول الــهــويــه~~ |
رد: ضروري أستفسار عن كلية المانع؟
هلا والله اخوووي حياك نوورت ...
وراح اجاوب عاللي اقدر عليه واكيد البرستيج قلبو ماراح تقصر معك ... س1/كيفية التسجل في الكلية وأيش الأوراق المطلوبه للتسجيل؟ تروح للكليه نفسها وتقدم اوراقك .. والاوراق المطلوبة شهادة الثانوية الاصلية وصورة منها .. و صورة من بطاقة العائلة وصورة من نتيجة القدرات والتحصيلي و4 صور شخصية تقريبا س2/أنا نسبتي 69.83يعني جيد هل يقبلوني أولا>> على الحفه كلش أن شاء الله يقبلوني نسسبتك مررة نازله ومافيه امل يقبلونك على حساب الموارد ( الحكومة) ومادري بالنسبة لدخولك بحسابك الشخصي يمكن يقبلونك الله اعلم ... س3/كيف دراستهم صعبه ولا يعني و شهاداتهم مضمونه ولا لا أبغى الجواب بصراحه؟ انا بالنسبة لي دراستهم سهله وحلوووة س4/ أيش هو أختبار القبول عباره عن أيش يعني الأسئلة كيف طريقته تختبر على كمبيوتر أوعلى ورق أو مقابله؟ هو اختبار تحديد المستوى يكون كله انجلش عالكمبيوتر وراح يحدد بس اذا تحتاج لترم انجلش او ترمين او تدخل تخصص على طول ولكنه مايحدد القبول ... س5/وأبغى أعرف أذا الواحد بيدرس على حاسبه كم يدفع أذا كان بكالوريوس أو دبلوم يعني بكالوريوس كم والدبلوم كم يعني الدارسه كامله كم تطلع عليك؟ دبلوم 24 الف بالسنة والبكالريوس 60 الف بالسنة س6/أيش المواد اللي ندرسه وأيش أحسن تخصص الصيدله أو التمريض >> بمعني أحس أن الصيدله أسهل بس مدري؟ ماعندي فكرة لان دراستي ماهي هالتخصص بس اتوقع التمريض يقولون اسهل البنات على حسب ماسمعت ... واللي اعرفه المواد الي تدرسها بالسنة الاولى تاخذ الترم الاول الاساسيات كيمياء فيزياء احياء انجلش عام اخلاقيات المهنة وثقافة اسلاميه امممممممممم هيك يعني .. السموحة عالقصووور وربي يوفقك ... :119: |
رد: ضروري أستفسار عن كلية المانع؟
اقتباس:
وعليكم السلام ورحمة الله وبركاته اقتباس:
ياهلا والله نورت.. اقتباس:
بخدمتك.. اقتباس:
الأوراق المطلوبه : 1/ نسخه من الشهاده.. 2/ نسخه من شهادة حسن سيره وسلوك .. 3/ صوره شخصيه .. 4/ صوره من بطاقة الأحول .. 5/ 100 ريال .. اقتباس:
هذا بالأضافه إلى دعم صندوق الموارد البشريه .. اقتباس:
أما الشهاده .. إن شاءالله مضمونه.. اقتباس:
يحدد أن كنت بحاجه إلى السنه التحضيريه أم لا... وطبعاً تدفع 100 ريال يوم الآختبار.. إذا كان التخصص دبلوم فتحتاج إلى أمتحان البرومترك.. إللي يكون الأمتحان في معهد نيوهورايزن ! وقيمة الأمتحان <>< إن شاءالله يفيدك أحد الآعضاء بذلك .. والأختبار على جهاز الحاسب الآلي . اقتباس:
وللسنه: 12 الف ريال.. الدبلوم : للسمستر الواحد 12 الف ريال.. السنه :24 الف ريال.. البكلريوس : للسمستر 30 الف ريال .. السنه :60 الف .. اقتباس:
الصيدله .. المختبرات.. التمريض.. التخدير.. تأمين صحي ( للبنات فقط)... وأيهما أفضل .. حسب الترتيب أعلاه .. وإي فيهم أسهل.. كل تخصص يبيله مجهوده الخاص.. اقتباس:
بصراحه وكوني طالبه أدرس بالكليه.. ما أنصحك.. اقتباس:
تحياتي لك.. |
رد: ضروري أستفسار عن كلية المانع؟
اقتباس:
اقتباس:
اقتباس:
شرقاوية موووت + البرستيج مشكورين وربي يعطيكم ألف عافيه... |
رد: ضروري أستفسار عن كلية المانع؟
الدبلوم سنتين ونص
والبكالريوس 5 سنوات :mh19: البرومترك اختبار بس للدبلوم ... انجلش بعد وسهل بس يبيله تركيز وله نسبة محدده عشان تعديه وتدخل تخصص الدبلوم الي انت تبيه ... وسمستر يعني نص سنة ...فصل دراسي واحد بسس :cheese: والعفووو ماسوينا شيئ يعافيك ربي ... |
رد: ضروري أستفسار عن كلية المانع؟
اقتباس:
أن شاءالله.. اقتباس:
مثل ما أسلفت شرقاوويه موت .. لكن أضف عليهم السنه التحضيريه أن احتجت لها.. اقتباس:
كتبت لك أخوي .. السنه التحضريه كامله 12 الف يعني السمستر الواحد أخذ نص الرقم.. الدبلوم 24 الف .. يعني السمستر 12 الف .. البكلريوس 60 الف .. يعني السمستر الواحد 30 الف .. اقتباس:
مثلاً البكلريوس خذ 60× 5 = 300 الف أفرض أخذت السنه التحضريه كامله بيكون المجوع 300 × 12 =00 36 الف .. وهكذا...! اقتباس:
عند الأثنين ... أولاً : الساعات جداً طويله .. يعني متحمل يكون دوامك من 8 - 4 ثانياً: أنظمه سئيه جداً .. ثالثاً: قرارات ليست ثابته .. رابعاً : نصب . خامساً : ظلم .. سادساً : المكان ليس مهئ للدراسه أبداً !.. سابعاً: وماخفي كان أعظم.. |
رد: ضروري أستفسار عن كلية المانع؟
يآشيخ آذآ بتدرس على حسآبك بترتآح
آمآ آذآ مو على حسآبك آنحآش ورب آلبيت بيعقدونك نفسيآ .. |
رد: ضروري أستفسار عن كلية المانع؟
السنه التحضيريه : للسمستر 6 الآف ريال .. (يعني المقصود بالسمستر الفصل الداراسي ولاأيش؟؟؟؟) وللسنه: 12 الف ريال.. الدبلوم : للسمستر الواحد 12 الف ريال.. السنه :24 الف ريال.. البكلريوس : للسمستر 30 الف ريال .. السنه :60 الف البرستيج هذا نصب هذا كلام جديد البكالوريوس السمستر ب30 الف ريال والدبلوم السمستر ب 12 الف ريال والسنة التحضيرية السمستر ب6 الف ريال هذا نصب وظلم بكالوريوس ولا دبلوم ولا سنة تحضيريه كله سمستر واحد ليش الرسوم تختلف البكالوريوس السمستر ب30 الف ريال والدبلوم السمستر ب 12 الف ريال والسنة التحضيرية السمستر ب6 الف ريال كله سمستر واحد يزيدون برسوم حرام ياخذون فلوس الناس باردة مبردة مافي فرق بكالوريوس ولا دبلوم ولا سنة تحضيرية كله سمستر واحد حرام ياكلون فلوس الناس |
رد: ضروري أستفسار عن كلية المانع؟
اخوي مجهوول الهويه
ان عن نفسي ما انصحك تدرس بكلية المانع اولا ما عندهم نظام كل يوم كلام جديد تتفاجئ فيها هذي اعظم مشكلة بهالكلية وما خفي اعظم انصحك اخوي في ملتقى فيصل يوجد منتدى للاكاديمية انصحك تدخله وتستفسر وتعمل مقارنه بين الاكاديميه والمانع وبعدين تقرر وين تروح ان بصراحه انصحك تدرس بلاكاديميه حسب ما سمعت وضعه افضل من المانع بكثير استفسر بمنتدى لاكاديميه واعمل مقارنه وفكر زين |
رد: ضروري أستفسار عن كلية المانع؟
اقتباس:
بعد مو جايبته من عندي !!!:000: اقتباس:
فعلاً أخوي إذا عندك مقدره على الدراسه على حسابك.. عندك معهد التنميه.. كلية الغد .. الآكاديميه.. المواساة & السباعي<>< مش متأكده أن كان فيه للأولاد !! يعني بصريح العباره أترك المانع لـ آخر آخر آخر آخر أحتمالاتك!! |
| All times are GMT +3. الوقت الآن حسب توقيت السعودية: 04:58 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه