سؤالين مهم
 

السلام عليكم ورحمة الله وبركاته

أن شاء الله يكون الاختبـار خفيف علينا وسهل على الجميع ونتوفق بالدرجـات العاليه يارب

عندي سؤالين بملخص أم جهـاد ولا قدرت افهمهم وياليت الي يقدر يفهمني يشرحهم لي الله يجزاه خير

السؤال الأول

القيود : متى يمكن أن يكون القيد خطي .. ومتى لا يمكن أن يكون القيد خطي ؟؟

لأن بصراحـه انلحس مخي مره لازم يكون بدون يساوي واذا كانت الاجوبه كلها يساوي نختار اجابه فيها سالب مدري مافيها سالب ؟؟ ابي شرح تفصيلي ياليت



والسؤال الثاني وهو شوي معقـد اشوفه

أذا عطاني رسم بياني الي فيه x1 و x2 ومجموعة ارقام حوسـه بعدها عطاني اسئلة مثل

القيد الأول يتقاطع مع المحور ( اكس 1 ) في النقطه ؟؟

القيد الثاني يتقاطع مع المحور ( اكس 2 ) في النقطه ؟؟

القيد الأول يتقاطع مع المحور ( اكس 2 ) في النقطه ؟؟

القيد الأول يتقاطع مع القيد الثاني في النقطة ؟؟

رد: سؤالين مهم
 

مافيش حد ؟

رد: سؤالين مهم
 

http://www.ckfu.org/vb/t717476.html

تابع هذي الاخت توليب قعد تشرحها

رد: سؤالين مهم
 

هلوووو مسيو فهد

روح للورشه فيه اخر شي اسئلة الاعوام.
فيه ملف تجميع اسئلة الدكتور ملفي
هناك تلقى المسائل وحلولها وشرحها.

اعتمدها في المذاكره وبعدها راجع وثبت بنموذج الدكتور

موفق

رد: سؤالين مهم
 

اهلين أختي منيره

زمان عنك والله مانسيت معروفك معي العام ، ماقصرتي الله يجزاك خير


الملف هذا حملته واتوقع الي سواه الاخت ام جهـاد

المشكله القيود ( مرات يقولون الجواب يجي فيه سالب على كلام الدكتور ، والملف الي فتحته لام جهاد كاتبه الجواب مايجي فيه سالب )

وفيه بعض الاسئلة يقولون الجواب لازم يكون اكبر من او يساوي او العكس ( انا ابي اعرف اكبر من كم ؟؟ او اصغر من كم او يساوي )

يعني مثـلاً سؤال .. القيد التالي ان يكون في برنامج خطي وحاطين له جواب وكاتبين فيه السبب لانه اكبر من او يساوي ؟؟؟ طيب اكبر من كم عشان اعرف او اصغر من كم عشان اعرف لاني ماصرت افرق وش الاكبر ووش الاصغر ؟.؟


الله يجزاك خير اذا تشرحين لي الاسئله الي مو فاهمها فوق واكون ممنون لك

رد: سؤالين مهم
 

عندك ملخص عبدالله الحمادي هو شارح كل شي وبالتفصيل انا كنت معتمدة على الله ثم عليه وبعده مسكت ملف ام جهاد الله يسعدها

رد: سؤالين مهم
 

السؤال الأول ماعندي علم فيه لكن بحاول افهمك السؤال الثاني








المقصود بالقيد الاول او الثاني هو الرقم الي يكون على يمين القيد بين قوسين مجرد ترقيم خارج المسألة


مثلا طلب منك القيد الثاني يتقاطع مع المحور ( اكس 2 ) في النقطه ؟؟
انت اول شي تشوف وين القيد رقم 2 مكتوب الترقيم على يمين القيد
وبعد كذا هو طلب منك اكس2 على طول تلغي اكس 1 وتعتبره صفر
وبعد كذا تسوي عمليه قسمه تاخذ الرقم الى بعد علامة=< او => المهم يجي رقم بعدها تاخذه وتقسمه على الرقم الى مع اكس2 ويعطيك النقطه المطلوبه


اذا كان ناتج القسمه مثلا 20 للأكس2 ترتب الاجابه على هذا النحو
(0.20)
لان داخل الاقواس المكان الايمن مخصص لأكس2 والمكان الأيسر مخصص للأكس1 واحنا حطينا صفر مكان اكس1 لانه طلب فقط اكس2 وبالتالي الاكس غير المطلوب يكون صفر


طبق الخطوات على مسأل وبتثبت المعلومه بالتوفيق :d5:

رد: سؤالين مهم
 

الي فهمته من شرحك ولما طبقته على المسائل الي موجوده عندي طلع معي

أذا القيد الأول مع ( اكس 1 ) اخذ الرقم الي عاليمين سواء 20 او 40 واقسمه على العدد الموجود مع الاكس حقته مثلاً ( x1 ) اقسم 40 على 1 ويطلع الجواب 40 هو الصح ؟؟


وأذا القيد الثاني مع ( اكس 2 ) اخذ الرقم الي عاليمين مثلاً 40 واقسمه على العدد الموجود مع الاكس حقته مثلاً ( 4x2 ) وأقسم 40 على 2 ويطلع الجواب 20 بس الـ 20 نقلبهـا لـ 0,20 ويصير الجواب كذا صح ؟


يعني الاكس واحد دايم بدون فاصله والاكس اثنين دايم الجواب يكون بفاصله ؟

يارب كذا صح ، واذا خطأ ماعليش علمني يمكن ماتضح الجواب لي للحين ؟

رد: سؤالين مهم
 

القيد
اهم شي علامة اكبر او يساوي الصفر


لانه اذا اصغر من او يساوي يكون ضد شرط عدم السالبية




وانا نفسك احس الخيارات غريبه تحير

رد: سؤالين مهم
 

الطريقه مره سهله .. عندك مثلا هذا المثال :


x1+2x2 <= 40 القيد الاول
4x1+3x2<= 120 القيد الثاني
داله الهدف maxz=40x1+50x2


لما يعطينا السؤال القيد الاول يتقاطع مع محور x2 عند اي نقطه ؟
نروح للقيد الاول عشان نستخرج قيمه اكس 2 نقسم الطرف الثاني على معامل اكس 2 يعني نقسم 2 على 40 فا تطلع عندنا قيمه اكس 2 تساوي 20 و اكس 1 تساوي صفر
اذن يتقاطع القيد الاول مع محور اكس 2 عند النقطه (20 , 0) جهه اليسار نضع فيها قيمه اكس واحد وجهه اليمين نضع فيها قيمه اكس 2


السؤال الثاني القيد الثاني يتقاطع مع محور اكس واحد عند النقطه ؟
نفس الشي نروح للقيد الثاني ونقسم الطرف الثاني على معامل اكس واحد
120 على 4 تساوي 30
اذن يتقاطع عند النقطه (0 , 30)


واذا اعطاك بالسؤال عند اي نقطه يتقاطع القيد الاول والثاني هذا استخرجه عن طريق الاله
نروح لكلمه mood ونختار رقم 5 بعدها رقم واحد وندخل معامل المتغيرات ويعطيك الناتج
عندك في موضوع ورشه الاساليب الكميه موجوده الطريقه مع الملفات
..


اتمنى انك فهمت على شرحي البسيط ..