اختي بتختبر ولا قد حضرت اي محاضره !!
 

السلام عليكم ورحمة الله وبركاتة

انا اختي تدرس انتساب ادارة اعمال مستوى 1
المهم اختي متزوجه ومشغوله ولا قد فتحت المحاضرات ولا شافت وشاركت باي شي !!
انا طبعت لها كل الملخصات و الاسئلة الي قبل الي تحتاجها ولكن خايفه انها ماتنجح لانها ماتعرف ولا شي عن المواد :mad::mad:

والحين حددوا اختبارها يبدأ الاربعاء بس برضو مانعرف وين مركز الاختبار بالضبط بس محددين المدينة !!

اتمنى تساعدوووني الله يسعدكم وبالله لحد يقول ليش دخلت جامعه وهي ماتحضر ! كافحت بالثانوي عشان تدخل الجامعه والحين انشغلت جدا

رد: اختي بتختبر ولا قد حضرت اي محاضره !!
 

معليش تو انتبه..
اختي بجامعة الملك فيصل وانا حطيته بالمكان الغلط
اتمنى تعدلون مكانه

رد: اختي بتختبر ولا قد حضرت اي محاضره !!
 

المفروض انها كانت تحضر وتحمل المناقشات والواجبات
بس قدامها وقت مددوا الاعمال الفصليه
خليها تدخل تحمل المحاضرات وتحل المناقشات والواجبات وبكذا تضمن ثلاثين درجه
وبعدها على حسب المواد اللي علميه مثل الرياضيات تتابع وتفهم
والمواد الغير عمليه تذاكر المحتوى والملازم وتشوف وش المهم والمذكور بالمحاضرات المباشره

رد: اختي بتختبر ولا قد حضرت اي محاضره !!
 

الأعمال الفصليه تنتهي في تاريخ 6 / 3

يعني قدامها 10 أيام تقريبا

انتي ساعديها بالأعمال الفصليه وحليها عنها

وبالنسبه للمواد يمديها تذاكر

ترى سهل جدا .. بس الهم من الأن تبدأ تذاكر وتضغط ع نفسها

والله يسهل الأمور ان شاء الله

وعقبال النجاح والتخرج

رد: اختي بتختبر ولا قد حضرت اي محاضره !!
 

بالمناسبه .. ترى مهم وضروري تركز ع أسئلة الأعوام السابقه

اغلب الأساتذه ما يغيرون بالأسئله كثير

واحيان تكون نفس الأسئله مكرره نسخه ما فيه تغيير


الطريقه للمذاكره :

ضروري تدخل على قسم إدارة اعمال مستوى اول في المنتدى هنا

تفتح محتوى الماده ويفضل يكون معاها قلم فسفوري

1 ) تقرأ المحاضره بشكل سريع وتحاول تفهم وتحفظ النقاط المهمه وتخطط عليهم

2 ) اول ما تنتهي من المحاضره الأولى ع طول تدخل الكويزات اللي ينزلونها الطلاب هنا وتحاول تحلهم عشان تقيس مدى فهمها واستيعابها للماده ..

ونفس الشي كل ما انتهت من محاضره .. تدخل ع الكويزات وتحلها ..


بالنسبه للرياضيات والمحاسبه يبي لهم فهم .. اذا هي شاطره بالحساب بتكون الماده سهله عليها

واذا هي عارفه نفسها انها ما تقدر تذاكر بهذي الفتره ولا يمديها .. اذا تقدر تأجل الأفضل تأجل اذا مسموح التأجيل الأن

وبالتوفيق

للعلم!
 

تم نقل الموضوع من قسم ملتقى طلاب التعليم عن بعد - جامعة الدمام.

الرد آلي للعلم

رد: اختي بتختبر ولا قد حضرت اي محاضره !!
 

شكرا لكم جميعا على ردودكم و مساعدتكم :rose:

رد: اختي بتختبر ولا قد حضرت اي محاضره !!
 

ههههههههههههههههههههههههههههه يعني وش تبينا نقول لك

المناقشات والمحاضرات والواجبات والمحاضرات المباشره
عليها 30 درجه لكل ماده
تقولين ماحلت ولا حضرت يعني الى الان مضيعه من يديها 30 درجه
قدامك عشر ايام تفتحين كل المحاضرات حقت كل المواد لو كل محاضره تفتحينها 10 دقايق ثم تقفلينها وتفتحين الي بعدها
وثم تكتبين اي شي بالمناقشات وتحلين الواجبات او بتضيع منك 30 درجه
والاختبار عاد لابد لو تطلع اطلاع على المواد وتقرى المحاضرات




الله يعين بس

رد: اختي بتختبر ولا قد حضرت اي محاضره !!
 

عاد المشكله اللي درجاته 60 يعتبر مقبول لو اخذ على الاعمال الفصليه 30و بالاختبار 30 ينجح بمقبول وحسب ماسمعت فيه معدل اذا نزل مستوى الطالب عنده يجيه انذار اول وثاني وثالث ثم يفصل من الجامعه يعني انتبهو

رد: اختي بتختبر ولا قد حضرت اي محاضره !!
 

هل استطيع التاجيل الآن . ابغى أأجل الاختبارات هل استطيع ذلك الان ارجو الرد باسرع وقت ممكن


دخلت على التاجيل يقول ليس لديك مواد مسجله بحثت عن تسجيل المواد مالقيتها بكل الاقسام

ارجو المساعده وشكراً