ملتقى طلاب وطالبات جامعة الملك فيصل,جامعة الدمام - جميع النقاط اللي اتذكرت في اللقاء المباشر مع الدكتور كاظم ابو صالح.. ورسالة مني لكم

اول شي المحاضرة اليوم ماكنت تماااام
بسبب تقطيع الصووت
المهم
رسالة مني لكل اللي دخل اليوم
الشات اتوجد لوضع الاسئلة فقط
فقـــــــط
فقــــــــــــــــط
انا اللي شفته وضع يخجل البنات قلبوها هرجة وسوالف.. ايش هدا؟؟؟
ليش كل شي مطور اتوجد لخدمتنا نقلبه ونستخدمه للتفاهه
في بنات يستحوا ياخدوا المايك ويسألوا
في بنات المايك تبعها خربان ففرصتها الشات
والبنات اللي كانوا بيهرجوا فيه كانوا سبب في تقفيل الشات ومنع البنات التانيين انهم يكتبوا اسئلتهم
طيب ليش
متى حنطور
متى نتعامل مع الامور جد؟
اللي يبغى يضحك ويفرفش
عندكم هنا قسم للفرفشة والمنتديات مليانة من دي الاقسام

صراحة انا كتبت لاني مقهورة من اللي حصل
وكان نفسي تجيني فرصه واخد المايك مو عشان اكلم الدكتور عشان اوصل رسالة لبنات الشااات

المهم
هادي النقاط اللي اتذكرت في المحاضرة:
:106: في الاختبار ضروري يكون معانا آلة حاسبة البسيطة مو لازم مطورة بس اهم شي يكون فيها جذر
:106:100 سؤال وطبعا اختيار من متعدد
:106: المحاضرة الاولى مساعدة في المادة ومو مطلوبة معانا في الاختبار بس اهم شي نعرفها كجمع الاعداد وقسمتها والكسور ... الخ
:106:المحاضرة التمهيدية مو معانا
:106:سألوا عن المحاضرات اللي بيعيد شرحها عالسبورة اذا حتنزلها محتوى قال لا
:106:ذكر مثال لسؤال ممكن يجي في الاختبار:
ماهو المقياس اللي ممكن ناخذ جميع البيانات في الاعتبار..
المتوسط - الوسيط - المنول - المدى
:106:مثال آخر:
يتأثر بالارقام المتطرفة..
وسيط - المنوال - المتوسط المدى
:106:ذكر اذا الواحد فاهم اللي في الشرايح فمايحتاج يشتري الكتاب
اما لو مو فاهم فأحسله يجيب الكتاااب
:106:حيحط نموذج للاسئلة المشابهة لاسئلة الاختبار
:106:للي معاهم الكتاب وحدة سالته اذا كل الكتاب معانا قال لا بس لحدت نص معامل الارتباط البسيط
:106:الاختبار من متعدد وحتكون الاجابة وحدة ماتكون اجابتين في نفس السؤال
:106:قال انه ممكن يخلوا لنا ورقة زائدة للاختبار نحل فيها
:106:بالنسبة للي يبغوا يستخدموا حاسبة الجوال قال لا بس آلة حاسبه
:106:وقت الاختبار ساعتين
:106:الرسوم والبيانات مانرسم ولا شي بس نعرف النتيجة
:106:ذكر انه هناك اسئلة تعبيرية مو رياضيه زي..
ماهو الشي اللي نستخرج فيه اعلى قيمة واقل قيمة..
المتوسط المنوال الوسيط المدى
:106:التعاريف نعرفها ونفهمها
:106:حيحاول يخلي الاختبار يكفي للساعتين واقل كمان
:106:ممكن يجيب جدول ويطلب مننا نستخرج مراكز الفئة والتكرار التصاعدي مثلا
:106:ماعنده فكرة لو في درجات عالمحاضرات المباشرةاولا بس حيتأكد ويرد علينا
:106:في محاضرة تانية
- نفس الارقام في المسائل تجي نفسها في الاختبار؟؟ قال لا نغير الارقام بس نفس الفكرة
-وحدةسالت سؤال عجيب؟؟ قالت ممكن يادكتور تدينا سؤال واحد من اللي حتحطه في الاختبار!!!!!؟؟ طبعا انتوا متوقعين ايش ممكن يكون رد عليها
-حيسهل الاختبار قدر الامكان

وبس
واتمنى من كل قلبي اللقاءات التانية مانشوف اللي حصل في الشات اليوم عشان لايقرروا يقفلووه مرة وحدة وللابد