|
افيدوني الله يجزاكم الجنه بحذف ماده
السلام عليكم
حبايبي الله يسعدكم الفتره اللي راحت صار عندي ظروف مرررره صعبه وانتهت بوفاة الغالي اخي اسأل الله ان يجبر مصابنا ويغفر له ويرحمه ويجعل الجنه مثواه المهم اني مادرست الى الان ولا ماده لاني كنت مرتبه جدول من قبل 3 اسابيع لكن قدر الله وماشاء فعل وزي مااشوفالحين باقي فتره بسيطه وتجي الاختبارات والمستوى صعب ومعي ترجمه الانماط من سادس والشعر والحمد لله انا مخلصه من الترجمه الابداعيه ودخلت موقع الجامعه لقيت مازال حذف ماده بدون رسوم مسموح فيه ومدري وش اصعب ماده واللي راح تاخذ مني مجهود ووقت ساعدوني ربي يفرج همكم فكرت بمادتين النقد الادبي او علم اللغه الاجتماعي بانتظاركم |
رد: افيدوني الله يجزاكم الجنه بحذف ماده
احسن الله عزاكم الله يرحمه ويغفر له
بالنسبة لسؤالك, كل المادتين سهلات والدكاترة يكررون الاسئلة حسب اللي قريته في الانطباع بعد الاختبار لكن المشكلة في طول مذاكرة مادة النقد الادبي , بالنسبة لي هالمادة ضيعت وقتي للأسف و خذت معي حوالي عشر ايام بعدين تركتها وانا ماخلصت منها ابي اذاكر المواد الثانية يعني لو بتحذفين شيء احذفيها هي اما علم اللغة الاجتماعي حلوة ومفهومة ماتضيع وقتك , ولو انتي من اللي قلوبهم جامدة وعادي تغامرين وتعتمدين على الاسئلة السابقة لاتحذفين شيء الله يوفقك ان شاء الله ويسهل امرك |
رد: افيدوني الله يجزاكم الجنه بحذف ماده
وعليكم السلام
احسن الله عزائكم ورحم فقيدكم انصحك تاجلي النقد الادبي لانه 3 ساعات...............اذا ماتقدري |
رد: افيدوني الله يجزاكم الجنه بحذف ماده
عظم الله آجركم وأحسن الله عزاكم انصحك تاخذي ماده علم اللغه الاجتماعي سهله ان شالله وماتسبب لك ضغط اتمنى لك التوفيق . |
رد: افيدوني الله يجزاكم الجنه بحذف ماده
وعليكم السلام ورحمة الله وبركاته
رحم الله اخاك وغفر له أسأل الله ان يجبر كسر قلوبكم لفراقه اختي انا مثلك الى الان فقط الترجمه الابداعيه المواد الاخرى ضروفي ما سمحت لي ابدا اني افتحها اول مستوى لي امر بهذي الظروف الله ييسرها عليا وعليك احذفي النقد افضل لك |
رد: افيدوني الله يجزاكم الجنه بحذف ماده
امييييين الله يجزاكم خير جميعا
اذاً وقع الاختيار على النقد الادبي والله المستعان |
رد: افيدوني الله يجزاكم الجنه بحذف ماده
الله يرحم اخوتس ويجعل مثواه الجنه يارب ،
من رايي ونصحيه اخت لاتاجلين اي ماده ، النقد الأدبي بعد اطلاع عليه من عام ١٤٣٤ الى عام ١٤٣٦ مكررة الاسئله ، ٥٠ سؤال ماراح يتعبونك ٩٥ بالمئه كل مواد الترم هذا مكررة ، حتى انا حاولت ادور مادة اساعد الاعضاء فيها ، مالقيت كل الدكاترة ماتغيرت والمقرارت نفسها ، ومادام نفسها اذن الاسئله نفسها ، الترم سهل جدا ، لاتاجلين ، واذا مات اخوك ، ماتوقف الحياة ترى ،حتى اخوك الله يرحمه ، لو انتي المتوفيه بعيد الشر ، عنك ، ماراح يترك وظيفته او يعطل أشغاله ، علشان وفاتك ، الحزن بالقلب وادعي لأخوك وتصدقي عنه ، مايبي منك شي غير كذا ، الحي أبقى من الميت ، اخوك مات ، الله يرحمه ، لكن انتي مازلتي على قيد الحياة ، توكلي على الله وخوذي كل المواد ، فيه وقت، تقدرين تذاكرين فيه ، واذا اذا تازم الوضع عندك ، صمي اسئله الاعوام السابقه ، وبتعدين باذن الله ، والله يجعلها اخر الاحزان بحياتكم يارب |
رد: افيدوني الله يجزاكم الجنه بحذف ماده
اقتباس:
|
رد: افيدوني الله يجزاكم الجنه بحذف ماده
اختي فيينا
اللهم امين الله يجزاك خير كلماتك تجبر وتريح الاعصاب |
رد: افيدوني الله يجزاكم الجنه بحذف ماده
اقتباس:
|
| All times are GMT +3. الوقت الآن حسب توقيت السعودية: 12:08 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه